عنجد التوجيهي بيخوف؟

[ameera]

لأ ولله التـوجيهي ياخيو مش صعب بالعكس أسهل من الجامعة بس بدو دراسه واجتهاد ..

نصيحتي الك من البدايه ماتهلك حالك بالدراسة راجع وحضر عادي وامتحانات بعطوك كل شهر راجعها ومن الفصل التاني بلش ادرس ادرس لحد ماتبلش امتحانات الفاينال ..

ماتتعب حالك وماتجهد راسك لانو اذا بلشت دراسه من اول العام راح توصل بالاخر زهئان وتعبان من الدراسه فلاتراكم ع حالك ولا تضغط حالك بالدراسه وخوود الامور عادي متلها متل اي سنة ..

بس اللهم الناس بتخوفك منها لانها مفرق طرق باعتبارها بتحدد مصير حياتك ..

اتغزى منيح اهم اشي واقعد عاتلفزيون عادي والكمبيوتر بس ساعة بايوم ماياخد من وقتك شي انا بعز الامتحانات كنت اطلع واتفرج عاتلفزيون والحمدلله الله اعطاني مع انو كان ايامها صعبة وعانينا كان في مشاكل بين حماس وفتح ونطلع بين الطخ ندارى الحيط الحيط مشان نوصل للمدرسة بس ربنا أعطانا على قد نيتنا الحمدلله وجبت 93.3 %

شد حالك وماتهتم لكلام الناس مافي حد بعرف اكتر من حالو شو بدو ,, موفق خيو وبس تنجح وتخلص توجيهي على خير بدنا التحلاية .. ^ ^

[بيكاسو]

مشكورين يا صحاب
رفعتولي معنوياتي على الاقل

[بيكاسو]

المشاركة الأصلية كتبت بواسطة دموع الغربة واشواق العودة

انا السنة الجاية توجيهي تخوفنيش ..اصلا انا خايفة من زمان الكل بيحكيلي عنو وعن تعبوا ..الله بيعين ..شكرا الك

مشكورة كتير
هاد انتي متلي انا السنة الجاية توجيهي
اله يعيننا
انتي ادبي ولا علمي؟؟

[بيكاسو]

المشاركة الأصلية كتبت بواسطة الفتاة المشرقة السلام عليكم ورحمه الله وبركاته

اخي والله التوجيهي ما بدوا الا اهتمام ومتابعه

التاريخ رائع جدا وما بدي اكون مبالغه جدا ولكن اهتممت به منذ اول درس ني احبه جدا والحمد لله حصلت على99 من 100 ولكن كذلك المعلم له اثر

والجغرافيا لم اهتم به كثير حتى اني لم احضر درس فقط استمع للمعلمه ولكن كذلك سهل

والادبي ما بدو الا حفظ واعتماد على النفس

اما الاداره فأنا معك انه صعب جدا

ولكن الحمد لله معلمتنا خففت عنا كثير نها بتشرح بشكل ممتاز جدا

ورغم ذلك الا انو بدو تركيز وفهم وخاصه وحدع العرض والطلب

وربنا يوفقك وينجحك وينجح كل الطلاب

دعواتكم

مشكورة كتير كتير
وانشاء الله جيب متلك

[بيكاسو]

المشاركة الأصلية كتبت بواسطة moon girl

التوجيهي مو صعب ابداا خيوو

بس مو سهل مي

يعني بدو دراسه

انا هل السنه شبه توجيهي((تراكمي))

بس عادي بطلع وبروح وباجي

بس لازم تدرس اول باول


انا كنت زمان خايفه بس لما جربت مو قد مالعالم بتحكي

مشكورة كتير كتير

[بيكاسو]

المشاركة الأصلية كتبت بواسطة روان فلسطين لا والله لا بيخوف ولا شي
بالعكس امتع ايام حياتك لانك بتحس بالمسؤوليه الكامله والدلال الكامل هههههههههههههه
بس بجد انا علمي وما بعرف عن التاريخ والجغرافيا وهيك
بس الشغله وما فيها انك تدرس كل يوم كل شي ممكن
وتخلي الدراسه شي يملى اوقات الفراغ
يعني كل ما تفضى ما تيجي تنط ع المنتدى بتروح بتمسك الكتاب وبتبلش فيو من او ل صفحه
وكمان حاول انو قبل الاختبارات باربع اسابيع تمسك الكتب وتاكلها اكل
يعني تختم الماده مرتين باليوم
تدرس بين السطور واياك تحكي الكورسات ما بتنفع اي مساعد يقع بايدك فورا امسكو وادرسو
وهيي هيي كل القصه
لا بتخوف ولا شي بس انت حبها لانها مفتاحك للحياه الجاييه

مشكورة كتير
ادعيلي

[بيكاسو]

المشاركة الأصلية كتبت بواسطة القلب الطيب

اخي التوجيهي مو صعب

بس بده تشد حيلك وتدرس

ومن طلب العلا سهر الليالي

انا ختمت المنهج كله بثلاثة اسابيع فقط وجبت معدل حلو

ربنا يوفقك

مشكور كتير يا مان
ورح اعمل بنصيحتك

[بيكاسو]

المشاركة الأصلية كتبت بواسطة الطالب المجتهد لا بيخوف ولا شي الي بدرس بجيب بعدين سلي نفسك خذها مني

يا مان لساتك صغير
ادعيلي على كل حال وشكرا على الرد الحلو

[بيكاسو]

المشاركة الأصلية كتبت بواسطة just me..maram لا أتوقع إنو صعب ..

ما بعرف بس أصير توجيهي بقلك

بس شكلو بدو دراسه و بس .,.

بالتوفيق أخي ,,

:)

مشكور كتير يا مان

[بيكاسو]

المشاركة الأصلية كتبت بواسطة ايلانا لا طبعا مو بخوف لهاد الدرجة

أنا هلأ توجيهي عادي

بس بدو دراسة وتركيز شوي

وشد حيلك في الدراسة

أوكي

الله يوفقك وينجحك
وعقبال عندي اني اخلص منو
والله حاسب مليون حساب للنة الجاية الله يستر