^ جوالك ^

[اجمل احساس]

بسم الله الرحمن الرحيم


السلام عليكم ورحمة الله وبركاته








أصبح الجوال جزء لا يتجزء من حياتنا اليوميه مابنطلع


إلا بالجوال ومابنقعد ولا بننام إلا مع الجوال .


غير عن أهميته المعروفه إنه جهاز إتصال .


صار فيو أشياء كتيره منها الرسائل والوسائط النغمات والشعارات و و و ...!!


الجوال متل السكرتير


اللي بيزكرنا بالمواعيد والساعات والتقويم


واللي دايما بنحط فيه التواريخ المهمه :إمتحانات ، مستشفى ، إجازة ..:


الملاحظ إن فئه عمريه معينه من سن الـ 14 إلى 25 أو 30 سنه


بيرفضوا أي شخص يمد إيدو ويمسك جوالو


ودايماََ بيحكوا


(ما حدا يلعب في جوالي ) !!




هالجمله البسيطه فيها معاني كتيره (ممكن تفسروها )


ليش مابنرضى حدا يفتش أو : يلعب في الجوال




هل هو الحرص عليه !!




ولا من كتر المحبه !!




ولا فيه شي خطير مابدك حدا يشوفه أبدا !!




هل لهالدرجه جوالك خطير ومابتخلي حدا يقرا مسجاتك


ويشوف قائمة الأسماء اللي بجوالك


ولا يسمع النغمات اللي منزلها ولا يشوف كم فيديو إستعراض



الأسئله كتيره والتساؤلات أكثر حول هالموضوع ....


(( موضوع للنقاش )) ياريت الكل يقول رايـه



دومتم بود

[PaLeSt!Ne SouL]

أنا ما عندي أسرار بجوالي واللي بدو يمسكوا عادي ما عندي مشكلة

يمكن بعض الناس بعدو الجوال شئ خاص مش لانو في شئ سئ لا سمح الله لكن ما بحبوا حد يمسك أغراضه

[Twin]

بالنسبه الي ماعندي مانع حدى يمسك موبايلي .. باستثناء الزغار ,, لانهم بيخربوا


والشي الي بحسو سر وما بدي حدى يشوفه .. بحط كلمه سر .. مثلا ع الصور او الرسائل ..


وهيك بمنع الاحراج عن الي مسكو ..


موضوع حلو يسلم ايديك ..

[شهيد]

لهالدرجه جوالك خطير

الأمر لا يقاس بدرجة الخطوة ، يقاس بأن هذه الأمور أولاً وأخرياً تبقى خصوصيات

ولا يحق لغيرك الاطلاع عليها ، سواء من أسماء ، مسجات ، صور ، ..الخ

حقيقة أنا واضع رقم الكود للوحة المفاتيح وعندي برامج داخلية لإخفاء الصور برقم سري

وأيضا برامج لإخفاء الملفات برقم سري ، وبرنامج يصدر نغمة لما يقوم أحد بمسكه ،

طيب والسؤال لإيش هيك ؟!

لأنه في غالب الأحيان ، الأمر لا يقف عند نظرة ومشاهدة ، بل يعتدى ذلك ليصل لسين وجيم

وليش و مين و كيف و متى ؟!

طيب ليش وجعة الراس ،

ما في مثل يقول " أبعد تحلى "

فهيـــــــــــــــك أريح !!

[قسامي غزة]

بالنسبة الي
وجوالي فيه رصيد عمران يعني
اذا صغير مسكوا ما بخليه يمسكه او بعمل قفل لوحة المفاتيح
بلاش يطير الي الكرت بتاعي
واذا ما فيه كرت برميه في الغرفة وما باخده غير لما اطلع بس
يعني الجوال عندي مهم وهوا فيه كرت بس هههههههههه
وما عندي اسرار بجوالي
ومشكورة علي الموضوع اجمل احساس

[موسيقى الصمت]

موضوع جمييل و كل الشكر لأجمل إحساس

انا بالنسبة لي ما عندي مشكلة إنو أحد يمسك جوالي من أفراد أسرتي
أما ما بحب أي أحد سواء من صديقاتي أو أي أحد من خارج العائلة بأن يلعب به أو يطلع على محتوياته ليس لإنه يحوي أشياء خطيرة .. بالعكس تلفوني فيو أشياء وصور وأرقام كمااان ههههه متل كل التلفونات لكن كلها ألف ألف :) يعني عادية لكن ما بحب أحد من برة يطلع عليها لإنو بعتبروا شي من خصوصياتي ما بحب مين ما كان يشوفه .. ..
أنا ما بحب أتطفل على احد والعب بجواله لإني ما بحب هالشي لنفسي !!

ممكن بتلاقي معظم الشباب ما بحبوا الاطلاع على جوالهم من قبل أي أحد وبكونوا حاطين رقم سري للدخول لإنهم قد يحتوي جوالهم على صور أو أسياء مو منيحة ؟! مو ؟ :)

[شهيد]

ممكن بتلاقي معظم الشباب ما بحبوا الاطلاع على جوالهم من قبل أي أحد وبكونوا حاطين رقم سري للدخول لإنهم قد يحتوي جوالهم على صور أو أسياء مو منيحة ؟! مو ؟ :)

عال العال !.

[الزعيم المدريدي]

أنا ما عندي أسرار بجوالي

لكن بمنع الصغار كثير من اللعب فيه بس من ناحية الحرص لإنو الجوال حساس

لكن حدا كبير مو مشكلة عادي

يسلمو على طرح الموضوع

تحياتي

[أبومجاهد]

لا عاد ...

انا جوالي لازم كل يوم يشوط مع اهل الدار ... ^^

لما اتخص البطارية ...

وبسرق بطارية جوال امي وشرد من الدار ...

[الفتاة المشرقة]

امم سؤال مهم

لا انا ما بمنع حدا يمسكوا بس الصغار لانو حريصه جدا على اغراضي

وبس ,,

شكرا اختي