طريقة بدائية لقياس ضغط الدم

[ماجد المهندس]

طريقة مبتكرة لقياس ضغط الدم بدون أدوات.

مساء الخير على جميع الاعضاء

هاي طريقه ممكن نحسب فيها ضغط الدم اتمنى تعجبكم

الادوات المطلوبة >>>>>>>

طبعا لا يوجد ادوات بس كل المطلوب وجود شخصين الشخص الاول بيعمل الاختبار على الشخص التاني

خلينا نبدأ الشرح:

رح أحاول اشرحها بابسط ما يمكن>>>

اول شي الشخص الاول اللي بدو يعمل الاختبار على الشخص التاني يتفضل ويقعد على الكرسي>>
هون بيجي الشخص التاني بوقف امامه مباشرة (مقابلو يعني بيعطي وجهو) طبعا بيكون واقف بشكل مستقيم ومخلي ايديه على جنبه بشكل مستقيم اليد اليمنى على الجنب الايمن واليد اليسرى على الجنب الايسر (زي الجندي او الشرطي لما يوقف)
يعني هلأ الوضع هيك>>>> الشخص الاول رح يكون قاعد ومرتاح على الكرسي والشخص التاني رح يكون واقف مقابلو مباشرة بشكل مستقيم ( مقابل بعض يعني شايفين بعض) وايديه على جنبو

هلأ الشخص الاول رح يمسك ايدين الشخص التاني اللي واقف ويشدهم الى الداخل (باتجاه جسم الشخص التاني) طبعا يمسكهم من فوق الكفين

الشخص التاني شو رح يعمل؟ رح يشد ايديه لبرة عكس ما بيعمل الطرف الاول بنفس القوه اللي بشد فيها الطرف الاول على ايديه تقريبا وبيضلو هيك لمدة 60 ثانية تقريبا.
طبعا الشخص الاول هو اللي بيكون يحسب الوقت بحكم انو قاعد ومرتاح
بالنسبة للقوة اللي رح يشدو عكس بعض فيها يا ريت قوية شوي>>>>> بس ما تكسرو ايدين بعض
الفكرة بالشد عكس بعض انو نزيد ضغط الدم بالايدين ( ايدين الطرف التاني طبعا)

اعيد باختصار
الشخص الاول بيمسك ايدين الشخص التاني اللي بيكون واقف وبيشدهم لجوه
الشخص التاني بيشد ايديه بعكس الاتجاه اللي بيشد فيو الطرف الاول بقوة متساوية لمدة دقيقة تقريبا.

هلأ أهم شي ركزو معي منيح>>>
بعد ما تخلص الدقيقة, المطلوب من الطرف الاول انو يترك ايدين الطرف التاني>>>>>
والمطلوب من الشخص التاني انو يترك ايديه على راحتهم يعني ما يحاول يحركهم نهائي يتركهم في حالة استرخاء كامل وما يفكر فيهم>>>> مهمه جدا هاي النقطة

بعدها رح نشوف ايدين الطرف التاني بترتفع بشكل تلقائي لا ارادي طبعا شوي شوي بشكل مستقيم من تحت لفوق.
طبعا ممكن يرتفعو شوي بزاوية 45 او زاوية تسعين او حتى اكتر بيعتمد على ضغط الدم للشخص التاني
يعني كل ما ارتفعت اليد كل ما كان الضغط اعلى والعكس صحيح
للعلم هاي الطريقة مش دقيقة وما تاخدو النتائج على انها حقيقية دائما, واللي بدو يحسب ضغطو بشكل دقيق لازم يستخدم جهاز قياس ضغط زئبقي مع سماعة طبيب.

هلأ كل واحد فيكو يجرب يعملها ويشوف شو بيطلع معو وما تنسوا تشوفوا حدا يساعدكم فيها.

بانتظار ردودكم

تحياتي للجميع

[ماجد المهندس]

طبعا للعلم الموضوع ليس منقول

[،،عـيـون الوجـد،،]

بدي اجربها بس كل اللي حواليني نايمين

واحسها صعبه شوي بس ان شاء الله راح اجربها

مشكور ع الموضوع اخي وعلى جهدك الرائع

[أبو يقين]

ما في حدا عندي


أبو يقين

[ابنة الشتات]

طريقة غريب الحقيقة ...

بس ماما تعصب علي بعملها ياها :p

بس سؤال .. ع اي اساس بنيت هالنظرية؟

يعطيك العافية ...

[limar]

ممكن

مشكور اخي

يعطيك العافية

[.. ليآل ~]

معقده شوي

شكرا كتير اخ ماجد

[ماجد المهندس]

المشاركة الأصلية كتبت بواسطة ،،عـيـون الوجـد،، بدي اجربها بس كل اللي حواليني نايمين

واحسها صعبه شوي بس ان شاء الله راح اجربها

مشكور ع الموضوع اخي وعلى جهدك الرائع

شكرا على المشاركة والله الطريقة مش صعبة زي ما بتتخيلي بس جربيها وشوفي والله حتنبسطي

[ماجد المهندس]

المشاركة الأصلية كتبت بواسطة أبو يقين

ما في حدا عندي


أبو يقين

شكرا على المشاركة الا ما تلاقيلك حدا تعملها معو وبعدين بتصير تعملها لحالك

[ماجد المهندس]

المشاركة الأصلية كتبت بواسطة ابنة الشتات

طريقة غريب الحقيقة ...

بس ماما تعصب علي بعملها ياها :p

بس سؤال .. ع اي اساس بنيت هالنظرية؟

يعطيك العافية ...

شكرا على مشاركتك في الموضوع
الطريقة غريبة بس حلوة لما تجربيها

طبعا النظرية مبنية على اساس ضغط الدم في جسم الانسان, فلما نزيد الضغط بالايدين بيصير اختلاف بالضغط عن بقية الجسم, اللي بيصير انو الايدين رح تتحرك لنقطة تتساوى فيها مع الضغط الاصلي تقريبا مع مستوى القلب.
طبعا في اكتر من تحليل للسبب والله اعلم.
شكرا للمشاركة ويا ريت تجربيها عن قريب.