يا بتساعدوني يا اما بأنجلط :@

[[ Islam ]]

السلام عليكم ورحمة الله وبركاته

محسوبتكم جاية معصبة ومش شايفة شي قدامها

في يوم من الايام تغابيت بزيادة وحبيت انزل الاصدار التاسع من المسن

ونزلته وقعد يومين وهو بنزل وانا ماسكة اعصابي بالعافية

اشتغل اسبوع

واليوم اجيت بدي افتح المسن ,, لهو مش راضي يفتح وبقلي ثبت

البرنامج

حزفته للدكتور الاصدار التاسع ونزلت القديم

بس ما صار شي

برجع بقلي ثبتي المسن الاصدار التاسع

خلااااااااااااااص ما بدي مسن اصدار جديد

والله القديم عين الله عليه

ساعدوني مشان الله ..

[بنت الشام ..]

ممممممممممممم مشـكلتكـ مشــلكة ..

ومشكلة مستعصيـة ...


شـوفي انا مريت بقصة مشابهـة ...

نزلت الاستاز تسعة ... وما كان يشتغل حذفته ونزلت 8.5 ... واشتغل ولهلأ عين الله عليه ...

انتي الاصدار القديم الي بتحكي عنو كم ؟؟

انا بنصحكـ بـ 8.5 وازا بتريدي انا بجبلك ياه ..


وبالتوفيق ^_^

[[ Islam ]]

عملت نفس الشي بس ما زبط !!!!!!

مش مشكلة اي اصدار المهم ما بدي الزفت الاصدار الجديد :@:@

[الرمشـ الحساسـ]

حبيبتي حاولي تحزفيه نهائيــا من جهازكـ,,

وبعدين نزلي الإصدار الي بدكـ ياه,,

وبنصحكـ بموقع اقلاع سوفت,,

موفقة حبيبتي, روئي ولو,,

بعيد الشر عنكـ عسولة,

[[ Islam ]]

حزفته من الكنترول بانل !!!

وحزفت اي شي إله علاقة بالمسن

بس مو راضي يزبط شي :@:@

[أنين]

امممم ., ماعندي فكره والله ..

انا صار معي هيك اكتر من مره كنت احذفه ويمشي الموضوع بعدين

[مآهينآز]

هههههههـ
بتذكر صار معى نفس الشئ
وحزفته ،، ما كان ينحزف
فأضطريت أنزل ويندوز جديد
//
روئى حبيبتى
إنشالله موفقة

[الرمشـ الحساسـ]

والله يا حبـــي ما بعرف

ان شا الله تنحل مشكلتكـ,,

تسلميلي موفقة

[ALJENERAL]

ممممممممم

انشاء الله حل المشكلة بكون مع مستر جنرال

اختي انتي حزفتيه كامل من الجهااااز من اضافة وازالة البرامج

صارت معي نفس المشكلة بس حليتها انا بسرعة والحمد لله

ما علينا هلآء ما عندك ماسنجر انتي اريحلك

ادخلي على هالرابط وحملي الاصدار الموجود وثبتيه


http://www.bsmt-7nen.com/vb/showthread.php?t=

وازا ما زبط معك يا ريت تصوري صورة للرسالة الي بتطلعلك وترفعها على هون مشان نعرف كيف الحل


وازا ما بتعرفي تصور هي طريقة التصوير خخخخخخخ

دوري على كبسة اسمها print screen sysrq بس تلاقيها اكبسي عليها

بعدين بتروحي على الرسام من فوق خيار edit وبعدين بتكبسي paste وبتعمليلها حفض وبترفعيها على رابط وبتحطيها هون وانشاء الله بنحلها


قرفتكو وانا احكي صح هههههههههه

[أســ{ــمــرآنــ}ــي]

الله يلعن ابو المسن ويلعن ساعته

شو تنجلطي بسببه .. اكيد ما بقبل انا

ازا بدك نصيحتي ارمي الكمبيوتر من اقرب شباك عليك

مممم
هلا وقت الحكي الجد .

استعملي احد منظفات البرامج من الجذور .. وهاد مهمتها ازاله البرامج الي بتكون على جهازك من جذورها
متلا انا بنصحك بشي اسمه windows installer clean up
وعن طريق هاد البرنامج بتقدري تمسحي المسن من جذوره
وازا ما زبط معك هاد الشي بدك تشوفي برنامج تاني اسمه
speed up myPc 4
هاد البرنامج بقوم بمعالجه وتصحيح برامج نظام الويندوز وبالتالي حيزبط المسن عندك
لانه انا مريت بنفس المشكله واستعملت الطريقتين والوضع عندي هلا تمام