برأيكم بيستحق انو يكون اب؟؟!

[اجمل احساس]

مرحبا،كيفكم وشو اخباركم
همم حابة احكيلكم شغلة صارت معي من يومين كنت بدي اروح البحر مع اهلي واحنا قاعدين عالشط إلا في صبي صغير بيدور حوالين هالسيارات ومعو كياس كلنكس صغيرة وببيعها المهم هالصبي اجا عنا وبدو يبيعلنا ، صار هالصبي يحكي لأخوي اشتري مني كلنكس امانة لو ما استخدمتو هلأ اكيد حيلزمك بعدين بس همم صراحة منظر هالولد بيقطع القلب المهم اخوي سألو انت بأي صف ؟ حكالو الولد انا بالصف التاني ، حكالو اخوي طيب ليش بتبيع انت محتاج مصاري؟ حكالو لا بس بابا بيضربني لو ما بعتهم كلهم للناس وحكالو اخوي وين اهلك ؟ حكالو الولد هيو بابا قاعد بالسيارة مع صاحبو وشاور على ابوه وطبعا احنا شفنا ابوه قاعد بالسيارة وبياكل بزر ومكسرات مع اصحابو وصوت الاغاني على اعلى اشي وضحك ومسخرة وسايب ابنو يتشحطط ويبيع كلنكس للعالم ، راح اخوي يحكي معو يحكيلو حرام عليك ابنك لساتو صغير على هيك اشياء والله انا الغريب عنو خايف عليه فكيف انت ابوه مش خايف عليه؟؟! بتعرفوا شو رد عليه الافندي؟؟

قال انا بربي ابني على تحمل المسؤولية من هلأ عشان يطلع رجال!!!


شو رأيكم بهالجواب ؟ ما بدي احكي غير حسبي الله ونعم الوكيل بهيك اب...

[ترانيم الشوق]

اول شي شكرا كتير لمواضيعك المميزه

عنجد دايما بكون سعيده وانا عم رد على مواضيعك

وما فيني احكي عن هالاب غير انو

جاهل ورجعي وبدائي لانو لو هيك الانسان بيتعلم يكون على ئد المسئووليه

كان زمانها كنا بشوارع يا بنبيع كلنكس يا علكه هههههههههه

عنجد اب في قمة الغباء

Dema

[دموع الغربة واشواق العودة]

هاد مش اب ..اعوذ بالله والله اشياء وقصص زي هيك بتخلينا نحس حالنا بنعمة كبيرة انو عنا ام واب منيحين
وعلى فكرة هاد ما اسمو تحمل مسؤلية ..ليش اخلي ابني يلف الشوارع علشان يبيع وانا قاعد بتفرج
كيف بيهون عليه يعمل هيك في ابنو ..والله بابا بيحكي ..انا اروح الف الشوارع علشان اجيب اكل ولا انو احد يحكي
علي اب ظالم ..ولا انو ..يحكو عني مش متحمل مسؤلية اولادي ...يعني هالرجال هم مش متحمل مسؤلية هالولد
المسكين علشان يحملو المسؤلية ..كيف قلبوا بيطاوعوا بهيك شغلات مابفهم ..هاد بكرة كيف بدو يحب ابوه
كيف بدو يدرس يتعلم مع اولاد الخلق ..لا حول ولاقوة الا بالله ..ماعلينا احنا غير النصيحة والدعاء يارب استرنا
وشكرررا الك كتير...على هالموضوع الروووووعة

[**بنت الجزائر**]

تسلمي غاليتي على الموضوع بجد يقطع القلب والله فيه اباء بهذا الشكل ولكن الله يهدي الجميع ان شاء الله وحسبنا الله ونعم الوكيل