بدأتـ المدرسة وليتها لم تبدأ...

[Anonymous Gril]

السلام عليكم ورحمة الله وبركاتهـ..

مساكم/ صباحكم
فل وريحان وياسمين

كيفكم ان شاء الله بخير؟؟..و منورين



بدأت المدرسة وليتها لم تبدأ ...

كلنا بنحكي هيك صح..

بس لكل منا أسبابهـ... في منا اللي بكرهـ الدراسة ..

واللي منا مش مستعد نفسيا..

واللي بكرهـ المعلمين / المعلمات..

واللي ع شان انفلونزا الخنازير.. ( متل حالاتي أنـآ )..

,,,

يا إخوان أنا بديت مدرسة ..

واحلى شي بالمدرسة الفرصة (فسحة) ..صح.. =)

بس نحن منعنا منها لأنهم حابسينا في الصف

من الـ 8 و ربع صباحاً لحد الـ 3 إلا ربع ظهراً.. =( سجن يومي هاد..



واللي زاد الطين بلة .. اني دخلت علمي ..


العلمي حلووو والله بس نحنا معلمينا بنكدوا ع راس الواحد وبصعبوه علينا...

واخدت هالـ 14 كتاب..
وأسوأهم ..

الفيزياء ..

أزمة حياتي .. بس الحمد لله اجتنا مدرسة تانية .. بس بدها ايانا نحفظ القوانين ..

واحنا مش فاهمينها اصلا..

في حد فيكم بعرف يدرس خصوصي فيزياء ع النت..



الجيولوجيا..

كان كتاب واحد صاروا تنين ..

والله بعرفش ايش بنستفيد منها .. ( بس معادن وتربة وما بعرف شوو )

الإنجليزي ..

يا لهوي .. الله لايوريكم .. بتفهموش كلمة منهـ ..

الصقر بعرفه falcon صار hawk ...

والدودة صارت caterpillar ...

واسم الكتاب بدال English صار on location..

،،،

العربي ..

شو بدي احكيلكو تاحكيلكوا ,,

هالمدرسة بتفهمش عربي..
وحترسبنا بالنحو والعروض..

طبعا انتو ما فهمتوا العروض .. هاد تبع بحور الشعر..

بقولها المد بينكتب شرطة .. لا المد حرفين .. مد شرطة .. معاندة فيني ..



***

بس أحلى شي إنه كل أسئلة كتاب الرياضيات محلولة ..

و المعلمة مصدومة ومتدايقة واحنا فرحانين..


****

ولا قعدة الصف ساعة لزقوا ببعض وساعة بيني وبين التانية متر ..

ساعة اقعدي ورا وساعة لزقي بالسبورة ..

هلكنا..

وانا بستنى بحصة الحاسوب ع شان اجي اقعد ع المنتدى .. واشوف الاخبار وشو اللي من وراي صار..


***

هذه قصة يوم من أيام المدرسة ..

:: ذكريات طالبة من الحادي عشر - العلمي ::


ترا في ملاحظة ..

مو معنا الكلام اني مو شاطرة او هيك شي..

انا دوم الأولى ع صفي..والله العظيم

بس من الكبت النفسي والتصعيب .. طفرت..

.....

آآهـ صح .. انتو شو عاملين .. ؟؟؟

وطلبة وطالبات المدارس كيف الوضع معهم؟؟؟

وانتو تعون الجامعة تتشمتوش فينا ..

كنتوا بيوم من الايام زينا..

[بقـ..ــايـ..ـا إنسـ..ـانـ]

هههههههههههههههههههه

الله يعينك ^^

[أســـآمـة]

صارلها شهر و شويه باديه عنا،،

يلا خلي الواحد يغير جو،،

[Maram .. ~]

الحمد لله لساتها ما بدت عندي هع

بس ورانا ورانا المدرسة

كلها أسبوع و حتبدى

و حاجي أفش خلئي هان :(

بس معك حئ بكل شي حكيتيهـ

ناحية الضفوط و المواد و الفسحة و المعلمات و كمان انفلونزا الخنازير

:'(

بس شو بدنا نعمل هاد مستئبلنا و لازم ننتبهلو منيح

يلا كلها 8 شهور و حتعدي بالطول و بالعرض

:)

[نسمة بلادي]

ههه ضحكتيني والله

الله يعينكم يا طلاب المدارس ويعينا احنا الجامعيين

لأنو احنا دراستنا أصعب بكتير من المدرسة ...

وليه ما بتحبي العروض ع فكرة مش بس انتي كنت الاحظ نسبة كبيرة

ما بحبو ولا بفهمو بس بتزكر لما كنت بالمدرسة كنت انا واكمن بنت

بنموووت فيه كنت أعشقه

وانحسدت بامتحان الوزارة التوجيهي وخبصت فيه ههه بس لهلأ بحبو *.^

والأحياء أأأخ منو شو كنت أتعقد من حفظه :(

واللي مريتي فيه تماما احنا مرينا فيه ولما كنت حادي عشر متلك.. السنة

برمشة عين خلصت ....

موفقة حبيبتي

[السيف عدي]

موضوع حلو ^^

زكرتيني ايام المدرسة .. ليلة اول يوم ما كنت انام هههههههههههه ..

هيك بفكر في السنة الجديدة .. وكزا ..

العلمي في اولو صعب بس ممتع .. انا فت علمي .. احلى من الادبي بكتير ..

شوي شوي بتتعودي ..

زاكري منيح .. بدنا نشوف علامات غير شكل ^^

موفقة ..

[Anonymous Gril]

قال حلو قال

هو حلو بس بوجع الراس..

حد بحط رياضيات بالحصص الأخيرة ..

والله بدهـ يجينا العمى والشقيقة و كأنهـ احنا بالبحر ..

دخنا اليوم والله دخنا..

***

حبيبتي نسمة .. أنـآ بموت في العروض وبحبه ..انو اللي قال اني بكرههـ ..

انا بحكي معلمتنا ما بتفهم فيه ..

***

شو هاد حسام ..

وانا بقول من وين جاييتني هالعادة .. :: السهر وعدم النوم لاول يوم ::

أتريك عاديني فيها..هههـ ..

***

حاضر حزاكر منيح وإن شاء الله برفع راسكم وراس العيلة وراس فلسطين..

( عاد شو بدي اعمل بالتوجيهي يوم يجيني .. )

[السيف عدي]

المشاركة الأصلية كتبت بواسطة anonymous gril

قال حلو قال

هو حلو بس بوجع الراس..:shababsmile235:

حد بحط رياضيات بالحصص الأخيرة ..:shababsmile111:

والله بدهـ يجينا العمى والشقيقة و كأنهـ احنا بالبحر ..

دخنا اليوم والله دخنا..

***

( عاد شو بدي اعمل بالتوجيهي يوم يجيني :shababsmile221: .. )

ههههههههه.....

عاد اسهل شي الرياضيات هههههههههههههه

اقلك شغلة اصلا المدرسة مش فاهمة اشي ..

اعلمك سر الخلطة ههههههه ( كنتاكي ) ..

اقراي الامثلة والتمارين .. بتلاقي المدرسة لو مين ما كانت ما بتطلع عنهم ..

عاد توجيهي اسهل من تاني علمي .. والله .. بتكوني اخدتي الصدمة في التاني ..

هو اصلا تمهيد لتالت هههههههههههههه .. بس تالت بدو تركيز هع ..

منورة ..

[انتهينا]

الله يوفقك حبيبتى

بس على فكره المدرسه ارحم بمراحل

ولما تدخلى الجامعه ان شاء الله راح تشوفى الفرق

ال رياضيات وفيزياء

فى الجامعه راح تكتشفى انها كانت مواد بسيطه جدا

هو فيه احلى من الرياضيات

ياسلام

فكرتينى

ان شاء الله ترفعى راسنا

فى امان الله

[الحان الحرية]

ـهههههههههـ

اللهـ يعينك حبيبتي ..

مع اني مش توجيهي بس عنجد انضغطت هالسنة غير شكل

من اول يوم واجبات و يوم الأحد علي امتحان ..

اللهـ يسهلها ع الجميع =)