♪..مــــــآيــــك المــنــتــدى مـــع ~ شـهيـــد غ ـزة ~..♪

[limar]

الذين يشاهدون محتوى الموضوع الآن : 3 ( الأعضاء 2 والزوار 1)
‏limar, ‏:: محمد ::


منور محمد ^^

[limar]

الذين يشاهدون محتوى الموضوع الآن : 5 ( الأعضاء 3 والزوار 2)
‏limar, ‏الحلوة, ‏Just Me..MaRaM


منورين ^^

[limar]

بريك

بشوفكم بالليل ازا ئدرت

عندي مشوار هلاء ^^

[limar]

صباح الخير

صحيت من شي ساعة على ازعاج

صاحبتي بدها اروح افطر عندها

ال عاملة معجنات على ايدها وبدها اعطيها رايي

شطورة هية بالطبيخ

انا ما عندي خبرة بهالموضوع

من جديد تعلمت اعمل اكمن طبخة بس كمان ما بيزبطو منيح

من شي 4 شهور سافرت ماما واختي على سوريا

بئيت انا واخواتي بالبيت

عملت حالي ست بيت

وبلشت التجارب

واول طبخة عملت ملوخية

كنت ناوية اعزم حرحورة بس لما خلص الطبخة ئلت بلاها

راح تصير تكره الملوخية بعد ما اتدوئها من تحت اديي

وسمعت تعليئات من بابا واخواني طبعا

بس ئلت معلش كبداية لازم يصير هيك

وشوي شوي صار يزبط معي الاكل

بس اخر شي زهئت وصرت اجيب ديليفري

هيك لرجعت ماما من السفر

ومن وئتها ما طبخت ولا عملت شي

هلاء بعد ازنكم بدي اروح البس واطلع عند صاحبتي

هيها بترن


بس ارجع بكمل

تشاو

[limar]

هلاء رجعت

من الصبح هلاء تم الافراج

صاحتي ما كانت ترضى تروحني خلتني ائضي نهار عندها

تسلينا والله

المهم

مو عارفة شو احكيلكم كمان عني

انا بنت بتعتز بحالها كتير

بيحكو مرات اني حساسة

اهلي يحكولي حساسة زيادة عن اللزوم

بس انا بفكر او الي ببالي يعني انو انا بعامل الناس الطريقة الي بحب يعاملوني فيها

يعني ما دام انا ما بغلط بحدا او ما بدايئ حدا مافي داعي الناس تغلط معي او اتدايئني

انا الي غيرني وخلاني هادية هوة صدمتي بالناس

صراحة اتأزيت من ناس كتير

لدرجة كيرة حتى خلتني اعتزل الدنيا كلها بغرفتي

صار عندي قناعة انو الانسان المنيح او الي بنظر العالم مو ناقصو شي دائما بكون عرضة للمشاكل

مع انو مافي حدا كامل

الكمال لله

بس الغيرة والاستغلال وغيرو كتير

بئيت فترة ما طيئ احكي مع حدا

وموت شخص عزيز علي بهالفترة اسر اكتر

وبهالفترة تعلئت فيها بالنت

بلشت اتعلئ بالشات

مع انو لما كنت افوت ما كنت احكي مع حدا بس اتفرج

لفترة وبعدين زهئت

وحتى الي يحاولو يحكو معي ما ارد ولا اعبر حدا

المهم الشخص الي توفى كان مثابة اب واخ وصديق وكل شي بحياتي

كان زوج عمتي

بحكم انو بابا مسافر دايما كان يسأل عنا

وكان يحبني اكتر شي من بين اخواتي

والله ازا بدي الشغلة قبل ما اطلبها تجيلي

حتى بنتو صارت تئلو مين بنتك انا ولا هية

يحكيلهم روان غير

لو عندي متلها بكون اسعد اب بالدنيا

انا بس سمعتو بيحكي هيك بكيت

ما بعرف ليش

يمكن لانو عندي كان احساس اني راح افئدو بيوم من الايام

كان كل يوم يجي يوصلني الساعة سبعة ونص الصبح على الجامعة

ويحكيلي لما بدك تروحي احكي معي باجي باخدك

لما كنت اتدايئ من حدا من اهلي اروحلو المكت واشكيلو

يطلعني مشواير ويجي يحكي لاهلي هاي حصتي لا حدا يجي فيها

كان اقرب من عمي والله

يوم ما توفئ حكى معي تلفون قبل باكمن ساعة

ئلي بدي اتطمن عليكي

توفى بجلطة

صدمة كانت لانو مات فجأة

موت الفجأة صعب كتير

حتى ما لحئو ليوصل المستشفى قبل ما يوصل الاسعاف كان متوفي

وما حزنت بحياتي اد ما حزنت يوم وفاتو

ومن يوم وفاتو بضل احلم فيه

الو سنتين تقريا

عطول بحلم فيه

بوصيني بالحلم على حالي

الله يرحمو

اترحمو عليه

والله ما عاد فيه متلو بهيك زمن

اسفة ازا نكدت عليكم

[limar]

الذين يشاهدون محتوى الموضوع الآن : 4 ( الأعضاء 2 والزوار 2)
‏limar, ‏ايــاد


منور اياد

والزوار منورين

[limar]

« الموضوع السابق | الموضوع التالي »

الذين يشاهدون محتوى الموضوع الآن : 5 ( الأعضاء 2 والزوار 3)
‏limar, ‏الاماني الفلسطنية


هلا امون منورة

[limar]

الذين يشاهدون محتوى الموضوع الآن : 5 ( الأعضاء 2 والزوار 3)
‏limar, ‏الحان الحرية+


iهلا الحانو

[limar]

((( اول مرة بشوف الليل ناقص بنجومو )))

((( اول مرة بيحكي الويل بيشكيلي همومو )))

((( حتى القمر الطالع )))

((( والمي الي عالشوارع )))

((( كلا عتابنة عليك كلا عتبانة عليك )))

بدي حط الاغنية بس خايفة نانا اتطب علينا



اصعب شي بالحياة برأيي هوة الانتظار

بكره انتظر

ما راح انتظر من يوم وطالع




(((( نحكيلو شو حكي )))

((( ونضحك حتى البكي )))

((( ومن يوما ما تلائينا )))


بحب الاغاني الهادية

ما في حدا معين

بس بحب فيروز ,, فضل ,, شيرين

[limar]

بعد النكد والزكريات منرجع

راح احكيلكم عن موقف صار


تخيلو تلائي بنت حالها بين خنائة شباب شو بصير

مرة من المرات

صارت خنائة بين شباب

خنائة ئوية

وبالصدفة كنت بمكان الخنائة اول ما بلشت

وبطلت ائدر اطلع

كنا انا وصاحاتي بالكافتريا

بلشت الكراسي اتطير فوقنا

وطلعو شباب وجابو طوب

وبلشت تحمى وتحمى

ولا سيكيورتي اجا

وانحيسنا تحت الطاولات

واز كرسي بيجي بنص رجلي

غير الوجع يعني انكسر كعب الكندرة

فوق مصيبتنا احراج كمان

ما بعرف كيف الشباب بفكرو

بعد ما اكلت الضربة انتبه واحد من هالشباب

و صار يصرخ البنااااااااات البناااااااااااات

انتبهولنا الشباب وحسو على دمهم شوي ووقفو خنائ وطلعونا

بس كانت باخرها

و بعد شو

رجلي ئعدت تجعني اكتر من شهر

وانخزينا صرنا نعرج من الوجع ومن الكعب المكسور

ايامات والله

صعبة خنائة الشاب

بصيرو يضربو بدون تفكير

الله يحمي الجميع