الفقر فلسفه الي حابب يضحك يقرا الموضوع

[دانية الشام]

هاد مرة موظف وقف عند البقالية يلي بيحارتو وأشترى شوية غراض

وعند الدفع طلب من صاحب البقالية أنو يسجلهن عليه بالدين فرفض صاحب

البقالية وقلو ما بتعامل انا إلا بالكاش موني
فقلو الموظف متعجب: بدك كاش ؟؟

قلو صاحب البقالية أي ليش لأ ؟

فجاوبو الموظف :

لأنوالكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

وااالمغارة ما بتفتح إلا لعلي بابا والأربعين حرامي

والأربعين حرامي صارو ملايين

والملايين عم تندفع لضعاف النفوس رشوة

والرشوة صارت حق

والحق يا حسرتي ضاع

والأكل ما عاد منو غذاء

والغذاء مقابل النفط

والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسر أدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو الحيطان

والحيطان صار ألها أدان

وألأدان معبية البلد

وهالبلد صار في أكل هوا

والهوا صار فيي تلوث

والتلوث عشعش بالنفوس،والسجل المدني والقضاء

وللقضاء على القضاء صار بدو قضاء وقدر

والقدر علينا مكتوب

والمكتوب ما في منو هريبة

والهريبة تلتين المرجلة

والمرجلة ما عادت لكل واحد

وكل واحد ألو ساعة

والساعة أتية لا ريب فيها

يوم يأخذ كل ذي حق حقه الذي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت شامية وهلأ صارت روسية شقرا

والشقرا بتهز الأرض

والأرض بتتكلم عربي

والعربي ماحدا بيقدر عليه غير الله

والله اذا منضل على هالحالة لتسحبنا الكلاب

والكلاب أحسن من البني أدم

وأدم علق علقة مصخمة مع حوا

وحوا ما بتعرف غير كلمة بدي

وبدي ألعن أبو هالحالة

بطلت اشتري

[دانية الشام]

بيقولوا الضحك مفيد كتير بيحسن النفسية وبيشد عضلات الوجه
انا حبيت اطرحلكم هل الموضوع بركي منضحك شوي ومننسى الهم
ان شاء الله يعجبكم
اختكم في الله دانية الشام

[εïз ملآكـ εïз]

السلآم عليكم و الرحمهـ

كيفك خيتوو ؟؟ ان شــآآ الله بخير

ههههههههههههههههههههههههههههههههه

و الله فكرت كلآمو ما رح يخــلص

بس معو حق بكل كلمة

يسلمو حبيبتي ع الطرح المهضوم

الك مني ارق تحيهـ

تقبلي مروري

[دانية الشام]

شكرا كتير ملاك على مرورك على موضوعي وبتمنى الكل يقرا ويسمعني تعليق مهضوم زيه وينكم يا شباب وبنات المنتدى

[صدى الحب]

هههههههههههههههه
والله انسجمت وانا اقرأ وكنت حابة يضل مكمل حكي وما يخلص

مرسي كتير ع الوضوع النايس
ما ننحرم يا زوووووووووووووووء

[.. ليآل ~]

ههههههههههههه

يعني ضلو يحكي وبالاخر ما شترى

والله انك عسل يادندونه

ضحكتيني ياروحي

ما ننحرم من خفه دمك

شكرا كتير

[جاآرة الوادي’’]

ههههههههههههههههه حلو كتير
سيلمو حبيبتي دانيه الشام
ما ننحرم يا زوووووووء
سلاموووووووووو

[الحلوة]

هههههههههههه
روعه ضحكتيني من قلبي
يعطيكي العافيه دانه ...

[أســ{ــمــرآنــ}ــي]

::

هههههههههههه

هههههههههههه

يئبرني شو لزيز ..

لو أنا مكان البياع ،، بعطيه الأغراض مجانا ،، عشان يسكت وما يكمل كلامه ..

بجد نااااااااااايس الموضوع ،،

يسلموو اديك خيتو ..

::