أيهما أفضل .. ( المصارحة أم المجاملة ) .. ؟

[فلسطينية ومفتخره]

السلام عليكم و رحمه الله و بركاته

..

في حياتنا الكثير من المواقف التي تتطلب منا التوقف عندها للتأمل فيها و إصدار أحكامنا لها ..

فأحياناً الأنسان يضطر الي مجاملة ضيف أو صديق عزيز عليه .. فهنا يقودنا سؤال :

هل المجامله تصل لدرجه النفاق ؟

و أيهما أفضل الصراحة أم المجاملة ؟

أو هل كل منهما له دور في حياتنا ؟

..

فأنا أترك لكم حريه الحوار و المناقشة و سكب آرائكم

فأرجو التفاعل معي ،،

[روان فلسطين]

واله حسب الموقف وحسب الانسان يلي قدامك

لانو احيانا الصراحه بتخرب اكتر ما بتخدم

وبتاذي الشخص الي قدامي فبتكون المجامله احسن

لكن اهم شي نبعد عن الكزب قد ما بنقدر لانو اخرتو سريعه وحبل الكزب قصير

يعطيكي العافيه

[** بنت فلسطين **]

بسم الله الرحمن الرحيم

هل المجامله تصل لدرجه النفاق ؟

اكيد..هاد شيء اكيد......
وايهما افضل الصراحه ام المجامله ؟

الصراحة .... لانه (( الصراحة راحة ))

او هل كل منهما له دور في حياتنا ؟

مرات بجامل بس ابدا ما بتوصل لدرجة النفاق

وايضا المجاملة بنحتاج الها عشان ما نجرح مشاعر الناس...بس ما توصل لدرجة النفاق

اذا كانت رح توصل لدرجة النفاق فمن الافضل ان اسكت

شكرا لك أختي (( فلسطينية ومفتخرة ))

موضوع جميل جدا

سلمت يداكي

** بنت فلسطين ***

[فلسطينية الهوى والهوية]

والله اوقات الصراحة بتكون راحة زي ما بيقولو واوقات العكـــــــــــــــــــــــــــــــ ــــس يعني حسب الظرف انا اوقات بتضايق لما اضطر اني اجامل حدا بشى مو في بس هيك الحياة لازم المجاملة لانه هيك الناس بدها يعني تضحكي عليها بكلمتين حلوين مو فيها هدا طبع البشر واقبلي مرووووووووووري

[إيمـان]

المجامله احسن بس الصراحه كمان حلوه وبتريح الشخص

شو المواضيع الحلوه هاي

[wcs]

اكيد المصارحة اجمل

[فلسطينية ومفتخره]

اتشكر مروركم الرااااااائع

وامنى لكم التوفيق

تحياتي

[نداء الوطن]

شو ما كانت الصراحه مزعجه بتضل فيها صفة مميزة انها الواقع
اكيد الصراحه اهم من كل المجاملات اللي بالدنيا
لانه احنا هالايا مالمجامله عنا صارت نفاق
ممكن لو نستخدم المجامله بمعناها الصح كان حياتنا كانت احلى لانها رح تكون صادقة
مشكورة على الطرح الحلو

[فلسطينية ومفتخره]

اكيد المصارحة اجمل

معك اخي اكييد المصارحه اجمل بس باهلايام الناس الي بصارحو قلال كتيير كله بيجامل

يعني من الا خر انا بحب الصراااحه لاني صريحه
وما بحب المجامله

اه وشكرااا اخي على المشاركه الطيبه و المختصره

[Yαś]

و عليكـم السلام و رحمة الله و بركـاته ..

..

يمكـن الصـراحة هـي الأفضـل .. لأن الصـراحة بتجنبك المخـادعة .. فلمـا مـا تكـون صـريح .. خـصوصـاً فـي المواقف المهمـة

بتكـون أنت هيك بتخدع الشـخص اللي قـدامك ..

و لكـن .. الصـراحة زي مـا بقولهـا بالعـامية مـرّة .. و قد تسبب مشـاكل ..

و هـذا راجع لشخصـية الأنسـان اللي بتتعامل معـه .. لأنو فـي نـاس مـا بتحب الصـراحة و فـي نـاس بتتقبل

و هـذا لازم نعمـل حسـابو قبـل مـا نصـارح أي شـخص ،،

..

بالنسبة للمجـاملة .. فهـي مرغوبة

بـس أكيـد إلهـا دراجـات .. يعنـي زي مـا قلتِ مـا تصل لدرجة النفـاق .. أو الخـادع

و لا تنسـو أن الكلمة الطيبة حـسنة ..

لأنـو فـي نـاس باعتبرو المجـاملة خـطـأ بخطـأ .. و هـذا بنظـري غيـر صحيح

..

فـي النهـاية .. الصـراحة و المجـاملة ..

كلـهمـا يعمدان عـلى الأسلوب و الطريقة

و حبذا لـو كـانت جميلة و لطيفة .. ~


يسـلموو أختـي فلسطينية

حفظك الرحمـن .. ~


فـي أمـان الله