مقارنة بين الهاي والهظيك

[theboss]

مقارنة بين الهاي والهظيك







هذه المقارنة نبين لكم كيف توصي الأم الهاي فاي ولدها قبل الذهاب الى المدرسة وبالمقابل شوفو الأم الهظيك شو بتقول لأبنها

الأم الهاي: لا تنسى مامي تاكل الكورواسو في البريك

الأم الهظيك: يمه... صندويشة الزعتر بالكيس اوعه يلطشوها منك

الأم الهاي: خليك عالرسيف لبين ما ييجي الباس واوعا من هدول اللي بيشحتو

الأم الهظيك: بتروح عالمدرسة دوز دوغري ويا ويلك اذا بعرف انك شلفت اليوم

هاي: زي ما وسيتك ابعد عن الشلة النوتي اللي بتاكل السندويتش تبعك

هظيك: أوعى الاقيك ظارب الولاد زي امبارح هي معك شلن اشتري اللي بدك اياه وبلاش تاكل صندويشات صحابك غصبة عنهم

هاي: مامي دونت فورجيت لما ترجع ما رح تلافيني في البيت عندي جيم متأخر اليوم خلي الشغالة تسخنلك البرغر

هظيك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر

هاي: على فكرة المس كتير زعلانه منك وبعتتلي مسج انك صاير نوتي في الصف

هظيك: ولا.... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا

هاي: مامي لما تروح لا تقتع الشارع واستنى بابي لما يوصل

هظيك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات

هاي: على فكرة انا كتير كتير upset منك قالوالي شافوا بالهاند باغ تبعك سجاير

هظيك: قال بتحمل موس بشنطتك يا واطي... ولك خليك عالشفرة وهيها مستورة

هاي: قول لسحابك ميمي وتوتو ييجوا على عيد ميلاد اختك نانا

هظيك: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا

هاي: مامي خليك كلاس مع المس تبعك ولو دليت هيك بجبلك موبايل جديد

هظيك: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع

هاي: كتبت شيك لاستاز اللانجلش والعربي والرياده وخليته مع الشغاله لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ

هظيك: الاستاذ اللي قالكو انه ممكن يعطيكوا دروس خصوصي قول له روح لاقي امي بكرة بالوزارة يا شاطر

[فلسطينيه!17]

ههههه

يعطيك العافيه اخي

[روان فلسطين]

ههههههههههههههههههههههههههههههههههه
ههههههههههههههههههههههههههه
روووووووووووووووووعه



بجد ضحكت لشبعت


روان الهاي : يعتيك الف عافيه يا boss المودوع تبعك so coolدحكني كتير مهدوم

روان الهظيك : يخلف يابا الموظوع من الاخر يحرق سنسفيل الي عملو شو مروووووووووووووووق

هههههههههههههههه
يعطيك العافيه

[عين فلسطين]

هههههههههههههههههه
حلوة
يسلمو اخوي

[أنين الحزن]

ههههههههههه
حلو الله يعطيك العافية

[لوليتا*]

ههههههههههههههه
حلوة كتيييييير هالمقارنه

يسلمو
يعطيك العافيه


تحياتى
لوليتـا*

[أسيرة الجراح]

روعة × روعة
بس في كلمات عفكرة ما فهمتها
هههههههههههههه
والله اشبعت ضحك

[theboss]

إن شاء الله تنبسطوا دايما