ليش مش ماما& بابا!!!

[أم الوليد]

ليش مش بابا وماما؟؟

بنوصل لسن من بداية المراهقة والله اعلم لمتى بستمر ، ببطلو الام والاب ملجانا واصحابنا ،صحيح مابنستغني عنهم والهم كل ود واحترام منا لكن:


بتصير البنت اذا زعلت دغري بتلجأ لصحبتها بفرحها ، بمشاكلها ، بحزنها، حتى بس بدها تنبسط تطلع مع صحباتها





والشب كمان بس يزعل دغري بسهر عند صحابو ، بفرح بركض الهم ، بدو ينبسط بطلع مهم


ياترى ليش؟؟؟؟؟؟


هل للأهل خطوط حمراء ممنوع نتخطاها؟؟؟؟


هل صار مواقف معينة بينا وبينهم اعطتنا صورة سيئة لتجربة ورفضنا نحاول نكررها؟؟؟؟


هل لآنهم بنظرنا سلطة والها عمر وبتنتهي؟؟؟

هل لآنو ومتل مابحكي الاغلب مابفهمونا؟؟؟؟؟والمسافات بينا وبينهم ممكن توصل لجييييييييييييل بحالو؟؟؟

لآنو زمان اول تحول؟؟؟وماعاد ينفع فكرهم لهالزمن؟؟؟

ياترى ليش شباب!!!!

[sweet soul]

هل للأهل خطوط حمراء ممنوع نتخطاها؟؟؟؟

اه في

في شغلات بتنحكا الهم

بس الاكتريه لا

يعني صاحباتي بفهموني اكتر واهلي حياخدوها من ناحيه الدين والتربايه و... و,,,,و,, bla bla bla ^^


وجعه راس


هل صار مواقف معينة بينا وبينهم اعطتنا صورة سيئة لتجربة ورفضنا نحاول نكررها؟؟؟؟

انا مرا حكيت شي ل ماما زمان يعني

وبعديها راحت حكت لحدا تاني

يعني صح الشغله هبله ومش مستاهله

بس اخدت موقف منها ومارجعت حكيتلها شي خصوصي هيك


هل لآنهم بنظرنا سلطة والها عمر وبتنتهي؟؟؟

لا سلطه ولا فتوش

الهم رايهم اكيد وبحكي معم بكتير شغلات

بس بحدود ^^


هل لآنو ومتل مابحكي الاغلب مابفهمونا؟؟؟؟؟والمسافات بينا وبينهم ممكن توصل لجييييييييييييل بحالو؟؟؟



لآنو زمان اول تحول؟؟؟وماعاد ينفع فكرهم لهالزمن؟؟؟

مش ماعاد ينفع !!

بس غير عنا الهم تفكيرهم ومفهومهم الخاص

غير عنا لانو زروفهم الي عاشو فيها غير

يمكن ازا همي عاشو نفس طريئت حياتنا هلا بسيرو متلنا ...

بس مو معناها اني مابحكي معهم بشغلات خاصة

بس يعني مش خاصه خاصه نص خاصه


وانا برتاح اكتر لما احكي لصاحباتي او لهل الحدآ

يسلمو حبيبتي

ام الوليد

=)

[limar]

هلاء هالحكي مو بينطبئ على كل الناس مكن الاغلب


انا الي صديقات بحكيلهم

بس كمان ما بخبي شي على امي

وبتعرف قبل صاحباتي بكل شي

يمكن في اهل ما بتتفهم البنت او الشب

او في اهل ما بتعرف كيف تعطي حنان او تعبر عن مشاعرها

واحيانا في بكون متعصبين زيادة

وممكن ازا ابنائهم عملو شي غلط يكون ردة فعلهم قاسية كتير

بدون فهم للموضوع او المشكلة

لهيك بعض الابناء او اغلبهم بيلجأو للناس خارج محيط البيت



هاي اهم الاسباب برايي

ومشكورة حبيبتي

[PaLeSt!Ne SouL]

تسلمي إم الوليد ع الطرح
أنا كمان بفضل أقول لصحباتي أو بنات عمي أو خالتي اللي بعمري
كتير اشياء اهلي بيعدوها إما تافهة أو قلة أدب و ممنوع نحكي فيها

لكن صحباتي أو فريباتي نظرتهم أقرب لي من أهلي
كل ما نحكي بموضوع معين ماما بتقول لما كنت قدك كنت أعمل كذا و كذا

ممكن أشياء ما أحكيها لكن بالغالب بحكي
أنا ماما و بابا بيعدوا اللي بقولوا مش مستاهل و بيحكوا لغيرهم و هاد بيضايقني

بس بيضلوا نور عيوني

[εïз ملآكـ εïз]

امي و ابـؤي كلـ شي عيب و محظـور الحكي فيهـ عندهم ..

مستحيل اقلهم شي خصوصي .. متل مشــآكلي .. موآقف صــآرتـ معي شي متلـ هيكـ

جربت كتييير احكي لامي .. بس للاسف ما تفهمت و ردهـ فعلهـآ ما كانت متلـ ما كنت بدي ياها ..

بلجا لصحباتي لانو مشاكلهم من مشاكلي .. بتفهموا الي بمر فيهـ لانهم من نفس جيلي و تفكيري

صعبهـ ع اهلي يفهموا ..

الوضع ايـآمهم كـآنـ كتير غير .. و هلآ كلـ شي غير


..


بس بنفس الوقت في اشيــآ بتنحكى للام بس .. متلـ مرحلهـ البلوغ و شغلآتـ متل هيكـ ما حدآ بفهم فيها غيرهـآ ^^

و ثـآنكس ع الطرح حبيبتي

تقبلي مروري

[أم الوليد]

شرفتو حبيباتي بتفق مع اغلبكم انا بفضل احكي مع خالو او اولاد وبنات عمي بحسهم اقرب الي بس ماما بالغالب بخبرها كل شي ، بس بحسها بتضل خايفة علي وتضل تنبهني فبزهأ من هيك وببطل فترة وبرجع بعدها احكيلها ، بس بابا نو واي ممكن اخد رايو بتيابي ، باكلة عملتها، بمشكلة بشغلي بس مش اكتر لانو الفرق بينا نص قرن بحالو او اكتر من 25 سنة ، لهيك الله يخليهم النا ياااااااااااااااارب ويديمهم فوق رووسنا

[.:(خالد):.]

كل انسان اله خصوصياته ما بينفع الاهل بتطلعوا عليها
او حتى البعض ما بياخد راحتو بالحكي مع والده
او حتى بيكون الاهل مش اجتماعيين مع الابناء وما بيسمحوا لاولادهم بالتفريغ انفسي

مشكورة على الطرح الجميل

[أم الوليد]

تواجدك الاجمل خالد ، في بعض اهل اه بانين سدود بينهم وبين ولادهم بس المهم احنا ليصير عنا ولاد مانعيد نفس الغلط

[waяm heaяt]

مممم ..



بهل سن هآآد ..


بشوف اولاً :رانو الأهل لآآزم يكونوا ئريبين من اولآآدهم .. ويحكوا معهم .. يصآآرحوهم




تآآنياً : كمآن لمآآ تشوف البنت او الشب يعني .. انو الوآلدين عم بيآآخدوا ويعطوا معآآهم .. لمآآ يشوفهم بتفهموه


وبسمعولو وهوي بحكي .. لمآآ يقدروا هل فترة الاضطرآآبية الي بمر فيهآآ


رح يصآآرح امو وابوه بمشآآكلو .. ومش رح يخبي هنهم شي لآآزم ينئآآل


وبردو طبعا .. ومهمآآ كآن .. كل انسآآن الو خصوصيآآتو ومش اي شي بنحكي للأهل




بصرآآحة ..بنزري بشوف انو الاهل الهم دور كتييير كبير بهل مشكلة ..









وتقبلي رأيي ومروري .. ^^


وميرسي ع الموضوع الرروعهـ حبيبتي



مآآتحرمينــآ ~

[غرام فلسطين]

هيه القصة مو قصة حواجز او شي
ممكن انا لما اروح احكي لماما ما تفهمني مزبوط
لانها اكبر مني ومو من مستوى فكري ...!
صحبيتي بتفكر متل ما انا بفكر
لانا نفس العمر ونفس المرحله..!
ولهيك منفخم على بعض اكترر من ما امي بتفهمني
وطبها ما رح احكي لبابا خخخخ
شو بدي احكيلو ما بيعرف تفكري بالمرة


*
*

يسلمو كتير حبيبتي على الموضوع
يعطيكي ربي الف عافية
وجزاك الله الف خير
وجعله في ميزانك
يسعدني ان اكون من المارين على موضوعك