اللهجات الفلسطنية المختلفة .فوت مش رح تخسر

[دموع الغربة واشواق العودة]

يااعضاء انا حبيت اعمل هالمشاركة من شان انو كل العالم يعرف انو لفلسطين في لهجات متعددة ....
زي باقي البلدان ...فمسلا اهل القدس الهم لهجة واهل رام الله الهم لهجة ....الخ ....فأنا الناس بيستغربوا اني فلسطنية ...وبيحكو انو كلامي سوري ..وع اونو لهجتي كتير مختلفة عن السوريين ..
فبدي كل واحد منكم يحكيلي هوا من وين ويكتبلي تعليق او جملة بلهجتو وهل الغربة اثرت بلهجتو
علشان احنا الفلسطنية نسير نعرف لهجات بعض ...وكل العالم يعرف لهجاتنا

[هادي]

دموع .. تسلمي حلو موضوعك .. شفت موضوع تاني باللهجة الفلاحية البنات نازلات ( درح) لبعض فيه ..
أنا من الخليل.. ولهجة (الخلايله) أشهر من أن تُعرف ... صعب حد يكتبها
كلها مد حرفي لازم ومع هيك الخليل إلها عدة لهجات بحكم إتساعها الجغرافي
وصعب أكتبلك اللفظ .. لأنو ما بينكتب ( بس بينسمع) ..
كل الإحتلام دموع
أمجد من دولة الخليل

[دموع الغربة واشواق العودة]

شكرا الك اخوي امجد على المرور .....انا بعرف اللهجة الخليلية ............بس كان نفسي اسمعها على المزبوط
بس لو بتحاول تكتب اشي بسيط

[عين فلسطين]

انا بيت لاهيا يعني اللهجة المتداولة
ما فيها شي جديد
واكيد انو الغربة اثرت في لهجتي
لانو هي اكتر شي بنسمعو

[إسراء الفلسطينية]

انا أصلي من "الزيب" قضاء عكا ..

بما اني من لبنان .. بس اللهجة الفلسطينية بعدها من جدودي .. و تنقلت النا .. و اللهجة "الزيباوية" بالزات معروفة بين الفلسطينية هناك ..

و المعروف فيها انو الكلمات بتنمط كتيييييير

بس الجيل الجديد ما بيحكوا هيك !

..

هلا صار في بكلامنا كلمات و لهجات لبنانية ..

يعني حكيي بيقدر يتحول لشوية لبناني مع فلسطيني

..

وطبعا ً أحلى من الكلام الفلسطيني ما في

مشكورة ع الموضوع الحلو حبيبتي

[أبومجاهد]

انا من جباليا ... ^^

طبعا انا من المسمية الكبيرة ..

ولهجتي عامية وطبيعية بحتة ..

طبعا انا بقدر احكي لهجة عامية وبقدر احكي لهجة الجبالية او اللهوانية والغزاوية يلي عنا بس لهجات قلق نكتة ..^^

[صدى الحب]

انا من قرى الخليل (صوريف )
وبصراحة مش عارفة كيف اعبر عن لهجتنا
بس عادي بنحكي زي حكي الفلاحين
بس مش كل الناس عنا بحكوا زي بعض يعني في عنا ناس كتير صاروا يتأثروا بأهل المدينة شوي ويحكوا متلهم
سلامو

[أبو يقين]

أنا من رفح يا جماعة

ولهجتي العامية وأكيد بقدر أحكي لهجات غزاوية حتى بتقنها للهجة السورية

بس يا عمي في بعد لهجتي الأصلية العامية


مشكورة

أبو يقين

[إيمـان]

اماااااااااااا اناااااا من مدينة اسدووووووووووووووووووووووووووووووود

وفيه كل الهجاات مدني ----- فلاحي-------بدوي

[دموع الغربة واشواق العودة]

شكرا الكم كلكم .....بس ليش مابتحاولو تكتبوا ولو مقطع زغير من لهجتكم ..........ومشكورين على المرور
وبصراحة انا استفدت ....وان شاء الله تكونوا استفدتوا