اسئلة مهمة بالنسبة لي فهل من مساعدة؟

[دموع غزة]

السؤال الاول :اذا بيوم من الايام اكتشفت ان والدك لا يحبك ونطقها امامك فما ردك او ما شعورك ؟

راح انصدم اكيد بفضل الموت قبل لحظة هاي

السؤال الثاني :اذا بيوم من الايام اكتشفت ان امك تحب اخيك وا اختك اكثر منك فما شعورك؟

اكيد بغار من أختى بس مش ممكن ازعل منهم لأنها أمي وهاي أختى

السؤال الثالت :اذا شعرت بلاختناق وتضايقت كثير وزعلان فما المكان الذي تفضل الذهاب اليه؟

مكان بعيد عن الناس

[اجمل احساس]

بالنسبة للسؤال الأول حبيبتي همم ما في اب بالدنيا بيكره حدا من ولادو بالمرة ولو حكاها بتكون براة قلبو لانو مستحيل اب يكره قطعة منو لو شو ما سوا لانو هاي غريزة الله حطها بالاب


بالنسبة للسؤال التاني كمان برأيي انو الام ولادها كلهم عندها زي بعض بس ممكن انها تفضل واحد على التاني بسبب انو تصرفات هادا احسن من هادا بس الحب نفسو واحد وموزع على الكل بالتساوي


أما السؤال التالت هممممممممممم انا لما ادايق واكون مخنوقة بعيط بصراحة هيك برتاح بس اكون لحالي وقتها وبروح على تختي لانو بحبش حدا يشوفني وقتها ولا اشوف حدا وبعدها بصلي كتير برتاح وبستهدي بالله...


يارب اكون اعطيتك فايدة ولو شوي ، الله يهدي البال حبيبتي

[عاشقة الاطفال]

شكرا لمروركم الطيب ولاجوبتكم الرائعة وشكرا لك حبيبتي اجمل احساس

[عين فلسطين]

بالنسبة للسؤال الاول
كاكيد رح انصدم وما رح اتحرك لين ما اعرف السبب
السؤال التاني:رح اتغنوج لين ما تصير تحبني اكتر
السؤال التالت:ابعد مكان ممكن اصلو واكون لحالي

[دانية الشام]

الجواب الاول :رح ازعل كتير واكيد رح اضل غصة بقلبي لحد ما موت
الجواب التاني : عادي لانو بكل بيت في هيك وضع وانا اول وحده بعاني من هل الوضع يعني دلع اختي الصغرى بالنسبة لالي مو طبيعي
الجواب التالت : كلهم عم يقترحوا البحر يا جماعه اذا البنت ما جنبها بحر وين بتروح لازم البحر يعني
حبيبتي روحي حد من رفقاتك الي بيحبوكي وفشيلهم قلبك وابكي بترتاحي
بتمنى كون فدتك
واعتبريني يا اموره اختك الكبيرة

[sunrise]

السؤال الاول :اذا بيوم من الايام اكتشفت ان والدك لا يحبك ونطقها امامك فما ردك او ما شعورك ؟
مابقدر اتخيل هيك موضوع لانو مستحيل اب مايحب اولاده...

السؤال الثاني :اذا بيوم من الايام اكتشفت ان امك تحب اخيك وا اختك اكثر منك فما شعورك؟
ازا امي بتحب اخي او اختي اكتر مني مارح ازعل كتير لانو بالنهاية هي بتحبنا كلنا بس يمكن في حدا اقرب عقبلها مني وهاد اكيد رح يكون من تصرافتي او تصرفات اخوتي لانو انت الي بتحبب الناس فيك من طريقة تعاملك...

السؤال الثالت :اذا شعرت بلاختناق وتضايقت كثير وزعلان فما المكان الذي تفضل الذهاب اليه؟
غرفتي هي المكان الوحيد الي بحس فيها بالراحة

شكرا عالموضوع

[وردة الخريف]

السؤال الاول :اذا بيوم من الايام اكتشفت ان والدك لا يحبك ونطقها امامك فما ردك او ما شعورك ؟


شعور صعب ويمكن ما بتخيل انو انوضع بهالموقف بس هيك بكون عرفت انهم ما بحبوني فبفضل انو اريحهم مني ومن همي بحل مشاكلي لحالي ما بحكيلهم شي كاني مو موجودة

السؤال الثاني :اذا بيوم من الايام اكتشفت ان امك تحب اخيك وا اختك اكثر منك فما شعورك؟

شعور صعب الله بعين

السؤال الثالت :اذا شعرت بلاختناق وتضايقت كثير وزعلان فما المكان الذي تفضل الذهاب اليه؟

طبعا انو اكون لحالي وما بيهم وين

[الأمل بالله]

السؤال الاول :اذا بيوم من الايام اكتشفت ان والدك لا يحبك ونطقها امامك فما ردك او ما شعورك ؟
بدور ع سبب عدم حبو إلي.. لو كان الغلط مني بتقرب الو وبحاول اخلي يحبني ويفهمني بس ازا كان بكرهني ومستحيل يحبني أكيد بكون في سبب !!!..بس انا راح أنهار وراح أكره الدنيا ازا الواحد اهلو ماحبوه كيف الناس الغريبين
السؤال الثاني :اذا بيوم من الايام اكتشفت ان امك تحب اخيك وا اختك اكثر منك فما شعورك؟
بغار من أخواتي وبزعل كتير بحس انهم احسن مني وفي نقص في مشان هيك بتحبهم اكتر مني
السؤال الثالت :اذا شعرت بلاختناق وتضايقت كثير وزعلان فما المكان الذي تفضل الذهاب اليه؟
أأطلع ع السما واناجي ربنا وبس احس حالي أرتحت أشكره