♪..مــــــآيــــك المــنــتــدى مـــع ~ شـهيـــد غ ـزة ~..♪

[εïз ملآكـ εïз]

بدي احكي عن عيلتي شوي :


انــآ ما حدآ بفهمني و بعرفني وقريب مني متلـ ابوي

الي دلآلـ خــآص منو طبعا لاني آخر العنقود هع

و لاني حبابة و بجنن فبحبني كتير لــولـ

عــلآقتي معو غير شكلـ .. عطولـ بتلآقوني حوآليه و ملزقهـ فيهـ

وين ما بكونـ ابوي قــآعد بالبيت بكونـ انا بحضنو نــآيمهـ .. و احب ما علي حدآ يقلي بتشبهي ابوكي او فيكي شي منو

و كتير بقعد بقــآرنـ باشيا فيني و فيه و بس لآقي تشــآبهـ بركض لعندو بقلو شووف كيف اصابعكـ متل اصابعي شوف كيف عيونكـ لونهم متلـ عيوني ههههههههههه

طبعــآ ابوي منجنـ مني لاني عفريتهـ و مزهقيتو .. بس ما بقدر يخبي اديش بحبني انا عارفة هع

دآيما انا ويــآهـ بنتخــآصم و هوآ بعرف لاني بقــآطعو و ببطل اقعد بحضنو او اقعد احكي معو ..

هوآ احب ما عليه اخاصمو لاني ما باجي ازنـ او اقلو قصص حيــآتي او ازهقو باسئلتي يلي ما بتخلص ههههههههه

بس حرآم بلآحظ علي ازا انــآ زعلآنهـ فبس يطلع برجع جـآيبلي شوكولا او شيبس او اندومي او بوظة بعرفني كتير بحبهم

هههههههههه هاي طريقهـ ليرآضيني ..

و بس انقهر منو و الاقيه مطنشني بروح بقلو ع فكرة يعني انا مخاصماكـ بقوم بضحك بقلي بجد ؟ طيب منيح هههههههههه

حبيبي بابا كتير بجيب سيرتو ادام صحباتي و ادام الكلـ حتى صحبات ماما بعرفوا اني بموتـ عليهـ ملآحظينـ علي


..

لاني مدللهـ غير شكل اخوآني بغاروا مني .. انا و اختي الكبيرة كنا ناخد اكبر نصيب من الدلآلـ

حتى من و انــآ زغيرهـ كان هيكـ ..

مرة ماما بتقلي ابوكي كــآنـ مــآ يحب يحملـ خوآنكـ و همــآ زغــأإأر

و ما كان يقرب عليهم كتير

بس لمن اجيتي انتي كتير انبسط لانك بنت و كــآن دآيما يجيبك عندي و يقلي شكلها جوعــآنهـ خدي رضعيها

يضل يقلي بتبكي روحي شوفيها مالهــآ

كان يخاف علي .. و كتير يهتم فيني

و هالشي حسسني من بكير اني محبوبهـ ..

لاني بجد بحس بعيلتي انو مو كتير مرغوب فيني بس بابا بحسسني غير

لهيكـ بخاف عليهـ من الهوآ يلي حوآليهـ

و بنجن لو شي صرلو

[εïз ملآكـ εïз]

بتزكر و انا زغيرة بابا اكل حبة شوكولا من ماكنتوش ..

و اختنق و علقت بتمو ..

و بطل يقدر يتنفس

و صــآر يشرب مي كل شوي و يحاول يطلعها من حلقو

وقتها وقفت انا و متت بكي شــآيفهـ ابوي ادامي حسيتو رح يروح مني

رحنا نادينــآ جارنــآ بكون ممرض و بفهم بهالاشيــآ و قــآم ســآعد ابوي

بتزكر وقتها اهلي لآموني و انا ما قدرت اوقف ادامهم بكيتـ بكيت من جوآ البي

و لهلا بس اتزكر الموضوع عيني بتدمع ما بقدر و الله ..



..



قبل شهر يمكن بابا صــآبتو قرحهـ بمعدتو ..

صار وجهو اسود و صار يعرق كتير كتير و يتعبـ ..

و يضل يشكي من معدتو ..

وديناه المستشفى و نام شي اربع ايام

زرتو بالمستشفى و بس شفتو هيك بكيت و الله

انا بس اطلع ع بابا بشوفو رجــآلـ عظيم

مـآسكـ هالبيت كلوو ,, و لولاه ما بتسمى بيتنا بيت

بس شفتو هيك ضعيف و مو قادر ما تحملتـ

خفتـ عليه كتير و ضليت فكر فيهـ و ابكي ليورموا عيوني بالليلـ

طبعا القرحة اجتلو من كتير اشيا اهمها الشيشة

لهيكـ انا كتير متعقدة من قصة التدخين

و بس اشوف حدا غالي بدخن بنجن و بحاول امنعو

بس لآ حيـآهـ لمن تنــأإأدي

و هلا املي بابا يبطل عــآدتو هي ..

فبدعيلو كتير

ادعولوا بلكي الله استجــآب =(

[εïз ملآكـ εïз]

هلآ نحكي عن امي ..

طبعـآ انا و امي ناقر و نقير ..

ابدا ما بنتفق و عطول بنتجادل ههههههههههههه

بغار كتير انا لانها بتعامل اختي الكبيرة معاملهـ خاصة فيها و دايما طلباتها اوامر و بتلبيلها ياهم

و عطول بحكوا سوا و بتكون قريبة منها و بتخاف عليها

كتير بحس انو غير مرغوب فيني من امي ..

ما بعرف ليش بس بحسها بتفضل الكل علي

بس طبعا هالشي ما بيعني انو ما النا اوقاتنا سوا

طيوبة امي و بتضل امي و بخاف عليها و بزعل بس تزعل

و نقطهـ ضعفها لو قعدت اتغزل فيها و بجمــآلها عطول بتنبسط و بتضحك معي هههههههههههههه



..


بالنسبة لاختي الكبيرهـ فهالانســآنهـ كوووبي بيست عن امي

بكللل طبــآعهـآ و حكيها و تصرفاتها فعشان هيك بنتناقر انا وياها كتير هع

بس من يوم ما تزوجت انا صرتـ صحبة كتير معها

ههههههههههه و لانو صحبة بتطلعني عطولـ ..

و بس نتخانق بتقلي مافي طلعهـ هههههههه بتعرف نقطهـ ضعفي

اولـ ما تزوجتـ كتير اشتاتلها و كنت ابكي بس شوف الغرفة فاضية

و انوح و اقول يا ربي مين بدو يجلي الصحونـ مع ماما و ينضف

حاملة هم هالشي كنت هههههههههههه

بس خلص هلا تعودت ع غيابها

و هيا هلا حامل بتوام ادعولها الله يثبت حملهـآ و يمر ع خير ^^

[εïз ملآكـ εïз]

نيجي هلا لاخواني الدببهـ هع :


اخوي الكبير بعزو من البي البي جوآ

بشبه بابا كتير

بعقلو و تفكيرو و هدوؤو و رقيو

روعهـ بالتعــآمل مع النـآس و معي انا خصوصا فانا لهيكـ كتير قريبهـ منو

دايما بزن عليه يتزوج خلص لانو بدي افرح فيه ههههههههههههه و امي نفس الشي و هوآ غالي ع امي كتير لانو اول ولد

و اول حفيد لستي ام ابوي فكــآنـت فرحهـ كبيرهـ بس انولد

بس ييجي ع البيت من شغلو بعملو استقبــآل كبير و برحب فيه ترحيب خــأإص جدآ لدرجة بقلي شو شــآربهـ انتي شو طبختـ امك و اكلتيه هههههههه

بحب ادير بالي عليه دآيما بسالني عن رايي بلبسو .. و انـآ بحب اخترلو لبسو ههههههههههههه

و بس اعمل بطاطا او اندومي بقلو بدك و ازا بدو بعملو معي بخاف عليه من الجوع

و بس ينام دايما بغطيهـ عشــآن اضمن ما يمرض ^^



..



نيجي للاخوين التانيين ..

هدول انا ما بحبهم ههههههههههه بجد كتير بتخانق معهم و بتصير مجــآزر بالبيت بيننا

دآيما بنتخانق ع النت او التلفزيون او غيرو ..

و نــأإأدرآ ما نتفق ..

بس النـآ اوقاتنا سوا يعني بنضحك و بنكت مع بعض

و بناخد راي بعض بالافلام

و بنتدين من بعض مصــآري

عــآدي يعني مصـآلح في بيننا تشيس

[εïз ملآكـ εïз]

هههههههههههههههه سدقيني لو علي بخليكي تخــآلفي هع

رح استمر و لآ يهمك رح احكي حكي كتير

ضلك متابعة والا بعصب




.

.

[εïз ملآكـ εïз]

بتزكر اولـ ما دخلت المدرسة دخلتـ مستمعة .. للي ما بعرف شو يعني مستمعة هاد المصطلح يطلق ع الاطفال يلي مولودين بشهري 11 و 12 ..

للي بنولد بهالشهور ليلتو سودة لانو ما بقبلوه بالمدرسة و باخروه سنهـ كــآملهـ .. و ازا دخل بدخل مستمع و بضطر يعيد الصف الاول مرتين و انا هيكـ عملت

من اولـ ما دخلت المدرسة و الكلـ بشكي مني ..

بس ماما تيجي تسال عني بقولوا ذكية متفوقة ما شا الله عليها بس مشااغبة و بتتكلم كتير و بتسال كتير

و هالشي لآحقني لهالعمر ..

اشتهت ماما تيجي تسال عني يقولوا رآئعة ما عليها كلآم بس طبعا باحلآم بسبسة

يمكن هونـ مبينهـ هــآديهـ بس الي بعرفني بعرف اديش انا مجنونهـ و مهبولة و الكلـ بقول هيك عني

بنزعجوا المعلمات مني بس كتير علآقتي قويهـ معهم و بسرعة بنصير صحبهـ .. بس طبعا هما بتحملوا لاني متفوقة

لو كسلآنهـ كــآنـ اكلتـ هوآ

اول ما دخلـ الاعدادي بدات المصايب ..

انا لهلا كاتبهـ تعهد ..و مستدعين امي مرتين .. و كاتبة تنبهيات .. و انطردت من الحصة و المديرة و الادآرهـ بحــآلها عارفين اسمي و مين انا

و مع كلـ هــآد بنادوا اسمي بالاذاعة الصباحية و طول الوقت بتكرم .. و هالشي صــآدم كل بنات المدرسة


لانو بفكروني رآسبهـ عشاني مشاغبة و شكلي كبيرة ههههههههه


بما انو دايما بالادارهـ انا اضطريت اضرب صحـآبهـ مع الاخصائية ..

الاخصائية بتعرف ابوي معرفهـ و بتحبني كتييير و انا بموت عليها .. عطول بتغزل فيها و بتحركش فيها عشان تحبني زيــآدهـ ..

و دايما بس حدآ يهددني من المعلمات انو يودوني ع الادارة بحكيلهم يا ريت ما تودوني عند الاخصائية بخاف منها

طبعا ما بسدقوا عطول بودوني عندها مو عـآرفينـ عندي وآسطهـ فبتعطف علي و بتطنشلي حركاتي

فديتها شو بحبها ..

ههههههههههه بتزكر مرة المديرة نادتني باسمي .. طبعا صحباتي فتحوا عيونهم كيف بتعرف اسمي و انا خفت و الله لانها عاملهـ رعب للكلـ

اجت تقلي اعقلي شوي ما يصير عاد انتي متفوقة و دايما بكرمك كوني قدوهـ قلتلها من عيوني

اليوم التاني مسكتني انا و صحباتي عاملين عزومة و قاعدين متخبيين ههههههههههه

يا الله شو بحب المدرسة و الاكشــنــآتــ يلي فيها ..

[εïз ملآكـ εïз]

ما بصير ابدآ انو ادارهـ المدرسهـ تعرفـ مين انا و بنات المدرسة ما بعرفوني ..

فرح خبركم عن الحادثة يلي خلت المدرسة من كبيرها لزغيرها يعرفوا مين حضرتي



..


كــآنت بدآيهـ اخر حصهـ .. و لآ معلمهـ كانت بحصتها لسهـ فالبنــآتـ متل الغنم كلهم برآ الصفوف ..

في عمدآن كبيرة كتير بتوصل من السقف للارضيهـ و كانت هالعمدآنـ قريبهـ من الحيط مافي بينها الا مسافة بسيطهـ جدا


انا كنت بستهبل و قاعدة بودع بصحبيتي حبيبتي و بتمنالها حصة ممتعهـ ..

قمت دخلتـ رآسي بين العمود و الحيط و بعملها بيباي ..

رآحتـ صحبيتي جربت تدخل بين الحيط و العمود و تعدي فما قدرت .. قالتلي ييه صرتـ دبهـ قبل كنت اقدر امر

قلتلها انا بدي اجرب انا .. بفكر حالي اسم الله علي رشيقة

حاولت ادخل ما قدرت قلت خلص اتقبل الواقع رحت رجعت دخلت راسي وودعت صحبيتي ..

لكن للاسف تماديت كتير و مديت راسي اكتر ..

فتزحلقت حضرت جنابي ووقعت بين العمود و الحيط بشكل افقي ..

و علقت !!

و ما قدرت اقوم !!

منبطحة كنت ديروا بالكم هههههههههههههه

و اصرخ انا و احكي لصحباتي ساعدوني بفكروني بمزح قعدوا يضحكوا

لحتي بدات ادمع ووجهي صار اصفر ههههههههه قاموا سدقوني

نادوا كل المعلمات و كل البنات تجمعوا حوالي

الكل كان خايف على عضام خصري لانهم الي معلقين و مضغوط عليهم

و يصرخوا المعمات ع البنات فوتوا ع صفوفكم بس البنات مش قادرين يقاموا بدهم يشوفوا مو كلـ يوم هالشي بصير

و الكل يبتكر افكار ليطلعني

و انا ابكي هههههههههههه

طبعا كل شوي يزيد عدد البنات اجوا بنات من سادس و سابع و كلو ليتفرجوا علي انتشر الخبر

بعد تفكير عميق قرروا المعلمات يرفعوني بشكل افقي من راسي و بنفس الوقت من رجلي

بعدين يقلبوني لاطلع و نفعت الطريقهـ

بعد ما طلعت اجت معلمتي التاريخ حضنتي بعدين ضربتني كف ع عملتي ههههههههههه

صحباتي ماتوا بكي علي خافوا اموت

انا دخلت الحصة السابعة ضليت ساااااكتة و منزلهـ رآسي

استدعوني الادارة بنص الحصة و بهدلوني

قالولي توقعنا كللل شي منكـ الا هالحركة هههههههههههه

اخ بس روحت ع البيت و انا بببببببكي و صحباتي يهدوا فيني

ما خبرت ولا حدا من اهلي وما حدا بعرف الا كل المدرسهـ

اليوم التاني كل شوي ييجوا بنات غربا ما بعرف مين هما يسلموا علي و يقولولي الحمد لله ع السلامة

اقلهم مين انتو يقولوا سمعنا عنك و عن علقتك بالعامود ..

و صار لقبي للي ما بعرف شو اسمي عــآمود

[εïз ملآكـ εïз]

الذين يشاهدون محتوى الموضوع الآن : 5 ( الأعضاء 4 والزوار 1)
‏εïз ملآكـ εïз, ‏.!. وردة الأقصى .!.+, ‏Arabian girl+, ‏زيتـــونة فلسطــين




خجلتـ انا خلص مو قــآدرهـ كل هــآد حضور

[εïз ملآكـ εïз]

نيجي لطفولتي السعيدهـ جدآ


.
.

ما اظن حدآ بنسى اولـ حدآ اعجب فيهـ او حبو ..

و انا مو ناسيهـ لهلا

اول شخص حبيتو كان ابن الجيرآنـ بغزة طبعا وقتها كان اول مرهـ انزل ع خانيونس و هيا المرة الوحيدة

و كــآن عمري وقتهــآ 5 سنين و هوآ 6

عشنـآ اروع قصهـ حب لآ قيس ولا ليلى ولآ روميو ولا جولييت عاشوها

كان كل يوم يدق بابا بيتنـآ و ينادي علي .. بيتنا كان جنب بيتهم خبط لزقـ ..

ببيتهم بالكرآج في مرجيحهـ .. كــآنـ يجيب مخدتو يلي بنام عليها و يحطلي ياها و يقلي تفضلي

و اقعد انا و هوا يمرجح فيني

بكراجهم كان في عنب زآرعينو فكان متسلق فوووق ..

فكان يمرجحني عالي و اقطف عنب يروح يغسلي ياه و ياكلني هههههههههههههههههه

بتزكر مرهـ من المرآتـ ابوه جابلة بسكليت قلو ما بدي ياه جيب لمرام وآحد و الا ما بلعب فيهـ

فعلآ ابوهـ رآح جابلي وحدة و صرنا انا وياه نلعب فيه بكرآجهم

و امو و ابوهـ مبسوطين علينا بتفرجوا فينا هههههههههههه

مرهـ مر ع بيتنــآ و دق و اختي ردت عليهـ ..

كــآن حـآمل معاه علبة شوكولا ع شكل قلبـ و صار يسال عني .. انا كنت وقتها ببيت عمي

فاختي اخدتها و اكلتها ..

بعد ما رجعنــأإأ ع الامارات قالتلي عن هالشي انا كتير عصبتـ منهــآ و بهدلتها

طبعا شوكولا منو بتعز علي كتير ما برضى حد يــآكل منها ..

لهلا ما بعرف شي عنو و لا كيف اخبارو بس اهلي شافوه قبل شي خمس سنين او اربعة

قالولي كتير منيح و بسال عنك لهلا متزكرك هههههههههههه

اشتات لهديكـ الايــآم و الله

[εïз ملآكـ εïз]

هههههههههههههههه لو تشوفكم حرحورهـ لتاكلكم اكل

روقوا روقوا

حرحورهـ فيكي تمسحي ردودهم خلص شفتها و سدقت حالي تشيس