هل يحق للزوج التصرف براتب زوجته كما يريد؟؟؟؟

[قاهر الصعاب]

شكرا على الموضوع الطيب:
واذا كنت انت كزوج بالمستقبل
هل ستوافق على عمل زوجتك خارج المنزل ؟؟؟

انا متزوج ، انا رافض ان تعمل زوجتي في الوظائف الحكومية ، لكنها تعمل بشكل بسيط في دورات خاصة في البلد للاناث فقط.
واذا كانت الاجابه نعم
هل سيكون شرط انه تساعدك بالمصروف بالبيت ؟؟؟

لم اشترط ان تساعدني ، بل لها الحرية

واذا امرتها بالمساعده وما وافقت كيف بتتصرف؟؟؟

لم يحصل سوء حتى الان ، وانا اصلا اكره ظلم المراة ، واحب ان يكون لزوجتي ميزانية.
العمل جيد لانه يزيد الدخل في هذه الظروف الاقتصادية الصعبة / لكن المشكلة ان عمل المراة يؤدي الى ارهاق الزوج فيحضر للبيت فلا يجد طعام وايضا مشاكل في تربية ورعاية الاولاد ,

[دموع الغربة واشواق العودة]

والله يااااستي الموضوع جدا روعة وخصيصا النا احنا البنات ..اكيد لو كان زوجي بحاجة للمال رح اعطيلوا اياه وبدون تردد بس بشرط انو يكون بستاهل ..بس السؤال هون هل هو رح يعمل نفس الموقف لو انا احتجت منو واذا بدي اشتري هدية لصحبيتي اكيد من راتبي لأنو هاي الهدية مني مش من زوجي اكيد بساعدوه بس لو كان بيستحق لأنو في ناس كتير بيستحقوه ..المهم شكرا الك كتييييييييييييييير موضوع رائع

[نداء الوطن]

المشاركة الأصلية كتبت بواسطة قاهر الصعاب شكرا على الموضوع الطيب:
واذا كنت انت كزوج بالمستقبل
هل ستوافق على عمل زوجتك خارج المنزل ؟؟؟

انا متزوج ، انا رافض ان تعمل زوجتي في الوظائف الحكومية ، لكنها تعمل بشكل بسيط في دورات خاصة في البلد للاناث فقط.
واذا كانت الاجابه نعم
هل سيكون شرط انه تساعدك بالمصروف بالبيت ؟؟؟

لم اشترط ان تساعدني ، بل لها الحرية

واذا امرتها بالمساعده وما وافقت كيف بتتصرف؟؟؟

لم يحصل سوء حتى الان ، وانا اصلا اكره ظلم المراة ، واحب ان يكون لزوجتي ميزانية.
العمل جيد لانه يزيد الدخل في هذه الظروف الاقتصادية الصعبة / لكن المشكلة ان عمل المراة يؤدي الى ارهاق الزوج فيحضر للبيت فلا يجد طعام وايضا مشاكل في تربية ورعاية الاولاد ,

شكرا لمرورك اخي الكريم
والله يهنيك بحياتك الزوجية
يعطيك العافية على اجاباتك المنطقية والرائعه

[الطالب المجتهد]

والله اختي الموضوع حلو بس الرجل ما بحقلو يوخذ فلس واحد من مرتو لأنو هيي انسانة مثلو مثلها

بس اذا كان هو بحاجة فبحقلو وشكرا اختي

[Ramez]

يعني الحياة الزوجية مشاركة ، خصوصاً في ظل الاوضاع الصعبة اللي بنعيشها
يعني مش غلط انو الزوجة تشارك زوجها في مصروف البيت ، لكن لا يحق للزوج انو يأخذ راتب زوجته عنوة، لانه الشرع في هيك أمر و اضح و أعطى للزوجة الحق في التصرف في ما تملك سواء الراتب أو إرث أو حتى المهر
حتى كمان الزوجة يجب انها تأخذ راتب من زوجها مقابل الأعمال المنزلية التي تقوم بها
المهم زي ما حكيت انو الحياة الزوجية مشاركة بين الطرفين
لكن مش غصب عن الزوجة لازم برضاها

[Twin]

هلا دور الصبايا

.
.

انت بتفضلي الزواج ام الوظيفة وليش؟؟

دايما بيحكو انو البنات بحبو يمسكو الحبل من نصو ,, وانا متلهم ..

بعد الزواج رح تساعدي زوجك بالمصروف او لا؟؟؟

اذا باستطاعتي ,, اكيد


بعتقد اسمه ( شريك حياه ) يعني مشاركه من الطرفين بكل شي ,, ان كان حلو او مر ..



-----------


يعطيك العافيه ع الطرح المميز ..

[angel_mercy]

:36_1_62[1

شكرا كتير موضوعك كتير مهم
انا برايي بما ان الزوجة بتقضي ما يقارب 8 ساعات خارج بيتها في شغاها اي ما يقارب ثلث يومها مش غلط تساعد زوجها بالمصروف والحياة تعاون بس ما يستغل الزوج هاي النقطة ويرمي الحمل كله عليها
وبالنسبة الي انا بفضل انه الزوجة ما تشتغل وتتستت في بيتها وكل شي ييجي لعندها لانها مخلوق رقيق

[نداء الوطن]

المشاركة الأصلية كتبت بواسطة دموع الغربة واشواق العودة

والله يااااستي الموضوع جدا روعة وخصيصا النا احنا البنات ..اكيد لو كان زوجي بحاجة للمال رح اعطيلوا اياه وبدون تردد بس بشرط انو يكون بستاهل ..بس السؤال هون هل هو رح يعمل نفس الموقف لو انا احتجت منو واذا بدي اشتري هدية لصحبيتي اكيد من راتبي لأنو هاي الهدية مني مش من زوجي اكيد بساعدوه بس لو كان بيستحق لأنو في ناس كتير بيستحقوه ..المهم شكرا الك كتييييييييييييييير موضوع رائع

مشكورة يا دموع الغربة على مرورك ومشاركتك
بالنسبة لسؤالك
الزوج مجبر انه يعطي المراه اذا احتاجت لانه هو المسؤول عنها
واذا ما وافق يعطيها من حقها ترفع عليه قضيه
والا لشو اسمه رجال البيت ؟؟؟
اما الزوجه مش ملزمه تعطي زوجها
يعني اي شي بتقدمه بكون من نفسها ومش مجبرة
تحياتي الك

[نداء الوطن]

المشاركة الأصلية كتبت بواسطة الطالب المجتهد والله اختي الموضوع حلو بس الرجل ما بحقلو يوخذ فلس واحد من مرتو لأنو هيي انسانة مثلو مثلها

بس اذا كان هو بحاجة فبحقلو وشكرا اختي

هلا فيك يا محمد بموضوعي
الرجال من حقه يصرف على مرته ومن الذوق انه الزوجه تساعد زوجها بحدود المعقول
اما انه ياخد غصب عنها مش حلوة بحقه كرجل
يحكوا عنه الناس مستعبد زوجته
الله يبعثلك شغل منيح كثير وما تحتاج لاغورة من جنس حوا
نورت يا محمد

[نداء الوطن]

المشاركة الأصلية كتبت بواسطة ramez

يعني الحياة الزوجية مشاركة ، خصوصاً في ظل الاوضاع الصعبة اللي بنعيشها
يعني مش غلط انو الزوجة تشارك زوجها في مصروف البيت ، لكن لا يحق للزوج انو يأخذ راتب زوجته عنوة، لانه الشرع في هيك أمر و اضح و أعطى للزوجة الحق في التصرف في ما تملك سواء الراتب أو إرث أو حتى المهر
حتى كمان الزوجة يجب انها تأخذ راتب من زوجها مقابل الأعمال المنزلية التي تقوم بها
المهم زي ما حكيت انو الحياة الزوجية مشاركة بين الطرفين
لكن مش غصب عن الزوجة لازم برضاها

مشكور اخي على الشاركه
بس بدي اعقب على كلامك لما حكيت انه المراه لازم تاخد راتب على شغلها بالبيت
هي بتشتغل بالبيت مقابل اشياء ثانية انه يشتغل خارج البيت
حتى لو كانت الثانية بتشتغل
انا لما طرحت الموضوع كنت حابه اعرف انه راتب الزوجه اله دخل بمصروف البيت او لا
يعني هي بتشتغل برة وجوا
بس اذا ما بدها تعطي زوجها هي حره
نورت الصفحة بمشاركتك اخي الكريم