:: للمغتربين .. اتفضلوا وفضفضوا ::

[بنتـ الكرمـ]

البلد الي مغترب فيها
الكــويت

عيوبها وحسناتها
حسناتها: جميلة جدا بلد راقي فيها ناس طيبة
عيوبها : طائفية ومتل ما فيها ناس طيبة فيها ناس عاطلة
فيها الي بحب الفلسطيني وبحترمو وفيها الي بكرهو من كل قلبو

وهل بيشعر بانتماء لهذه البلد سواء كان مغترب للدراسه او العمل ؟
انا انتمي للكويت بصفتها بلد عربية مسلمة متل ما بنتمي لكل الدول العربية ولاني ولدت في الكويت اكيد لكن بصراحة كشعور لا أشعر بأني منتمية لأي مكان بهالدنيا , طول عمره اللاجئ بحس نفسه غريب لا أشعر الا بانتمائي لفلسطين , فلسطين هي أصلي والمكان الي يشعرني بهويتي بعيدا عنها انا مجرد لاجئة غريبة لا تنتمي لمكان

شو الاشياء الي بحس بنقص فيها وبفتقده بالبلد الي مغترب فيه ؟

باختصار بحس بالغربة بحس بالحرمان من كل شي فلسطيني بالحرمان من التجول في شوارع فلسطين من رؤية أشجار فلسطين وشم ريحة فلسطين والأكل من خبز فلسطين
ينقصني وطن اعيش فيه

انا لا متغرب ولا شي
انا بلدي فلسطين
وان شاء الله بتغرب
وعن قريب
ادعولي

ليش كتير متلهفة عالغربة ؟ مفكريتها حلوة ؟
بتتوقعي المعاملة راح تختلف ؟
ولا تكون احسن ؟
اذا هيك فانت غلطانه كتير !!!

احترامي

وشكرا لصاحبة الموضوع على هالفكرة الرائعه

[بنت النيل]

أنا مصريه وعايشه في السعوديه ومولوده فيها
هي بلد جميله كفليه إن فيها مكه المكرمه
بس الشعب نفسه أنا عن نفسي ما بستظرفه طبعا لكل قاعده شواذ
بس أول ما تلاقي مصري يخانق سعودي او حتي من غير ما يخانقه أول كلمه يقولها
÷نتوا المصريين معبين البلد الله يلعنكم انتو وحسن مبارك في ليله واحده ومن هالكلام
وامزايا أنها بلد مرفهة

[الحلوة]

كل واحد يكتب البلد الي مغترب فيها ..
الامارات (ابوظبي)

وشو رأيه فيها " عيوبها وحسناتها " ؟
والله ابوظبي كتير حلوة ومتحضره ومش زحمه متل دبي والشارقه

وهل بيشعر بانتماء لهذه البلد سواء كان مغترب للدراسه او العمل ؟
اكيد بلدي التانيه اكيد ما قصرت ولدت فيها ودرست فيها كل المراحل وحاليا بشتغل فيها
الها معزة كتير كبيره علي
وشو الاشياء الي بحس بنقص فيها وبفتقده بالبلد الي مغترب فيه ؟
اكيد اي واحد مغترب محروم من العيله والاقارب صح انو فيه شوي من اهلنا هون
بس كمان غير اتكون كل العيله موجوده من الجد للجده لفوق...
الواحد بيحن كتير لبلدو كل واحد هون عندو بلدو يروحها بالصيف والاجازات
احنا والحمدلله عشان الوضع السياسي محرومين منها عنجد يشي بيقهر كتير
الله يفرجها علينا يارب

موضوعك جدا رائع ومهم للتنفيس عن المغتربين..
يسلمو ايديكي ويعطيكي الف عافيه

[الطالب المجتهد]

الذين يشاهدون محتوى الموضوع الآن : 2 ( الأعضاء 1 والزوار 1)
‏الطالب المجتهد

اهلين بالزائر

[الطالب المجتهد]

بالله عليكي الحلوة ابو ظبي مش زحمة والله ازحم منها ما في صح دبي زحمة بس انا فوتت ابو ظبي اكثر من 120 مرة

[الطالب المجتهد]

موضوعك كثير حلو بنك روز

انا ساكن في الأمرات في عجمان حلوة عجمان مش بطالة بس دبي وابوظبي احلى بكثير وخصوصا القرية العالمية بتجنن من الحلاة ويسلمو

[الفراشة الفلسطينية]

1- انا سكان الاردن

و الاردن و ما ادراك ما الاردن


2-بما انه 60% من اهل الاردن اصل فلسطيني
فانا عايشة بين عيلتي
يس نفسي اعيش بين اهلي

3-انتمائي الاول و الاخير لفلسطين و بس


4-امنيتي اجي و اعيش ببلادي و على الاراضي الفلسطينية
بس قبل كل هادا بتمنى انو حماس و فتح يحطو ايديهم بايدين بعض
يعني لما شوف اردني بكون اول سؤال لالو : شو حضرتك مع حماس و لا مع فتح؟؟؟؟
طبعاً بحكي من راس انفه
و كل شوي بقولولك مليح منا انا معيشينك بالاردن
و الواه الواه لو تشوفوها _ صحرة- يا خيي

يعني مع انك بالاردن بتكون بين فلسطينية بس بضلو ال40%
بس و الله مو كلهم يعني في اردنية بنحطو عالراس



و يسلموووووو عالموضوع الرائع

[مجهوووول]

مشكووووووووووووووووووووووورة على الموضوع انا مغترب بالامارات والا شياء الي تنقصني شوفت الاهل و القرايب

[مجهوووول]

انا من ابوظبي
وانا موخذ رايك يا ابن عمي بس شو هل الحكي دبي ازحم من ابوظبي بكثيييير اذا دخولها و خروجها بمصاري

[Pink Rose]

المشاركة الأصلية كتبت بواسطة ][ BLACK CAT ][ البلد الي مغترب فيها ..

البحرين

وشو رأيه فيها " عيوبها وحسناتها " ؟

منيحه وحلوه بس صغيره وكلها شيعه متعصبين وبلشت تفقد امنها " الظاهر مستقبلا رح تصير عراق تانيه"

وهل بيشعر بانتماء لهذه البلد سواء كان مغترب للدراسه او العمل ؟

في انتماء لاني عشت حياتي فيها بس اكيد مش متل انتمائي لفلسطين

وشو الاشياء الي بحس بنقص فيها وبفتقده بالبلد الي مغترب فيه ؟

كل شي تقريبا مختلف " طريقة الحياة, الناس, العادات

][ BLACK CAT ][

اهلا وسهلا فيكي يا قمر

يسلمو على الرد :)