: هَلْ تَعْتَقِدْ أَنَّ دَارَ العَجَزَة عُقُوقٌ لـِ الوَالِدَيْنْ ..؟!

[غرام فلسطين]

قَالَ اللهُ تَعَالَىْ : ( وَقَضَىْ رَبُّكَ أَلاَّ تَعْبُدُوا إِلاَّ إِيَّاهُ وبِالوَالِدَيْنِ إِحْسَانًا ) ..
( صَدَقَ اللهُ العَظِيمْـ ) ..




دَارُ العَجَزَةِ أَوْ مَا نُسَمِّيهِ دَار المُسِنِّينْ ظَاهِرَةٌ مُثِيرَةٌ لـِ الجَدَلْ ..
البَعْضُ يَعْتَبِرُهَا حَلاًّ عَمَلِيًّا حَتَّىْ لاَ يُصْبِحْ أَحَدَ الوَالِدَيْنِ عِبْئًا عَلَىْ أَبْنَائِهِ ..
والبَعْضُ الآخَرْ يَعْتَبِرْ أَنَّهَا جُحُودًا لـِ جَمِيلِ الأَبَوَيْنْ ..
وأَنَّ رِعَايَتَهِمَا هُوَ أَقَلُّ مَا يَكُونْ إِيفَاءًا لـِ الجَمِيلْ ..



هَلْ تَعْتَقِدْ أَنَّ فِكْرَةَ دَارِ المُسِنِّينْ عُقُوقٌ لـِ الوَالِدَيْنْ ..؟!
أَمْـ أَنَّهَا حَلٌّ عَمَلِيْ ..؟!


بـِ إِنْتِظَارِ آرَائِكُمـْ ..

[بنت الشام ..]

هلأ يمكن الفكرة مش غلط كتيـر ... !!


لكن المشكلة انو الرعاية عنا في دور العجزة .. في بلادنا العربية .. تعيسة



لذلك الي بحط احد والديه بدار العجزة .... مع علمه بانو مارح يلقى رعاية منيحة ... فهاد اكييد عقوق

البَعْضُ يَعْتَبِرُهَا حَلاًّ عَمَلِيًّا حَتَّىْ لاَ يُصْبِحْ أَحَدَ الوَالِدَيْنِ عِبْئًا عَلَىْ أَبْنَائِهِ ..

يعني فنو عمرون وهنن بربو فينا ... مستخسرين نرعاهم هالكم سنة الباقية من عمرون !!



بالاخير ... الوالدين لمن بشوفو ولادون حاطينون بعيونون ... رح تكون فرحتون كتير كبيرة



انو تعبون ماراح عالفاضي ...



وفرحتون بتكون اكبر بتواجدون مع ابناءون واحفادون ....




والله يخليلنا ياهون ياحق



يسلمو كتير حبيبتي ...


ارق تحية

[إيمـان]

وبل الولدين احسناا...هاد الي ناقص بعد ما ربونا وتعبو علينااا انوديهم دار العجزه ليش احنا ما بنقدر نرعاهم ...الله يهديه الجميع

تسلم السكر ..............

[قسامي غزة]

اي شي علمي تتحدثون عنه
يا محلاني وانا علي اخر عمري رامي ابوي وامي بدار المسنين
اعوذ بالله
والله بشيلهم فوق راسي
وكتير بتحصل مشاكل بين الزوجة والزوج علي هيك قصة
والماساة لما الزوج يسمع كلام مرتوا ويحط ابوه وامه بدار مسنيين
والله انها مصيبة
رضي الرب من رضا الوالدين

[PaLeSt!Ne SouL]

بالله و أي بر هاد
اللي ما بينفع أبوه و أمه اللي تعبوا عليه مابينفعوا حد

و يا سلام على دور المسنين اللي عنا
فندق سالب 5 نجوم
ال بر ال

تسلمي غرام

[قاهر الصعاب]

يعني الرد واضح من عنوانه

طبعا لا اقبل ووضع الاباء في دور المسنين من عقوق الوالدين .

اما اذا كان يوجد مسن ليس له اولاد او اولاده مسافرون ولا احد يرعاه هنا اعتقد دار المسنين افضل له .

الاباء بحاجة الى رعاية وحنان كما رعو ابناؤهم الصغار

[غرام فلسطين]

يسلمو على المرور

تحياتي الكم جميعا

[أم الوليد]

هاد عقوق لشو نوديهم دار المسنين بعد ماكبرونا وراح عمرن علينا ؟؟؟؟ نكافأهم بالنهاية بهيك محل مو معقول دائت الدنيا فيهم وهم السبب بوجودنا بالدنيا ، مستحييييييييييييييييل حتى فكر بهيك مهما صار

[غرام فلسطين]

يسلمو اختي ام الوليد
على المرولر

تحياتي

[الحان الحرية]

أنا برأيي عقوق 100%

يعني حتى لو الرعاية مو تعيسة بدور المسنين .. لكن الأب و الام بيحبو يكونو في نطاق عائلة و اسرة خصوصا ً لما يكونو كبار بالعمر

و وجود اولادهم حواليهم بيحسسهم انه في حدا مهتم فيهم و انه ما راح تعبهم بترباية اولادهم ع الفاضي .. !

و بالنهاية كما تدين تدان =)


يسلمو ع الطرح ..


أرق التحايا =)