العربليزي؟؟؟؟؟

[أم الوليد]

هاي ، باي ، اوك، سي يو، نايس ، جود لك، ثانكس، هلو، سوري، كونجراتيلوشن














حلت محل


السلام عليكم، مع السلامة، بشوفك ، حلو كتير، موفق وحظ طيب، شكرا، مرحبا، اسف، مبارك

















( العربليزي)

الها ترجمتين: العربي الانجليزي
والتانية : عحكي حد بعرفو انو العرب ليزي كساااااااااااااااااالى


ياترى العربليزي، شو سببو ؟؟؟؟ وليش هجرنا العربي ليحل محلو الانجليزي؟؟؟؟؟


وليش صارو ا الأهل يحرصوا أن الطفل يتقن المفردات الانجليزية بدل العربية؟؟؟هل هاد دليل تقدم وحضارة؟؟؟؟

هل لغتنا العربية متخلفة؟؟؟؟؟ هل مفرداتها ضيقة ومحدودة لنستعين فيها؟؟؟؟؟

ليش صرنا نتساهل ونسمح لحالنا نحط هالكلمات في قاموسنا ؟؟؟كيف سمحنا الها تتغلل في شخصيتنا؟؟؟؟


لفت نظري انو صرت استخدمها كتير يعني اوك بحكيها اكتر بكتير من طيب او حاضر

ونايس بدل حلو

وباي بدل سلام

ليييييييييييييييييييييييييييييييييش ؟؟؟وشو الحل بنظركم؟؟؟؟

[angel-eyes]

ما فيها شي

ومش غلط

الحق عالحكومات تبعنا

[tHe DuChess]

والله معك حق

بس المشكلة عم تصير من المجتمع ككل

الواحد ما عاد يقولوا عنه حضاري وبيفهم الا اذا كان بيحكي لغات

ونسيوا انه اللغة العربية من اجمل اللغات واصعبها يعني الشاطر اللي يتقنها


انا برأيي انه الاطفال حلو يتعلموا لغات

ويتقنوها متل العربية

بس ما ينسوا اللغة الاصل ويستبدلوها


مشكوورة عزيزتي على الموضوع

تحياتي

[همسة العشاق~]

معك حق ام الوليد في كل شي حكتي


يمكن الناس بحكو من باب المتعة والتسلية في الكلام

مشكورة ع الطرح

[أم الوليد]

الشكر لمروركم جميعا ، بتفق معكم كمان المدراس هي الي فرضت علينا هيك والجامعة عنا تخصصات لازم بالانجليزي تلقينا الدروس هيك وفهمنها هيك بالانجليزي ومابنعرف حتى معناها بالعربي