صور لبيتنا .. ايام حرب غزة .. ولي هدف من وظعهم الان

[تحـ البشر ـدوهـ]

بسم الله الرحمن الرحيم ..*




السلام عليكم ورحمة الله وبركاته


كيفكم جميعاً , إن شاء الله الكل بخير ؟


زمان ما نزلت موضوعـ , ف حبيت اني اعمل موضوع فيه أكم من صورة


هو عبارة عن طلب . :)


بطلب من كل مسلم . بيخاف ع اهله ووطنهـ


بطلب من كل واحد بغار ع عرضة وبنات بلدهـ


بطلب من كل انسان بيقول انا فلسطيني , وبفاخر فيها الكون


بطلب من كل انسان بيمر ع موضوعي هاد .


وبيشوف هاي الصور .


طلب زغير


عند افطارك . ادعي


لفلسطين .. وللمسلمين في ارجاء العالم


قول يا رب افتح معابر غزة


يا رب سهل الامور عليهم


يا رب انصرهم .


ادعي اي شي الهم


مش ح تاخد من اكلك صحن شوربة ما تخاف .


::

بس ادعي

::


جبتلكم أكم من صورة هيكـ


صورهم ابن عمتي الله يحفضهـ


بعد حرب غزة مباشرة


فيهم صور لأشلاء بيتنا


وفيهم صور لبقايا منطقة السيفا


::

يمكن هيك لمن تيجي تاكل تتذكر وتدعي


نشوف الصور سوى //

صورة لقنبلة .. جنبها بيانو .. كان هدية ابوي جابهالي في عيد ميلادي ال 10 وانا في السعوية

احتفضت فيها في بيت اهلي .. لكن







::



صور لسيارة أخوي الأول .. كنت أحب اسرقها منهـ لمن سيارتي تخرب

كان كل ما يشوفني سارقها ينزل يبعط عجالها .. وكأنه بعاقبني









::


صورة لبوابة بقايا بيتنا ..

بعد ما تفجرت البوابة حتى يندخل جوات البيت

حتلاحضو اكياس في الصورة وحجات مبعترهـ

هادي بقايا فضلات اليهود الله يعزكم :)





::


صورة لبقايا طاولة التنس تبعتي .. اللي كنت العب فيها انا وإبن خالي الشهيد الله يرحمهـ





::


هادي صورة لشوية مزح .. كانو بيمزحوهـ اليهود مع الحيطهـ :)





::


صورة للممر ككل .. هاد الممر بتذكر مرة شوينا فيه أنا وولاد عمي .. الساعة 2 بالليل

ما بعرف شو كان جاي ع بالنا .. يوميتها طلع صاروخ قسام وخفنا اليهود تحسبنا نحنا طلقناهـ وتقصف علينا

ف طفينا الشوي

وحولناهـ جوات الغرفة .. عمركم شفتوا حد بشوي في الغرفة ؟؟

روحوا ع غزة ح تشوفوا :)





::


طبعا عم بطلع ابن عمتي وبصور كل شي بشوفهـ

بقايا الطلقات في كل مكان

وكأنه كان في ناس بتحارب جوا البيت .. مع انه كان فاضي

بعد ما اليهود طلعوا اهلي منه

وجمعوهم في بيت عمي

وقصفوا صاروخ جوات بيت عمي





::


هادي صورة لشاشة الدسك توب .. اللي كنت منها بتابعكم هون .. ومرات من لابتوبي

اللي اختفى

شكله انسرق .. :)





::


صورة للصالة

بعد ما امي فرشت فرش البيت فيها .. على شان تبعد عن كل الحيطان المؤدية للخارج

خوفا على اخوتي من انهم يتصاوبي او اشي

عاشوا لمدة 15 يوم جوات هاي الصالة

او الجزء المظلم منها بالأصح

وبعديها دخلوا اليهود البيت

حتى يطلعوا أهلي بالقوة و يحولوه لثكنة عسكرية الهم





::



الطلاق من كل مكان

والى كل مكان

وكأنه أحول اللي كان ماسك المسدس وبطخ

مو عارف انه هون في اطفال

انه بطلقته هاي ممكن طفل ينجن

عجوز يموت

انسان مجرد من سلاحه يروح





::


وبرات البيت عاد ..

بيوت عمامي

وخوالي

اهلي وحبابي

وجيراني

























::

وهون صورة لسيارة أخوي التاني .. هي كمان كنت اسرقها .. لكن ما كنت اعرف اسوقها منيح

كتير كنت اصدمها

واصلحها .. واخوي ما بعرف

لكن .. اول ما شفت صورها .. اعترفتلهـ

الدبابة .. ماشية ع السيارة :)












بدكم تعرفوا شو هيي السيارة ..

طب شوفوا هـ الصورة





وااااو

اودي

نايس كتير مو ؟


::


صورة أخوي .. واقف ع سيارتة .. ومشخصه معاهـ

لدرجة أنه لابس كود أو بالطو .. يسلملي

ولعلمكم الرمل هاد الكتير يلي عامل متل طلعات ونزلات

هاد كان شارع سفلت






::


وهون عاد بيت خالي .. اللي استشهد فيه ابنه

الله يرحمهـ .. الله يرحمك يا حبيبي

الله يجمعنا وياك في الجنة .. وبس




جمب البيت بقايا مسجد ..

انمسح عن وجه الأرض

::


المسجد ..





::


هان عاد صورة لمقبرة ..

جدي فيها .. وجدي .. وعمي الشهيد .. وفيها صحابي الشهداء .. فيها كتير ناس كنت بعرفهمـ

شوفوا هالطريقة .. المحترمهـ

اللي تعاملوا فيها مع ناس موتى شهداء .. الله يرحمهم





::


صورة لقذيفة

في حوش بيتنا :)

طاير راسها

على ما اعتقد قذيفة اَر بي جي





::

وهادي صورة لمناشير كانت ترميها اليهود من الطيارات ع منطقتنا





::


هادي صورة لناقلة جند اسرائيلية .. تركوها وشردوا

نفيتٌ واستوطنَ الأغرابُ في بلدِي , ودمروا كلَّ أشياءِ الحبيباتِ .




::

الحمد لله على كل شيئ

::

في أمان الله

[أبومجاهد]

لا حـــول ولا قــوة إلا بالله ،،

لك الله يا غــزة الإباء لك الله يا شمــال العــزة ،،،

لكم الله يا اهل شمال غــزة ،،

وانتم تقدمــون الشهيد تلو الشهيــد ،،

وتقــدمون بيتكم واموالكم فداء لهذا الديــن ولهذا الوطـــن الغالي ،،،

ومع كل هذا لن يستطيعوا بإذن الله كســر شوكة الشـعب الفلســطيني ،،

حتى لو هدم البيوت فوق رؤوس اصحــابها ،،،

اهنئك أخي محمد باستشهاد جدك وابن عمــك ،،

ونسأل الله ان يجميعنا بشهدائنا واحبـــابنا في القــريب العاجـــل ،،،

والف الحمد لله ع ســـلامة الاهل ،،،

يلا الحال من بعــضه .. ^^

اذا توفر صــور للبيتنا برضــو بورجيك اياهم ،،

يعطيك العافيــة

[moon girl]

الصراحه كتير اتاثرت والله

عم ببكي من قهري

شو بدنا نقوول غير حسبنا الله ونعم الوكيل بس


خيووو الله يعوض عليكم

ويرحم شهيدكم

وكل شهداء فلسطين يااارب

و يكونو في الفردووس الاعلى


تحيااتي

بنت قمر

[limar]

لا حول ولا قوة الا بالله

والله مو عارفة شو احكي

الله يفرجها بس

مشكور اخي

[صدى الحب]

لا حول ولا قوة الا بالله ,,
والله ما بننساكوا من الدعاء ,,

موضوعك اثر فيا كثير ..


الله يكون بالعون ,,

[أبو يقين]

الله ينتقم منهم يا شيخ ..؟؟

هذا الخال والله يا أخي بعد الحرب

لسا انت أحسن من غيركـ

نحمد الله على كل اشي

فيه ناس فقدت عيلتهم بالكامل

فقد أبوهـ وأمه وأخواته

فقد بيته

فقد أصحابه

هااااد حال أبناء الشعب الفلسطيني

ولكن أخي سنبقى صامدون فوق هذه الأرض

مهما عملوا ومهما ساوا

من رحم المعاناة رح نقف بوجوهم

رح نبقى نقاوم لأنه هاادا حقنا

رح نبقى متمسكين بأرضنا وما رح نتخلى عنها


بنموت واقفين وما بنركع الهم أخي

بتعرف اني انمغصت وأنا بشوف بموضوعكـ

يلا أخي

ربنا يعوضكم يا رب


احترامي ..؟

[همسة العشاق~]

لا حول ولا قوة الا بالله

حسبي الله ونعم الوكيل

لك الله يا غزة

ما رح ننساكم بدعواتنا اكيد

بجد والله اني تاثرت كتير بالحكي والصور وعنجد الدمعة في عيني

الله يصبركو ويصبر جميع الشعب الفلسطيني

[إسراء الفلسطينية]

لا حول ولا قوة الا بالله ..

الله ينتقم منهم اليهـود !

والله شي بحزن ..

صعب انو كل شي الواحد يحبو يروح هيك ..

بس النا رب العالمين ..

الله يعوضكم خير .. ويرحم شهدائنـا الأبرار

[Arabian girl]

الله يفرجها ع كل اهل غزة ويصبر اهلك خيي تحدوه

وان شاء الله بندعيلهم :)

[انتهينا]

يالله
اديش صعب انه الشىء اللى بتهتم فيه يروح والاصعب الناس اللى بنحبهم لما يروحوا

قلبت المواجع

حصل مع عمى وزوجته بس منهم لله قذائفهم نزلت على السياره وهم فيها

الله يورينا فيهم يوم

مافى حد فى غزه اترحم

الله لايرحمهم ويصبر الجميع

ويرحم شهدائنا

ويفرجها ع الدول العربيه وتنطق لانه بجد الوضع صار مخزى

بعين الله