♪..مــــــآيــــك المــنــتــدى مـــع ~ شـهيـــد غ ـزة ~..♪

[ღ حورية فلسطين ღ]

لآخر مرة بحكيلكم ما حدا يشارك والبني آدم بيحكي


وبعدين يعني


اتفضل اسمراني كمل وتردش على حدا

يعني أنا اللي مسموحلي أرد ماسكة حالي وقاعدة مش راضية أرد

اوف

[بقـ..ــايـ..ـا إنسـ..ـانـ]

ما كنت عارف بالشروط اختي حورية ....

سوري اخوي اسمراني..

[ღ حورية فلسطين ღ]

المشاركة الأصلية كتبت بواسطة :: محمد ::

ما كنت عارف بالشروط اختي حورية ....

سوري اخوي اسمراني..

ولووووووو خود راحتك خيو

كنت عم بمثل إني معصبة

[أســ{ــمــرآنــ}ــي]

جيعااااااااااااااان ,, حد يعملي عشااا ,,
أنا ازا بحكي كتير بجوووووووووووع

طيب نكمل المواااقف ,, والموقف التاني الي بفكر أحكيلكم اياه
هو عبااره عن مقلب عملته مع صحاابي ايام الجاامعة ,,

كنت سنة أولى بالجاامعة , وعااايش بعمارة سكنية كل اللي فيها من الطلاب ،
كان معي بالشقة كمان شبين من بلدي ,
وبالشقة الي جنبي 4 شباب من الخليل (( انتبو خلاليله بالمنطقه ))
وكمان في شباب من منطقه جنين , وشباب من منطقه قلقيلية ..
تقريبا بوصل عددنا كلنا 20 طالب مع بعض بنفس العمارة ,
بيوم بعد ما روحنا من الجامعة , ألتقينا كلنا بشقتنا ، كنا نلعب شدة وإنرجل ،،
كان الجو شتا ومطر ، وكتير بااارد , وقسم منا قاعد بلعب شدة والقسم التاني قاعدين بنحكي
وبندردش ،، قطع هالقعدة الرومانسيه صوت موبايلي ، بزعق وبصيح ومفزع الحااره
ويا ريتني ما رديت على هداك الاتصال ، وكان الاتصال من شب صاحبي,
هاد الشب الي اتصل علي مشكلته مشكله ,, وقصته قصة,,
كاان الشب من منطقة جنين , وعقله صغير ،، ودايما عاامل مشااكل مع العالم ,
وأخر مشكله عملها كانت بنفس هاد اليوم الي اتصل علي فيه,
اتصل علي عشان اروح عنده مشاان نقعد مع الناس الي عمل معهم المشكله ونحلها
بدون ما تكبر ,, المهم حكيت للشباب من يروح معي ,, ما حد رضي يطلع ، عشان الجو باارد
آخر شيء ، مسكت كمان شب من ايده وسحبته معي بالقوة ،

طلعنا انا والشب ، ورحنا وحلينا المشكله , وكل شيء انتهى ، وصاار لازم نرجع على شقتنا ,
واحنا راجعين كان المطر غزير جدا ,, والجو بااارد ,, ع الطريق شفت مجموعه من الشباب واقفين عند
سوبرماركت وعم يمزحو مع بعض ,, وأصوااتهم عالية كتير وعاملين ضجة كبيره ,.

أنا لما شفت هيك منظر ,, أتحركت بداخلي كل الأفكار الشريرة ,
وحكيت للشب اللي معي ,, حاان وقت الإنتقاام ,, طبعا هو أطلع فيي
وشفت بعيونه نظراات الهبل ,, لأانو مش فااهم شيء من كلامي ,.

قربت ع الناس اللي عاملين ضجة , وأتصلت على بقية الشباب الي ضلو بالسكن ,,
وحكيتلهم انو إحنا عاملين طووشة , وبدنا منهم فزعة ،، وازا ما جيتو بسرعة , بقتلونا ,,
هلأ مع صوت الضجة الي كانت بالمنطقة ,, الفلم مشى على صحاابي بالسكن ,,

أنا والشب الي معي أخدنا طريق مختصر ,, وروحنا ركااض ع السكن ,
والشباب الي بالسكن طلعو برضو ركااض ع المكان الي حكيتلهم اني عاامل فيه مشكله ,

انا وصلت السكن ، ما لقيت حد منهم ,, كلهم طالعين يفزعولي ,,
وياا حراام طلعو بالمطر والبرد ,, وصلو مكان الطوشة وما لقيو حد ,, أتصلو علي
لقيوني عم أضحك ومبسووووووط ,,
بس ضحكتي ما طولت ,, لأنو لما رجعو للسكن
مسكونا وضلو يضربو فيي وبالشب لصارت اديهم توجعهم من كتر الضرب ,,

للأمانة وااحد من شبااب الخليل ,, لما ضربني بالقشااط الي كان لابسه ,
أتمنيت انو إمي ما ولدتني من كتر الوجع .. وضل مكان الضربة لونه ازرق فتره طويلة ,,


وبعد ما استوعبو المقلب , وخلصو ضرب فينا ,,
صارو يضحكو على حالهم , ويحكو لو اطلعنا معكم من البداية كان احسن
لانو على الحالتين طلعنا بالمطر ,,,

طح انا اخدت اللي فيه النصيب من القتل والضرب,
بس كنت مبسوط لانهم رجعو ع السكن مبلولين من المطر ,, وأنضحك عليهم

وأتعلمت درس بعد هااد المقلب ,, إنو ازا الواحد بده يعمل مقلب
لا يعمله بخليلي ,, عشان ما يصير فيه متل ما صااار فيي

على الهامش ,, بما اني ذكرت سيرة شباب الخليل ,
بدي أحكيلكم شيء ,,
معظم اصحابي بالجامعه هم من منطقة الخليل ,, لأنهم بجد روووعه
ودمهم خفيف وكتير طيبين ,, وشهمين وولاد أصل بس مشكلتهم الوحيده
صعب اقناعهم وراسهم يااابس هههههههههه

[أســ{ــمــرآنــ}ــي]

محمد وحوريه بلا صووت
طيرتوا الافكااار من رااسي هههههههههه


شوفو مين بالموضوع

:: بنت الخليل :: منورة خيتوو دموع الحنين
لسه كنت احكي عنكم طيبين وما في منكم
بجد احلى ناااس هم اهل الخليل

[أســ{ــمــرآنــ}ــي]

مين ده اللي نسيك تعرف لو قلبي بيتكلم كان رد عليك


مين ده اللي نسيك قبل ما نتعاتب طب سلم الله يخليك


واعملك ايه باقول هنسي


ومبنساش ليه هواك لسه


انا عايشه عليه ومش حاسة


ان انا هقدر اعيش غير بيك


لو عدوا سنين قلبي محلفني اني ما اكمل غير وانا وياك


تعرف لو مين قساني عليك مهما هيعمل انا مش هنساك

ترا ترا ترا ترا

بنكمل حكي ,,

[أســ{ــمــرآنــ}ــي]

موقف محرج صااار معي ,,
كنت بمحاضرة لمادة من تخصص ادارة الاعمال ,
كان مدرسة المادة اسمها سوسن ... دمها خفيف ومحاضرتها مهضومة
يعني ما كنت أطنشها كتير ,, وبحضرها دائما ,,

وبمحاضرة منهم , كان الجو كتير شووب , وأنا قرفااان وجيعاان
قااعد ع الكرسي وجسمي بالمحااضرة ,, وعقلي الله بعلم وين أراضيه ،
والمس سوسن عم تشرح وتحكي ، وفجأه سمعتها بتحكي اسمي ,

اطلعت عليها وحكيتلها نعم ، أنا فكرتها سألتني سؤال ,
فحكتلي الست سوسن وهي بتضحك

"
مجاهد ما بدك تشيل نظرك عن البنت اللي قااعده قدامك ,,
إزا عاجبتك لهاي الدرجة , شو رأيك أطلبلك إيدها هلأ بالمحاضره ،

"

أنا أنصدمت , أنصعقت , صااار وجهي أحمر من كتر الخجل ,., أطلعت ع البنت
لقيتها هي كمان وجها أحمر يا حرااام ،
والطلاب بالمحاضرة عم يضحكو ,,

حاولت أتعامل مع الموقف بروح رياضية , وحكيت للمس ، اه انا موافق اطلبيها ,,

ممم البنت الله يستر عليها حلوة , بس والله ما كنت اطلع عليها ،
يمكن نظري بإتجاها , بس مو شايفها , لاني عم افكر بشيء تاني وعقلي برا المحاضره كلها ,,

شو بدكم بكتر الحكي ,, كان الموقف جدا جدا محرج الي ,, اتمنيت الارض تنشق وتبلعني قبل ما
يصير هاد الشيء ،
تبا للمس كيف خطر على بالها تحكيلي هيك , تراعي مشااعر الانسانيه ، منها لله ههههههههههه

وبعد المحاضره بتحكيلي المس سوسن ,, شكلي أحرجتك !! ياااا ربي لأ ما احرجتيني
خلتني أدوووب بملابسي ,, وبالآخر بتحكيلي شكلي أحرجتك .. شو هالعالم هدوول

[أســ{ــمــرآنــ}ــي]

قبل شوي شفت مجموعة صووور ولقيت بينهم بالصدفة هذه الصورة





عرفتوا شو هاااد !!

هاد يا جماعةحماار أبيض


لما شفت الصورة ,, أتذكرت شيء مر علي ,
ع فكره قبل ما ابلش بالموضوع , أنا بخااف من الحماار

طيب نرجع لموضوع الحمار الأبيض ,
القصة وما فيها ,
كنت مروح من رام الله لجنين , ولما مرينا بقرية من قرى محافظه طولكرم
وع جنب الطريق كان ماااشي حمااار لونه أبيض ،
بس مو زي بقية الحمير ,.,
ماشي بهدوء , وشوي شوي ، وحيد , راسه بالأرض ,
وجه مبين عليه الذل والإهانة ,
بجد شو ما احكيلكم انه علامات الذل واضحه عليه ، ما حقدر أوصف منظره ,

شكله قرفاان وطفشااان من كل الحياة ,
هلأ لما شفته حكيت لشفير السيارة يخفف من السرعة , ولما وصل جنبنا بالزبط .,
شغلنا زامور السيارة , وع الفاضي ما رضي يرفع راسه أو يطلع علينا ،

تركناه ومشينا ,, بس بحياتي كلها ما بنسى منظره ,,

[أســ{ــمــرآنــ}ــي]

مساكم الله بكل خير ,,

بدي أحكيلكم عن علاقتي بالنت والمنتديات وكيف وصلت لمنتدى شبااب فلسطين ,,

بلشت علاقتي بالنت من صف عاااشر ,, لكن كانت لبعد ما خلصت التوجيهي , شيء ثانوي بحياتي ,
يعني يا دوب أستعمله ساعة باليوم ,,

أما بعد ما دخلت الجامعة , بلشت استعمله اكتر , وأتعلق فيه أكتر ,
وزاد عدد الساعات الي بقعد فيهم ع النت ,,

مممم
عرفت هاد المنتدى عن طريق العم قوقل ,, كنت ابحث عن مواضيع
فطلع موضوع منهم هوون بالمنتدى , دخلت وعجبني الجو
وردود الاعضااء ,, فسجلت فيه وصرت اشاااارك وهي هلأ متل ما انتو شايفين ,
لسه معكم ,,

قبل ما اسجل بمنتدى شباب فلسطين ,
سجلت بكتير منتديات , بس ما كنت اشاارك
الا بمنتدى وااحد هو " منتديات ابو الرب " ,, وما زلت بشااارك فيه


بصرااحة , الجو الي بهااد المنتدى ما شفته بغير منتدياات ,
لهيك سجلت هوون وضليت قااعدلكم ,,
وانشاء الله اني بضل معكم على طووول ،

[أســ{ــمــرآنــ}ــي]

قبل ما أترك المااايك , بدي أحكي عن بعض الاعضااء ,,

اللي بتذكر اسمه حاكتب عنه ع طووول ,

::~ محمود ~::

أول شيء عملته لما سجلت بالمنتدى , بحثت عن مدير الموقع ,
هيك طبعي

قرأت شوي من ردوده ,
ولفتت نظري الصورة الرمزيه الي كان حااطها ,
أتوقعت يكون شخص جاامد , بس طلع غير هيك
بمزح .. وبوخد وبعطي مع الأعضااء

بعجبني أكتر شيء فيه , طريقة تفكيره , ونظرته للأمور
وكمان كيف بتعامل مع المشاكل الي بتصير بالمنتدى وبين الاعضااء،
لما نحتاجه بنلاقيه ,, كان الي معاه احتكاك بسيط ,
أحتجت حل لمشكلة فنية واجهتني بغير منتدى ,
فكان اول من ساعدني لحلها ,
الله يجزيه كل خير ،
ويخله لأهله وللمنتدى ويحفظه من كل سوء ,,