خواطر 5 // وحكآية كوكب آخر .. فيه بشر من نوع آخر !!!!

[*ريحانة القلب*]

بتعرفي موضوعك اجى بمحله

احضرت الحلقة واجيت ع النت لقيت موضوعك بوجهي

فعلا مؤثر كتييييير ... ومخز وضعنا .. مخز جدا


بصراحة انا ما فكرت في البرنامج من ناحية مجتمع

نظرتي اله فرديه ... لو كل واحد منا اتعلم منه وغير في حاله

وربنا شاف نيتنا عالتغيير اكيد اكيد رح يعيننا

يعني مثلا مثلا حلقة الالتزام بالمواعيد .. والله حسيت انها دوش باااارد

اديش بنخلف بمواعيدنا .. واديش ناس بضيع وقتهم وهم بستنوا الناس الي مواعدينهم !!!

وهاي لمحة من الصفات الي المفروض انكون ملتزمين فيها .. !

الي قبلي حكو كلام كنت رح اكتبه لو رديت قبل ما اقرا

وعجبتني فكرة نانا باننا نجمع الافكار ونبلش نطبق , ولو كبداية ع مستوى فردي



بنت فلسطين

راائع طرحك ..

والموضوع مهم .. انفش غلي بصراحة (=

حلو تحسي انو في كتيييير ناس غيرك بتنوي التغيير

ونفسها تتغير .. وبتنقهر بس تشوف "خواطر5"

يسلمو ايديك حبيبتي

والله يعطيك الاجر ...

[امتزاج ..!]

الله يعطيكم العافية بجد كفيتوا ووفيتوا

خواطر برنامج يحاول استنهاض الهمم ~ جزاه الله عنّا كل خير

من زمان والأستاذ أحمد يبهرنا بأسلوبه وطرحه الجريء للمواضيع ..

انا جداً متفقة مع فكرة دموع الرحيل ..

بس في مسألة مهمة كثير ~

احنا مجتمع للآسف [ متراجع ] وفي ناس كُثر بيننا بيستهزوا في كل عمل طيب .. ويعتبروه [ انتقاص ]

مثلاً بالمدارس افتكر مره انا وزميلاتي نلم القمامة من الساحة [ ربنا يكرمكم ]

واتفاجئنا بشلة بنات يضحكوا بصوت مرتفع وبدأوا يعايرونا ويتمسخروا وقتها كنا صغار وحساسين بزيادة ونهتم في آراء غيرنا كتير

والله ع طول اليوم التاني بس صرنا نلم قمامتنا ونترك قمامة غيرنا عشان البنات ما يتمسخروا علينا مره تانيه !!

الشي الثاني مسألة الالتزام بالمواعيد هذي مسببة لي أزمة

لما أطلع ع التوقيت بالزبط بيقولوا اشبها هذي عاملة فيها انجليزية [ ] ولما اتأخر يقولوا الله عليكِ يا ملكة [ ]

يعني اللي يتأخر يحطوا له اعتبار واللي ملتزم هذا مسوي فيها متحضر !!

طيب أبسط شغلة ~ لما اتكلم باللغة العربية الفصحى بين مجموعة

والله أُقابل بعاصفة من نظرات الاستهجان بينما لو اتكلمت بخليط من الانجليزية و شوي اسباني ولهجة سعودية [ كُح ] بلاقي الكل يحكي لي [ مودرن ] !!

يعني اتخيلوا اللغة الأم صارت [ عيب ] وانحصرت في الكتب الأدبية وبعض المنتديات فقط !!

عارفين ايش المشكلة ؟؟

انو احنا اتعودنا على الحال المايل للآسف وأي واحد يحاول يقوم الاعوجاج يقابل بنظرات استهجان وتعجب ...

عشان كذا لازم نعرف انو راح نواجه أصوات تحاول تحبطنا

ولازم مانستسلم ..

كل واحد فينا يبدأ يمارس هالشغلات وما يحسب أي حساب للآخرين طالما قاعد يعمل الشي الصح وخلونا نبدأ في أنفسنا وعيلتنا ..

أنا عن نفسي بدأت أطبق شوية شغلات وبدأت فيني وفي الاولاد والاهل وان شاء الله راح يرجع كوكبنا يلمع لمعان

اممممم

ما انسى اقول ان اليابان تستحق منا كل تقدير ..

صحيح همه مو مسلمين بس والله تصرفاتهم أقرب للأسلام من تصرفات ابناء جلدتنا ربنا يهدينا ويهديهم ..

مجروحة حبيبة قلبي بجد انتي كذا

يلا انا معاكم وخلونا نعمل تطبيق عملي ع حياتنا

[هادي]

صباح الخير .. بعد إذنك بنت فلسطين .. إضافه:
كلنا بنعرف إنو الشباب هو عنصر البناء لكل أمه فالمصيبة لو صار الشباب هو عنصر الهدم،
المشكلة أن أنتقد لمجرد إثبات وجودي (خالف تُعرف)، وجهة نظري إنو البرنامج ناجح والدليل على نجاحو (هاد النقاش) وإذا كانت الحكمة ضالة المؤمن فأين الضرر في أن نتعلم من غيرنامن الناحية الإيجابية!!! ، البرنامج يقلي الضوء على أمور (قد لا نلقي لها بال) لكننا بعد معرفتها أصبح واقعاً علينا مسؤولية التغيير للأفضل، أو (للصحيح كعادة)، هو يُشخص الأمراض السلوكية في مجتمعاتنا عن طريق (عرض النموذج الصحيح في مجتمع آخر)، وهذا لا يُنقص من ديننا شيء، ولا من ثقتنا بأنفسنا شيء، فثقتي بنفسي مرتبطة بفهمي أن(الإسلام هو الحضارة)، وأن طلبي للعلم والفهم حاجة فطرية متاحة للفرد..
في برنامجه يحاول خلق حافز ملموس ومرئي للمُشاهد ليحثه على تغيير ما هو خطأ في سلوكياته (بدافع ذاتي)، مع نقد بناء لدور الحكومات المفقود لدينا إجمالا، فجميعنا يعلم أن أمريكا غيرت كل مناهجا التربوية وركزت على ( التخصص) بعد أن أطلقت روسيا صاروخها الأول باتجاه القمر،، (وما هي إلا خمس سنوات حتى كان العلم الأمريكي على القمر)
والخلاصة إن لم يكن هناك دور للحكومات، فهناك دور للفرد بأن لا يرمي عبوة العصير الفارغه من نافذة سيارته ( وحدث ولا حرج)..
آسف للإطاله

[بنت فلسطين المجروحة]

المشاركة الأصلية كتبت بواسطة السيف عدي اختيار مميز .. انا كل يوم بتابعو ومن السنوات الماضية كمان ..

عجبتني فكرته هالسنة انو راح ع اليابان وعرفنا ع اسلوب حياة اليابانين ..

بدنا نصير هيك .. مش ضروري نصير هيك .. ممكن نتعلم منهم ونحسن بعض النقاط الي ممكن تتطور ..

بس انا ضد فكرة المقارنة .. لانو كل شعب لئلو خصائص ومميزات واحيانا كنت بحس في كلامو مبالغة واهمال جوانب

عنا مميزة كمان لانو المجتمع الياباني الو نمط معيشة معينة مختلف عن الشعوب التانية ..

في عبارة بؤمن فيها كتير .. too much good is not good

وفي شي تاني انو خير الامور الوسط مش ضروري نقارن حالنا بشعوب تانية ونهزىء نفسنا .. لازم نعشق مجتمعنا

بكل ما فيه من ايجابيات وسلبيات بس نحاول نطور في نفسنا لكن ع اساسنا مش ع اساس غيرنا ..

بنت فلسطين اختيارك رائع والحقيقة البرنامج مميز ..

ما ننحرم من جديدك .. وكل عام وانتي بخير ..

هو لازم نتعلم منهم كلامك صحيح .. لانه هذا اساس دينا

لكن شغلة اني اتقبل مجتمعي بكل مافيه

انا بكون معك فيها بحالة وحدة بس

لاما تبقي ايجابيات مجتمعي مغطية سلبياته

اي تقبل يااخي متوقعه منا ؟!

واحنا باخر الامم

واحنا مالنا وزن بين الامم مع انا اكتر من 5 مليار مسلم

اي تقبل واحنا في تخلف وتاخر مؤسف

الانسان يسفه

العمل يحقر

الانحلال على عينك ياتاجر

يعني مجتمعاتنا لا خلت دين ولا دنيا !! الا من رحم ربي

فكيف ممكن انا او غيري نتقبل مجتمعتنا

[بنت فلسطين المجروحة]

المشاركة الأصلية كتبت بواسطة *أمل*

و عليكم السلام و رحمة الله و بركاته

الصراحة انا هاد البرنامج ما حضرتو كثير لأنو بيعرض في وقت بكون فيه مشغولة كثير

بس اختي بتوافيني بتفاصيلو أول بأول

الصراحة و الله شي بيقهر

أنا هون بتحدث عن سلوكياتهم و مش عن إنا نحنا راح نعتبر اليابانيين القدوة و المثل

لأن القدوة و المثل عنا نحنا بدينا بس الفرق إنو نحنا أخدنا الاسلام بالوراثة يعني ما بدنا نحولو لحياة على أرض الواقع اكتفينا بالاسم فقط..

الرسول صلى الله عليه و سلم كان خلقه القرآن لكن أين نحن من القرآن إن لم تكن قرائته محصورة فقط في شهر رمضان..يعني قراءة بس وين التدبر ووين العمل به و استعماله كمنهج حياة؟؟

يعني نحنا لو اعتمدنا خلق القران ما كان حال الامة هيك؟؟

لأن الاخلاق بتجذب الناس الك أكثر من الخطب الرنانة..

أخلاق و سلوكيات القران الي جعلت الامة آنفا لها صيت و وقع على باقي الامم

بس مصبتنا نحنا الملسلمين

بنفكر إنو التطور و التقدم هو في اتباع الغرب في كل شيء الطالح أكثر منه الصالح..يعني بدل ما نستفيد من الي يخدم دينا و نترك ما لا يمث لأخلاقنا بصلة فلا؟؟

مشاكلنا كثيرة و عويصة بتبدأ من البيت..المدرسة إلى أعلى سلطة بالبلاد..الكل اتخلى عن دوره و صار كل واحد في واد يهيم..

يعني لا بيت بيربي و لا مدرسة بتنشأ أجيال صالحة و نافعة و لاسلطات قايمة بالدور الموكول اليها..

فكرة الشقيري في البرنامج كثير رائعة يعني هو حمل هم التغيير و تقديم نمودج يخدم هالدين

و لما قدم اليابانيين كنمودج وين وصلو باحترامهم لعاداتهم و تقاليدهم و مناهجهم يعني ممكن نستفيد من الطريقة الي بيتبعوها مش ناخد كل شي..

بس بظن إنو المشكلة عندنا احنا حتى في التركيبة العقلية ..ما بنفكر في البعد و المغزى من المطروح أمامنا و نحاول نقارن و نخرج بنتيجة بس بنكتفي بالملاحظة الضيقة فقط وأقلها بتلاقي الواحد بيقول هاد شعب عظيم مش زينا .
بس انت وين من الخارطة؟؟

و إجمالا و ردا على سؤالك : ليش هم هيك و نحنا هيك؟؟

هم اعتمدو منهج واحد من التربية إلى آخر نقطة اعتمدو عليه في تنشئة أولادهم ..في سلوكياتهم..في إداراتهم في كل شي..

بس نحنا ركنا منهجنا الي هو القرآن و السنة في رفوف الارشيف ..و جبنا نشريعات و قوانين تتماشى مع أهواء السلطات قبل الناس..بيوتنا اتخلت عن دورها.
الام ما بتفكر غير في التسوق و اللبس و الطلعات و النزلات ..
الاب ما بيفكر غير في إنو يجيب المصاري الي راح تسد رمق عيلتو..
المدرسين اكتفو فقط بسرد ما هو مكتوب في المقرر و اتخلو عن تواجدهم إلي هو اهم شي ممكن يرفع من همم الناس..

يعني صرنا زي ما بيقولو {مرعى و قلة صنعة} و هاد الواقع لأسف الشديد..

هاد من أهم الاسباب الي جابتنا لورا..

و بين قوسين نحنا كمان الي بنعلق هنا في هذا الموضوع منهم انا في دائرة الكلام نسأل الله أن يهدينا

//

اعتذر عن الاطالة أماني

و الله يجزيكي الخير ع طرح مثل هيك مواضيع الي فعلا نحنا محتاجينها لنشر الوعي أكثر..

دمتي في حفظ الرحمان غاليتي

الله يجزيكي الخير حبيبتي

اتفق معك في كل ردك

كلنا مقصرين بجانب او آخر


يعني حتى لو بدنا نتعذر بفقر او احتلال

اليابان خرجت من حرب

اعدم فيها الكثير

خرجوا من الصفر

وبنوا نفسهم


يعني في اشياء بجد بتحسسنا بالخزي

عندهم مقولة

"كل الناس تعمل 8 ساعات الا نحن نعمل 9 ساعات 8ساعات لنا وساعة لليابان "

يعني ولائهم واخلاصهم احنا الاولى.. يكون عنا هيك ولاء لاسلامنا


:(


مشكورة حبيبتي امل عالمرور

[بنت فلسطين المجروحة]

المشاركة الأصلية كتبت بواسطة نور الهدى البرنامج مميز .. بتابع الحلقات المسجلة ع النت لانه اساسا ما بعرف متى بينعرض ع التلفزيون هههههه

مثل ما حكوا اعضاء قبلي سبب تخلفنا هو البعد عن اخلاق ديننا الخ ..

هذا شيء موجود .. و سبحان الله بشوف التخلف في مسلمي الغرب كمان " مش كلهم " .. يعني حتى و ان كانوا بعيشوا في مجتمع غربي .. و ان كان المجتمع الغربي برمته متقن للعمل و محافظ على الوقت و غيره من المميزات - طبعا السلبيات موجودة و ما اكثرها - .. طباعهم هي هي .. دق المي و هي مي !!

و كم شفنا مقارنات بين بلاد المسلمين و الامم المتقدمة .. سواء على شكل برامج او مقلات او محاضرات ..

طيب و بعدين ؟؟

يعني بننتقد و ما بنعمل شي ..

الخطوات العملية مفقودة صراحة .. او نادرة

اجزم انه كل العرب عايفين الوضع اللي عايشينه .. و عارفين انه صرنا اخر الركب .. و بدهم يصير تغيير

لكن ما حدا بشوف حاله على انه مقصر .. و هون المصيبة

ما حدا شايف انه الغلط جاي منه ..

او انه ممكن التغيير للافضل بيجي من التغيير بذاته اولا ..

و في اعتقادي هون المشكلة .. التقليل من شأن انفسنا و الاحساس بالعجز .. مع انه زي ما الآخر اله عقل .. احنا عنا عقل

و عنا دين لو طبقناه .. بنصير قادة الامم

//

يعطيكي الف عافية حبيبتي بنت فلسطين :)

رح ارجع ازا اجت براسي اضافة تانية

صحيح كلامك يانور

بس في مشكلتين

الأولى انو كتير من الناس بتلاقي عندهم الضمير ساعات وساعات

يعني بتبقى همته عالية وهعمل وووو وبعد شهر بترجع ديما لعادتها القديمة

الثانية وهي الاهم ... الافراد اللي الهم رغبة حقيقية

بيقتلهم مجتمعنا .. اذا حكيتي فصحى صرتي مسخرة صاحباتك

اذا كنتي دقيقة بموعدك .. بقولو عليكي انك مش طبيعية !!


يعني قد مانصبر .. قلة اللي هيكونوا صابرين للنهاية بهيك ظروف

وفوق كل هادا ... ضغوط الحياة اللي شغلت الناس عن كل اشي


صاروا بس بدهم يامنوا لقمة العيش ومصاريف المدرسة والعلاج !!


فانتي قوليلي كيف السبيل؟!

[السيف عدي]

المشاركة الأصلية كتبت بواسطة بنت فلسطين المجروحة هو لازم نتعلم منهم كلامك صحيح .. لانه هذا اساس دينا

لكن شغلة اني اتقبل مجتمعي بكل مافيه

انا بكون معك فيها بحالة وحدة بس

لاما تبقي ايجابيات مجتمعي مغطية سلبياته

اي تقبل يااخي متوقعه منا ؟! :shababsmile225:

واحنا باخر الامم

واحنا مالنا وزن بين الامم مع انا اكتر من 5 مليار مسلم

اي تقبل واحنا في تخلف وتاخر مؤسف

الانسان يسفه

العمل يحقر

الانحلال على عينك ياتاجر

يعني مجتمعاتنا لا خلت دين ولا دنيا !! الا من رحم ربي

فكيف ممكن انا او غيري نتقبل مجتمعتنا :shababsmile235:

انا مش معك بهادا الرأي .. العرب والمسلمين مش باخر الامم .. في غيرنا كتير متخلفين اكتر منا ..

اه لازم نعشق مجتمعنا الطبيعة العربية اجمل بكتير من الطبيعة اليابانية ..

اول خطوة للنجاح انك ما تقلدي غيرك .. تتمسكي باساس مجتمعك وتطوري فيه .. تعلمي من غيرك ..

مش تقلديهم .. انا ما عجبني المذيع في كتير مواقف كان بصور منظر من اليابان وبقارنو مع السعودية ..

مش هادي الوسيلة الصح للتقدم .. ازا فكرتي انك تلحقي باليابان عمرك ما راح توصلي لشي .. وحنصير

في مرحلة الما بين وبين متل تركيا ..

[نسيم الشام]

بسم الله الرحمن الرحيم

المشاركة الأصلية كتبت بواسطة AMJAD والله موضوعك ع الوجع .. تسلمي بنت فلسطين ..
على فكره أنا حضرت بعض حلقات من البرنامج، وكان السبب حاجه شفتها بداعية الرنامج قبل ما بيدأ رمضان ( الطلاب في اليابان بعد ما يخلص دوامهم بينظفوا مدرستهم وصفوفهم بأنفسهم) .. يعني بيتحملوا مسؤلية نظافة مكانهم من صغرهم ..
مش رح أطوّل عليكم .. بس رح أختصر الموضوع بثلاث عناوين
( قيمة الوقت لديك) ـ ماذا استفدت في ساعتك الفائتة وماذا ستستفيد في ساعتك القادمة.
ولا تنسى أنك مسؤول من الله عن عمرك فيما أفنيته ( فوقتك أمانه).
(النظام): فهو أساس الحياة المستقرة، وحتى تطورنا في الحياة يجب أن يكون وفق نظام مُعد وأولويات لطموحاتنا وأهدافنا،
(لو عرف العرب كيف يركبون الباص بانتظام لاأنهزمنا أمامهم خلال ثوان) القائل رابين
(وأخيراً التربية الإسلامية والمثل الأعلى).

هذا الرد رائع . شكرا لك اخي ,


ازعجني كتير رائي امتزاج مع انها ما حكت الا الواقع .. انا من متابعين هدا البرنامج ما شااء الله ما كنت بعرف ان راح

يكون بهادا الانتشار . شاهدت جميع ردود الاعضاء ممم راح احاول ما اكرر الكلام يالي انحكى ..

انا تقريبا متل امتزاج لما كنت بالمدرسة ما كنت ارمي ولا اشي على الارض ولما صاحبيبتي ترمي اشي اشيلو قدامها

احيانا بتتمسخر واحياانا بحسها وتخجل واحكي لسى في امل .. كمان على المواعيد الحمد لله انا بحاول ابدا ما اتاخر

واني اكون موجودة على الموعد تمماما بس شوفي صحباتي يالي بستناهم في الطريق تلت ساعة لحتى يجو

ليش هيك !! الطنطاوي رحمه الله , بتحكي عنو حفيدتو في كتاب (هكذا ربنا جدي ) اانو كان يستنى شخص تاخر نص ساعة على ما اذكر ’ فلما اجى

تركو نص ساعة في غرفة الضيوف يستنى لحالو وهاي هي التربية بحق . وشغلة تالتة عن الاكل يعني انا في شغلة

مع اخواني انو كملوا صحن يالي تاكلو فيو انا بعمل متل اليابانين ما ارضى الا هيك ما بعرف بس

جد هاي نعمة . الحمد لله على كل حال . انا بحاول انفذ عملي وابدأ بنفسي متل ما حالوا الاعضاء

يوصلو الفكرة والله المستعان لسى بدي كتير الله يوفقنا جميعاا لما يحبه ويرضاه لدي الكثير ولكن اكتفي .


شكرا لك ايتها الرائعة بنت فلسطين المجروحة (امون)

جزاك الله كل الخير موضوع رائع هذا ليس مجرد كلام بل تفاعل الاعضاء ما دل على ذلك . كما اني لا ارد

على اي موضوع نظرا لضيق الوقت فكان موضوعك يستحق بجدارة

اسال الله لك ولكل من دخل

هده الصفحات ان نكون من عباده المخلصين ومن احبابه .

نحو الافضل ان شاء الله .

[.. ليآل ~]

السلام عليكم

عجونه هالموضوع والله كل يوم بنحكي فيه انا واهلي وبنتخانيء بين مؤيد ومعارض

ما ماحدا فينا بيئدر ينكر انو بدنا عمر لنوصل للمرحله الي وصلوا الها اليابانين

احنا مالازم ننسى انو اليابان دوله خاليه من اي موارد طبيعه وانها عباره عن جزيره بركانيه ارضها قحله وغير صالحه للزراعه

وانهم لليوم بيعانوا من اثار القنبله النوويه

لكن لما بنشوف التطور والرقي الى وصلوا الو بظرف قياسي اقل شيء نشعر فيه هو القهر

ناس بتقدر قيمه الإنسان ،، بتقدس الوقت ،، بتهتم بالنضافه والتربيه والتعليم ،،،

وكتير اشياء انتو شفتوها بعيونكم

الصراحه البرنامج مؤلم كتير ،،، والله احيانا وانا بحضر ان بدمع من الئهر

//

يمكن فكره المقارنه غلط ،،، لانو مافي وجهه للمقارنه بينا وبينهم ،،، هم تاني اقوى اقتصاد بالعالم ،، ونحنا يا حسرتي

نحنا المفروض مانكره مجتمعاتنا وانفسنا وماننبهر باليابان لانو عن ئريب راح تنهار امريكا وراح تحل محلها اليابان وراح تتكرر نفس المعاناه

احنا لازم اول شي ما ننكر شو هم وصلوا وشو عملوا

ولازم نبدأ بخطوات عمليه بسيطه مع انفسنا حتى نوصل حتى لو بعد عشرين تلاتين سنه للي همي وصلوا الو

//

يمكن ارجع

شكرا حبيبتي عجينه

[بنت فلسطين المجروحة]

المشاركة الأصلية كتبت بواسطة الفتاة المشرقة مشكوره اختي

فعلا موضوع رائع جدا

وبرنامج اروع

انا متابعتو والحمد لله ,, يعني بصراحه حتى لو ما كان هالبرنامج ولا يمكن رح نعرف شو بصير هناك

عن جد شعرت انو احنا بعالم وهمي بعالم اخر

لو نرجع الى زمن العزه زمن التمسك بالله وكتابه وسنه نبيه لتطورنا

ولكن البعد عن منهج الله والاهتمام بالمظاهر والموضه والتقليد الاعمى

كل هذا سبب تأخرنا

مشكوره اختي بنت فلسطين

اكيد حبيبتي


بس بدنا خطوات


يعني لازم بعد الاحساس بالذنب يتبعه خطوات عملية

تغير فينا شوي


فكرتي لنفسك بعد هالبرنامج باشياء راح تعدليها فاسلوب حياتك ؟


خبرينا عنها


منورة حبيبتي:)