يمه يا حبيبي بدنا نجوزك ""موضوع للنقاش"

["الزعيم"]

المشاركة الأصلية كتبت بواسطة روان فلسطين هههههههههههههههههههههههه
والله يا زعيم هاي امك فاتت عليك الغرفه وحشرتك بزاويه وكتمت ع نفسك وقال الك يلا يما بدنا نجوزك صبحه بنت عمك المختار ابو حفيظ
وانت يا حسره بتحب هاي البنت ريما المثقفه يلي عندكم بالشغل ومش قادر تحكي لامك لانها بتلبس نظارات وشكلها مش ع كيف امك
وطبعا اهلك هروك بسيناريو املي علينا البيت باولادك وفرجحنا فيهم وخلينا نشوفهم قبل ما الله يوخذ امانته (بعد الشر عنهم ربي يخليلك اياهم )
ومن هالكصص الطرمه ههههههههههههههه

طيب اوكي هلكيته بالنسبه الى كبنوته والله نفس المعاناه بتكون الوحده قاعده بامان الله في هالحفله ولا هالمنتزهوما بتلاقي غير يا غافل الك الله نطت هالحرمه وبلشت تتفحص بعينها ومن الاسئله الي هي كم عمرك يا خالتي
بالله خلصتي دراسه
طب بدك تكملي
وبتجيبش سيره الجيزه وبعدين بتبلش معلقات وموشحات بابنها
انا ابني بجنن مهندس وقمر وبحترم النسوان
واحنا يا خالتي بندلل الكناين غير شكل ومن هالكلام يلي بعل
وبعدين بتنادي ع امك وانتي ما بتسمعي غير هالضحك من اليمين والشمال وبتحاولي تنفذي بجلدك
ههههههههههههههههههههههه
ههههههههههههههههههههههههههه
ترى نحنا بنعاني متلكو ههههههههههههههههههههه

بس والله موضوع حلووووووووووووووو
ميرسي كتير يا زعيم
((لا تنسى تعزمني ع العرس بعد كم يوم بس تقنع امك ولا هي تقنعك ههههههه))

هههههههههههه

والله انتي ابصر شو مالك علي اليوم يا روان خخخخخخخخ

وبعدين شكلك الك قصص من هالنوع ههههههه

المهم الله يعنكم انتو يالبنات ههههه
بس اسمعي انا مش مطول لما اخطب

كمان 20 الف سنة واحتمال يزيدو شوي خخخخخخخخ

راح اعزمك ان شاء الله عالعرس
بس اوعي ما تيجي بأزعل انا ههههههه

مشكورة كتير اتختي عالمرور الكريم واللطيف واللي كلو حكي

تسلمي اختي

["الزعيم"]

المشاركة الأصلية كتبت بواسطة arabian girl حاسه انك بتحكي عن حالك هههههههه
المهم بالنسبة للقرار ازا كانو الاهل بدهم الواحد يتزوج ع كيفهم المفروض تحاول ترضيهم وترضي حالك بنفس الوئت
بس متلا ازا عجبتك بنت وبدك تتزوجها وهمو مو عاجبيتهم حاول تحكي معهم وتفهمهم الشغله من منظورك
يعني بالحوار كل المشاكل بتنحل
يسلمو زعيم ^^

ههههههههههههه

لا ما تخافي ما بأحكي عن حالي

بصراحة بأحكي عن واحد اسمو خالد

انا ما بأعرفو هههههههه

ومشكورة كتير على رأيك الجميل

نورتي اختي اربيان

ربنا يسعدك

["الزعيم"]

المشاركة الأصلية كتبت بواسطة pink rose

هههههههههه

مالكم يا جماعة جوزتوا العريس :p

هههههههههههههه

بمزح معك اخي ^^

عالعموم انا رح احكي رأيي

ازا اي شي بحب بنت او معجب فيها وشايف انه هي الانسب اله

لازم يقنع اهله فيها .. وما بصير يتخلى عنها ازا بحبها ..!

لانه ما رح يقدر يسعد الانسانة التانية اللي اختاروها اله اهله

لانه ما بحبها وبفكر في غيرها ..

وبالاخر كل شي قسمة ونصيب .. الانسان بيعمل اللي عليه

وبحاول يكسب جميع الاطراف معه .. وربنا بيختار الاحسن ان شاء الله

موفقين شباب وصبايا ^^

يسلمو اخي الزعيم عالموضوع .. يعطيك العافية :)

ههههههههههه

قوليلهم بالله عليكي..............

بس بجد وبدون كذب

وبدون مزح

وبدون ما اكون صادق

مشكورة كتير اختي على رايك الجميل

وربنا يكرمك ويسعدك يا رب

شرفتي والله

بس لمنيح منكم

ادعولي اتزوج هههههههههه

[blue-girl]

مممم ..

طيب.. اجت الحجه زركا تحكي ..

و من زماااان ما اجيت اكتب مجلدات هون و جرايد خخخخخخ

هلاء الزواج ئسمه و نصيب ..

و هاد شي عرفينو كلنا ..

بس لو الشب مو ملقي حالو حاليا .. مهيئ للزواج ..

معنويا .. بغض النظر عن الماديه ..

ما يخوض في هل العالم ازا فينا نسمي هيكي ..

الزواج .. شو هوي .

عباره عن استقرار .. لطرفين ..

كتير هلاء بنشوف الطلاق ..

في الساحه .. صار موضه هل يومين ..


و شو السبب ..

انو .. الشب مو متفهم انو هوي بدو يفوت ع حياه جديده ..

غير عن يلي كان عيشها ..

و البنت ذات الشي ..

انا بكلامي رح اركز ع الشب .. لانو الموضوع عن الشب ..

هلاء ..

اول شي لزم يعرفو الشب يلي بدو يتجوز ..

- الزواج مو لعبه

- الزواج الو ابعاد غير يلي هوي شايفها بس

- البنت الاس مو لعبه .. و رح تنتهي .. ولا رح تبقى بنت ناس .. هاي مرتكـ و ام مولادكـ


..

اما من ناحية يلي عم نحكي عنو يما بدنا نجوزكـ ..

فهاي الطرقه التقليده ..

و ازا الشب مو حاطط بنت في بالو ..

يتوكل ع الله .. لانو الام بدور لابنها احسن شي ..

..

اما ازا في بنت حططها في بالكـ .. لا تحاول تاخد غيرها . مو كرمال شي ..

بس لانو انتا لبكرا رح تصير تقارن ..

و غير هيكـ جواتكـ .. تحكي لو اخدت هديك كااان ..

و هلاء في زمنا .. ما بنفع يلي كان ..


..


عارفه .. عارفه ..

تفلسفت كتير ..

و خبصت .. و طلعت عن الموضوع ..

بس انا حكيت رائي ..

و السلام عليكم ..

كنت الحجه زركا هون ..

=)

["الزعيم"]

اما ازا في بنت حططها في بالكـ .. لا تحاول تاخد غيرها . مو كرمال شي ..




شكلك بتحكي عني انتي كمان خخخخخخخخ

اول شي
انتي طلع رايك غير عن الكل
فكرت حالي بأقرأ بمجلد كبير ههههههه

المهم بصراحة رايك حلو مع انك طلعتي عن الموضوع شوي

بس بجد كلامك صحيح مية بالمية

وانامعك في انو الزواج مو لعبة ولازم يكون الواحد قادر عالزواج

المهم

مشكورة كتير اختي الكريمة عالرد الطويل

اصلا تعبتيني وانا بأقرأ بالرد هههههههههه

[Anonymous Gril]

هههههههههههههههه
ههههههههههه
هههههههه
هههه
ههه
ه
أنا يزوجني غصب عني هههههه..

قال يزوجوني قال ..

بالأساس ،،، لو كنت شب يا باشا " الزعيم " ،،، احم احم ..

مش رح أتزوج لو شو صار ما صار . حتى لو أهلي مصممين على إنهم يزوجوني ..

و نفس الشي و أنا بنت ..

بعدين الحمد لله أهلي ما بدهم يغصبوني ع اشي ،، ولا ع بالهم ،،و مش اللي في بالي في بالي ولازم أساويه..

***
و عنجد ناقشنا ناقشنا ... مش تقول للنقاش و ماتناقشش.. ^^

[blue-girl]

ـهههههههههههـ ..

لا لا لا شكلك بجد ما بتعرف الحجه زركا و ردودها ..

عاد انا شيفا طلع قصير معي ..

بس من ناحية انو حاطط بنت في بالكـ ..


..

ليلكـ انا ما بحكي انو ما تسمع كلام امكـ .. بلعكس ..

بس هوي لكل شخص هدف ..

و ازا انتا عارف انو هاي البنت هي مين رح تكون ام لولادكـ .. فتوكل ع الله ..

..

و للمعلوميه امكـ ما بتدورلكـ ع عروس او بدها تجوزكـ الا لانو شايفاكـ ..

جاهز لهشي ..

و بدها تخليلكـ تستقر في حياتكـ ..

و تكمل نص دينكـ ..

لا تلومها عشان بتزن عليكـ .. لانو مو عارفه هي شو براسكـ ..

و ازا بدك ترتاح من الزن ..

احكيلها في واحد بدي ايها .. و خليها تروح تخطبها ..

هيكـ انت و هيي بترتاحو ..

و الله بجيب يلي فيو الخير ..

=)

[دموع الغربة واشواق العودة]

شوف خيو ..شكلك بتعاني من هاي المشكلة ..مش مهم ..المهم ..اذا كانت البنت الي بتحبها خلوقة ومؤدبة وسيبك من الجمال ..
يعني اذا وريتها لأمك وكانت بترفع الراس باهلأخلاق الي عندها ..اكييييد رح تعجب الام وبعدين حاولوا تفهموا الام انو المخلوقة الي رح تنقيها رح تكون شريكة حياتك يعني مش ممكن تقعد مع وحدة تكرها او ماتحس بحب تجهها
لازم يكون بينهم ولو قطرة حب واهتمام علشان يعرفوا يتعايشوا مع بعض ..واذا اصروا الاهل تجويزك اتجوزها وبعد
كم يوم رجعها لبيت اهلها ..وارسلها اوراق الطلاق ..ههههه عم امزح معك ..بس سدئني كل الحلات هاي بنشوفها بالمسلسلات ..وفي النهاية التنين الي بدهم بعض بتجوزوا ...يعني مش عارفة شو احكي لسا عندي كلام كتير
الي رجعة ان شاء الله ..موضوع رووووعه

[اجمل احساس]

همممم موضوع حلو ومين قال انو ما بيصير بهاي الايام انو في هيك امهات بيعملو لا في وفي كتير كمان المهم هلأ ايلي بدي احكيلك اياه يازعيم انو لو انت بتحبها هممم قصدي هالشاب لو بحبها من قلبو وبدو اياها رح يقدر يصبر عشانها ويقنع اهلو فيها والاهل مهما كان ما بدهم غير سعادة ابنهم وهالشاب لو متمسك فيها رح يتحمل عشانها اي اشي ، وبعدين ما في احسن انو الواحد يلاقي تفكير متل تفكيرو وعقلية متل عقليتو وانو يحس من جواة قلبو انها هاي الانسانة ايلي رح تسعدو وتربي ولادو ولو ضيع هالحب من ايدو بكون غلطان كتير لانو صعب يلاقي الواحد حب حقيقي بهاي الايام ، هادا رأيي بتمنى ما اكون تقلت عليك يازعيم

تحياتي

[ابن الخليل]

و الله سواء اخترتها أنا أو أهلي اختروها أهم اشي تكون صاحبة و خلق ويكون تفكيرها و اهتمامتها قريبة لي ,و أما اذا أهلي اختاروا لي واحدة و كانت زي ما بدي ليش لأ, ولكن اذا اختاروا لي واحدة مش صاحبة دين و لا حجاب وحكوا لي اتزوجها راح أرفض