تحدوه...وكل المغتربين هون....

[السيف عدي]

المشاركة الأصلية كتبت بواسطة تحـ البشر ـدوهـ

ههههههههههه

اولا بارك الله فيكي اختي .. والله ما قصرتي

:)

::

تانيا متل ما حكوا الاعضاء انه هيك بزيادة :p

لكن سدقوني يا جماعة

يلي بيجي ع الصين يتعلم طب

بلد متل هادي ما بيأمنوا بشي اسمه اله بلد مليانة فجر ودعارة وبلاوي

بيلاقي زملائه بالجامعة مسلمين متله

بيروحوا ع الديسكوهات و ع اماكن الله يعيذنا منها

وفي عز رمضان

بتلاقيني صايم .. وميت جوع .. والعطش ماخد الدور الاكبر

وبلاقي صاحبي مسلم متلي متله .. عم بشرب مية باردة

وبياكل بوزة .. وبدخن

وبطلع ع الديسكو طول الليل

ومش مخلي ولا بنت صينية الى وعاملها جيرل فرند

يعني مدلع امورهـ

:

ف بتلاقيها صعبة ع الواحد انه يحافض ع صيامة ع الاقل ههههه

وفعلاً والله والله والله هيني هون بأشوف

القابض على دينة كالقابض على جمرهـ من نار

ف خلوها على الله

::

كمان شي انه الواحد افطار ما بيفطر زي الناس

شو بنفطر يعني غير نودلز صيني ؟؟

لكن الان الي يومين صرت ازود في الاكل حتى استمر مش اكتر

:

ولو بدنا نحكي عن الصحور ..

ف خليها على الله .. اذا الافطار هيك

فما بالكم الصحور ؟؟

الحمد لله

ووالله العظيم يا جماعة .. مر علي اكم من يوم صرت عايش ع حبوب بروتين

ويعلم الله انه العلبة عدها خلصت .. مو قصة انه مو ملاقي شي اكله

لكن ما الي نفس اكل شي

يعني كانت ايام نفسيتي في الارض

تلاقي القريب والبعيد بس بدهـ ياكلك

صحابي العراقيين كنت اعتبرهم متل اخوتي

سرقو مني فلوس وجوال ورجعوا ع العراق خخخخ

وطول عمري بأقول : طيبتي أكبر همومي :(

لكن ..

بجد احساس رائع .. لمن تحس حالك ضايع بنص غابة مليانة وحوش

وفجأة تلاقي انسان بيفتحلك قلبه وبيقولك هون ح تنام من اليوم ورايح .. :)

::

شي تاني ..

انه في علي شوية ضغوط خارجية

جابتني ارض ارض

صرت افحط مكاني ههههه

::

وكمان شي انه ما حكيت مع الوالدة الي فترة .. ف صرت شايف

الديك ارنب خخخخ

::

وبزيدكم من الشعر بيت .. بكرة ببدأ دوامي في الجامعة الساعة 8 الصبح بتوقيتنا

وعندي اكم من مادة طبية مش عارف كيف بدي ابدأها اصلاً

:

وعندي مادة طلعت روحي في السمستر الماضي .. كرمال هيك ما قدمت امتحانها

ف علي ميك اب اكزام

يعني اموري عنب :(

::

ومشتاق للأهل

وللأحباب

مشتاق احكي عربي

طب انجليزي

هههههههههههههه

اااااااااااخ يا حالي

::

وبجد حاسس حالي مقصر في نفسي وفي غيري

وفيكم

كتير وكتير كمان

::

ف يا خيتي الواحد دائما يقول

يا رب اني اشكو اليك حزني وقلة حيلتي

وعمرهـ الرحيم ما بنسى حد

لكن لمن حكيت في الاهدائات

يا رب خود روحي انت عليها ارحم

كانت مجرد ردة فعل ..

قنبلة وانفجرت ههههه

كل الضغوط اجتمعت مرة وحدهـ

ف ما عرفت شو اعمل

::

وفوق كل يلي فات .. بقول

انه ما في شي اسمهـ مستحيل في هالدنيهـ

يلي بدهـ الاشي بينولهـ باصرارهـ

مهما كان صعب

::

ع العموم

بارك الله فيكي اختي ام وليد

وشكرا كتير للي مروا ..

ما قصرتوا

:)

يا هلا فيك تحدوهــ .. انت في الصين ؟؟ ..

شو بتعمل في الصين ؟؟!! ..

[تحـ البشر ـدوهـ]

اهلاً والله السيف عدي

::

انا بلعب كورة بالصين

:)

[همسة العشاق~]

شو هالوصف ام الوليد

بعين الله
مشكورة ع الطرح المميز

[.:(خالد):.]

السلام عليكم ورحمة الله وبركاته
حياكي الله يا أخت ام الوليد على الموضوع
وكلامي للأخ تحدوه البشر
يعطيك العافية يا أخ
والله انا بجد بجد بحترمك وبقدرك
لانك قطعت هذا المشوار الطويل لطلب العلم والعيش في أرض صعب العيش فيها
الله يوفقك يا اخي تحدوه ويكون بعونك
وما دامك ركبت في السفينة لازم تتحمل ضربات الامواج وهبوب الرياح حتى توصل للآخر
واستعن بالله
وان شاء الله بيفرجها عليك وترجع وانت غانم وحاصل على العلم والشهادة
والاهم انك تشوف اهل وبيتك

انا مغترب في بلدي
في أمان الله وحفظه

[PaLeSt!Ne SouL]

كمان شي انه الواحد افطار ما بيفطر زي الناس

شو بنفطر يعني غير نودلز صيني ؟؟

لكن الان الي يومين صرت ازود في الاكل حتى استمر مش اكتر

:

ولو بدنا نحكي عن الصحور ..

ف خليها على الله .. اذا الافطار هيك

فما بالكم الصحور ؟؟

الحمد لله

ووالله العظيم يا جماعة .. مر علي اكم من يوم صرت عايش ع حبوب بروتين

قلتلك إني عزماك ع الفطور شكلك ما بتحب المحشي

بصراحة بحس براحة غير شكل لما أسمع كلام مثل اللي بتقوله و بفخر فيك
بقول لسه بالدنيا خير ما دام في شباب بهاد الشعور
بيغاروا على دينهم و بيحملوا همه

الله يقويك و يثبتك و يزيد إيمانك
و يرفع معنوياتك
و يحبب الصينين بالعربي و يحولوا المنهج لعربي

و تشوف اهلك عن قريب

و ترفع رأسهم و رأسنا فيك

الله يرضى عنك

[أم الوليد]

اهلا وسهلا فيكم كلكم وشكرا لتواجدكم الطيب وشعوركم الاروع تجاه تحدوه


وانت ياسيد تحدوه شوف اديش العالم هون بتحبك وحاسين فيك ومشاركينك شعورك، بعدين ياخي اطلبو العلم ولو في الصين وانت ماشاء الله عنك شب واعي مبين وفهمان والضربات الي مابتموتنا بتزيدنا قوة ولا غلط كلامي؟؟؟


بعدين هالاشيا الي بتصير معك احتسبها عندالله والك الأجر ، رح تخف عنفسك كتييييييييييييييييييييير سداني ماحدمنا مغترب ومرتاح لكل بلد همها ومشاكلو لكن الواحد مافي بايدو غير الصبر والاحتساب وربنا بوفقك ان شاء الله وبتصير دكتور وبتصير هاي كلها ذكريات لدروس صقلت شخصيتك وزادتك قوة وخبرة وبالنهاية موفقين كلكم وشكرا جزيلا....بس ما حبيت شوف روح الياس الي عندك والشباب ماقصروا كلهم ...ولاتدلل مرة تانية وتعبني وتخليني انزل موضوع كامل باسم جنابك دكتور

[اجمل احساس]

روح يا تحدوه الهي ربنا ينولك كل يلي فبالك وكل يلي بتحلم فيه وبتتمناه بس انت اصبر وان شاء الله رح توصل لهدفك

بس انت اصبر وما تقتدي الا بالصح واكيد ماشاء الله عنك انت واعي وفهمان ،،، ربنا يحميك

يعطيكي العافية ام الوليد ما قصرتي حبيبتي

[PaLeSt!Ne SouL]

الذين يشاهدون محتوى الموضوع الآن : 2 ( الأعضاء 2 والزوار 0)
‏دمعة أسى, ‏تحـ البشر ـدوهـ+

منور
شايف قديه الكل بيعزك و بيحترمك
الله يقويك و يثبتك يارب

[السيف عدي]

المشاركة الأصلية كتبت بواسطة تحـ البشر ـدوهـ

اهلاً والله السيف عدي

::

انا بلعب كورة بالصين

:)

عظيم كتير . ازا صحت لي فرصة باجي بلعب معك كورة ..

[الحان الحرية]

الله يصبرك و يعينك ع اللي انت فيه و يرجعك لأهلك بالسلامة يا تحدوهـ =)