../ الـ { Emo !

[رَم ــآد !]

بِسْمِ اللهِ الْرَحمنِ الْرَحيمْ ..






صَبـآإحكم / مَسـآإكم طُهر .!





بصرآإحة حَآبة أَفتح موضوع نِقـآش عن الـ emo ..
وَليه هالظآهرة إِنتشرت كتير ..

وَ ليه كُلهآ كآبة × حُزن !

وَ كُلهآ خرآبيش وَ مآ بعرف إِيش .!


الْموهيم .. إِنو خلينآ نتنَآقش ( :






الإيمو ( بالإنجليزية : emo )

هو إختصار لمصطلح متمرد ذو نفسية حساسة
(Emotive Driven Hardcore Punk)،
أو شخصية حساسة بشكل عام، وقد أخذت هذه الظاهرة في الإنتشار بين الشباب المراهقين.





أساطير حول الإيمو ..

* ليسوا عبدة شيطان أو أعضاء طائفة: الإيمو بحد ذاته ليس دينا، وإنما ثقافة ثانوية، ينتمي إليها مراهقون عادييون ذو أديان مختلفة، كما أنهم لا يمارسون طقوسا أو يقومون بأعمال تشير إلى إنتمائهم إلى مثل هذه الأمور.

* جميع الإيمو يجرحون رسغهم، لهم ميول إنتحارية، يشيرون إلى الأجزاء المظلمة من الحياة: هذا التعريف ليس خاصا بالإيمو، بل هو خاص بمن يعانون من الإضطرابات أو الميول الإنتحارية، فأي شخص يستمع لموسيقى الإيمو، ويلبس ملابس عادية ذات ألوان فاقعة، ويعيش حياة رغيدة تنطبق عليه صفة إيمو، لأنه يشارك جزءا من هذا الأمور ..,





هالمعلومـآت من الْموسوعة الْحُرة ..

يلآ كُل حد يحكي رأيو ..
وَ عَآرفين .. نِقـآش يعني

رَم ــآد .!

[شمعة الاحزان]

الي رجعة

[**(girl of palestine )**]

[SIZE="3"][COLOR="Magenta"]برايي انو هاي الظاهره موجوده اكتر عند الغرب
عنا موجوده اكتر تقليد مش اصلي ...يعني الشباب بقلدو الغرب
واحيانا بكون لبس الايمو هو مجرد موضه وبكون من الداخل سعداء
واشنع اشي فيهن تسريحة الشعر واحلى اشي اللون الاسود
عجبني موضوعك

[فارس الوطن]

ليش كلها كآبة وحزن ...

ههه

مهو اللي إيدو بالنار مو زي اللي ايدو بالمي

[اجمل احساس]

اتوقع كلو هادا ضعف ايمان يعني التصرفات بتنعكس على النفسية

يعني الشخص يحاول يتقرب لربنا اكتر من هيك

ويعرف طبيعة الحياة والدنيا ويعرف انو كل شي من عند الله سواء خير ولا شر

هادا رأيي ،،،
موضوع مميز وحلو ،،، تحياتي

[إسراء الفلسطينية]

والله هون بشوف مناظر بتخوّف بالشوارع

يا الله .. تقولي شياطين وماشيين ..

يعني حتى منظرهم بشمئذ منو !

ما بعرف شو السبب يلي بخليهم يعملوا بحالهم هيك ؟!

ممكن لانو عندهم شي مش ملاقينو بحياتهم .. او بكون عندهم مشاكل كتيرة

و هني في عندهم تفكير غريب عجيب مش عارفة شو هوي الصراحة ..

جميع الإيمو يجرحون رسغهم، لهم ميول إنتحارية، يشيرون إلى الأجزاء المظلمة من الحياة

بكفي هاي ههههههههههههه

ع العموم ..

الحمد لله على نعمة الإسلام :)

يسلمو على هل طرح الحلوو حبيبتي رمـآد .،

[Pretty Maroko]

يعني بتعرفيي فترة المراهقة عند كتتير مراهقين بتكون صعبة كلها كأبة و حزن و حب و خيانة و جرح و وحدة و حياة صعبة وما بعرف شو ... فبصيروا يسمعوا اغاني صاخبة كأبة و حزن كشكل من اشكال التعبير عاللي جواهم و التمرد على المحيط ... و بلبسوا هيك اواعي سودة و الشعر بكون مليان الوان غريبة عجيبة فاقعة احمر و زهري و اخضر و ليلكي و اصفر بس عشان يلفتوا الانتبااه .. بالنهاية هي منتشرة عند الغرب اكتير بس يعني أل يعني عولمة و تطور وطبعا احنا بس بنركض ورا السلبيات فانتشر الايمو عند العرب ... بس ما بتلاقي ايمو فوق العشرين لانعا هي بس للمراهقين لحد 19 سنة ( انا سمعت هي قانون ) ... انا عن نفسي بلتمس بس اشووف شباب هيك .. بخوفوا
حسب رأيي , هاد شغل مراهقين فاضيين مش عارفين كيف يديروا وقتهم بشكل منيح و مفيد .. لازملهم علاج نفسي بالدرجة الاولى ...... لانه بالنسبة الهم الحياة هي موت بطيء و مؤلم .. تخيلي نعمة الحياة كيف بالنسبة لهم .. اكيد هي قلة ايمان و دين .. الله يحمينا ..

وشكرا رمااد ..

[DaNdOoN]

انا مو ايمو

بس عندي حزن وكآبه بس ابدا ماعندي ميول للانتحار

وبيعجبني ستايلهم وصورهم بس ولا مرة لبست زيهم او اتصرف زيهم يعني بس بيعجبني الشكل من غير تطبيق

وتعريفك عنهم تقريبا صحيح بحب اضيف شغله

انو هم مناصرين للقائد هتلر وهادا شي اساسي بالايمو ^^

وشكرا لطرح الموضوع الشيق

^^

[Twin]

ع العموم ..

الحمد لله على نعمة الإسلام :)

والله يا اسراء للاسف كمان المسلمات صاروا يعملووو هيك ..


من رأيي ان من يكون من هذه الجماعه


فهو انسان ضايع ما عندو هدف ولا طموح بيركض وراء قشور الحضاره الغربيه الزائفه


وهو مش قادر على التمييز او بالاحرى هو لاغي ومعطل فكروو وعقلوو من العمل


فبياخذ اشياء وديكورات لحياته جاهزه بكل انقياد


بدون التفكير هل هذه الاشياء بتتماشى او ضد افكاره واخلاقه كمسلم وكعربي


بتذكر علقت قبل هيك ع الموضوع ,, بس بصراحه مهمه جدا القضيه ..


ايحيانا الانسان بيقلد بدون فهم متلا : كانت زميله الي بالمدرسه ( بالمشرط ) تحفر ع ايدها حرف


البنت الي معجبه فيها .. ( صارت مقلده من ناحيتين ) الاعجاب والايمووو ..


وبتيجي بنت تانيه بتعجبها الحركه الي مسوياها فبتقوم تعمل متلها ..


بعتبر الي بعذب نفسه بالطريقه هاي انسان مازوشي ,, ما في بقلبووو رحمه اتجاه نفسو فكيف غيرووو ؟؟





ربنا يهدي ..



تسلمي ع الطرح .. ويعطيكي الف عافيه رماااااد ..

[إسراء الفلسطينية]

والله يا اسراء للاسف كمان المسلمات صاروا يعملووو هيك ..

ييييي

أنا والله ما شفت لسا يا توين انو في مسلمات هيك ؟

إسلامنا ما بيؤمرنا بهيك ؟!

لا حول ولا قوة الا بالله :(

انا حكيت عن اللي بشوفو هون

يعني يلي بشوفهم كلهم دنماركية و نسبتهم كبيرة !

أما مسلمات لسا ما شفت .. و ان شاء الله ما بشوف ..

الله يهدينا ويهديهم يا رب ..