سؤال سهل لايستطيع الإجابة عليه 99% منكم ..

[نسيم الشام]

السلام عليكم

أما بعد :
السؤال هو :
ماهي أعظم نعم الله على الناس؟؟؟
مع الدليل


ركزواا على كلمة الناس !

فكرة راائعة منقولة بس حابة اسمع اجوب ه مختلفة

[السيف عدي]

أول شي نعمة الوجود ،،

ومن ثم النعم التانية ..

تسلمي نسيم موضوع روعة ..

[محمود]

نعمة الهداية إلى الإسلام الصحيح ،،

الي خلتنا نشكر الله على كل نعمه الي أعطانا اياها ..

والي بتسيرنا لطريق نرضي فيه ربنا ونرضي فيه أنفسنا والجميع ،،

الإسلام أعطى النهاية والبداية الجيدة ، في الدنيا والآخر !

ما أعتقد انو فيه أحلى من هيك نعمة ، ولا أفضل ..

فبدون الإسلام لا ينفع المال ولا البنون ،،

ولا البصر ولا السمع ولا قوة الجسد ..

ما بنفعك غير ربك العآلمين ،، وصلاتك وعبادتك ..

والوجود بلا إسلام كاللا موجود ،،

احترامي خيتي ..

[نسمة دفا]

نعمة الاحساس. لانو بلا احساس كان كل الناس متلمين

وما دقنا للحياة طعم لا بفرح ولا بحزن والله لا يجيب احزان يا رب

ويسلمو نسيم الشام كتير موضوعك حلو ما ننحرم يا رب =)

[PaLeSt!Ne SouL]

المشاركة الأصلية كتبت بواسطة محمود

نعمة الهداية إلى الإسلام الصحيح ،،

الي خلتنا نشكر الله على كل نعمه الي أعطانا اياها ..

والي بتسيرنا لطريق نرضي فيه ربنا ونرضي فيه أنفسنا والجميع ،،

الإسلام أعطى النهاية والبداية الجيدة ، في الدنيا والآخر !

ما أعتقد انو فيه أحلى من هيك نعمة ، ولا أفضل ..

فبدون الإسلام لا ينفع المال ولا البنون ،،

ولا البصر ولا السمع ولا قوة الجسد ..

ما بنفعك غير ربك العآلمين ،، وصلاتك وعبادتك ..

والوجود بلا إسلام كاللا موجود ،،

احترامي خيتي ..

أنا فكرت مثلك لكن ركز على كلمة الناس

كتير ناس غير مسلمين صح ؟؟

أكبر نعمة عالمسلمين الإسلام

لكن أكبر نعمة عالناس شو؟؟

[تحـ البشر ـدوهـ]

انا برأيي انه اكبر نعمة الله انعمها على المسلمين

هو الدعاء

::

اتخيلوا معي ..

انت في امتحان ..

وفي اسئلة صعبة وسهلة ..

السهلة بنعديها ..

والسهلة بنطلب من الاستاذ انه يشرحلنا الطريقة تعت الشرح

حتى نتبعها ونهتدي للجواب الصحيح

::

كيف نوصل للاستاذ ؟؟

بناديه بيجي

::

وهذي هي الدنية

امتحان ..

مواقف صعبة بنمر فيها

ومواقف سهلة ..

الصعب منها بنرفع ادينا وبندعي

والسهل منها كمان بندعي حتى نكون واثقين مية بالمية انه جوابنا صح

::

وكيف نوصل للحل والطريقة الصحيحة

بالدعاء

:)

::

متل كأنه الله بيقولك اعبدني واطلب واتمنى اللي بدك اياه

بدعائك الي

ورجائك

::

انت بس ابدأ بالدعاء ..

وتوكل على الله

عمره الله ما بيخيبلك طلب

::

بجد اكبر النعم علينا هو الدعاء

::

هاد بالنسبة للمسلمين

اما الناس عامة ..

ف أكبر نعمة وجدت هي تقبل التوبة والهداية للطريق الصحيح

::

الله جل جلاله بيفرح بهداية عبد .. الى الطريق الصحيح

سبحان الله

فعلاً نعمة

(( ربنا لا تزغ قلوبنا بعد ان هديتنا وهب لنا من لدنك رحمة انك انت الوهاب ))

:)

::

شكرا اختي ع الموضوع

سو انترستنج

[أم الوليد]

وان تعدوا نعم الله لاتحصوها ...كتيييييييييييييييير فكرت باجوبة لسؤالك بس ماعرفت اختار وحدة اهم من التانية لانو غارقين بنعم الله علينا ...والحمدلله عنعمو وفضلو

[إيمـان]

ماهي أعظم نعم الله على الناس؟؟؟..الاسلام

[بنت فلسطين المجروحة]

ان الله ربنا


^^


فهو موجد الاسلام والرسل وهو من اعطانا كل النعم المحسوسة والمعنوية

وهو الرازق لكل الناس الرحيم بهم وو ...



:)

[مآهينآز]

المشاركة الأصلية كتبت بواسطة بنت فلسطين المجروحة ان الله ربنا


^^


فهو موجد الاسلام والرسل وهو من اعطانا كل النعم المحسوسة والمعنوية

وهو الرازق لكل الناس الرحيم بهم وو ...



:)

إجابة أمانى صح 100% ...~

والدليل :

بسم الله الرحمن الرحيم

( الحمد لله رب العالمين )

وكلمة العالمين تشمل فى فحواها ( كل الناس )

//

على الهامش

ونعمة ( ان باب التوبة مفتوح لجميع الناس .. الاحياء منهم فقط ! ..)

ولا يشعر بنعمة التوبة ، إلا من يرزقه الله تعالى التوبة ..

مودتى وكثير إحترامى :)