أنفاق غزة : شريان الحياة الى قبور الموت

[Twin]

اليوم كنا طالعين مع خالي ,, الا حكالنا بدي اخدكوو مشوار بعيد شوي ,,


بس الي قلبوو ضعيف ينزل من هلا ..



اخدنا على مكان غريب اول مره بحياتي افكر مجرد تفكير اني اروحووو ..



مكان يعتبر وكر للانفاق في قطاع غزة ,, بالقرب من بوابة صلاح الدين ..



وصورت صور بتشيب للانفاق .. بس للاسف ماعندي وصله حاليا انزلهم )-:







كما يقول المثل :-


" ايش الي بيرميك للمر ,, الا الي امر منه "


حول أهل رفح باطن أرض رفح إلى جحور متشعبة تشعب جحور الفئران, وانتشرت بجانب البنايات ,,


الخيام التي تغطي فتحات الأنفاق ..






وفي واحدة من أقسى الأيام على العاملين في هذه "المهنة" في قطاع غزة؛


لقي العشرات منهم حتفهم تحت أكوام الرمال ، بعد محاولات فاشلة من انقاذهم ..



اكيد جميعكم يعلم ما الذي جبرهم على ذلك ..







إذا ضيقوا عليهم ظاهر الأرض ,,


ليحرموهم الحياة ,, فجعل لهم الله شرايين الفرج في باطن الأرض ,,


تشهد بمعية الله لهم وعظيم المثوبه أن ثبتوا .. لأول مرة تمر علي شعب في التاريخ ..


شعبنا شعب لا يقهر ,,






في خاطري اسئلكم تساؤل ,,,,,


1) ماهو رأيكم بظاهرة الأنفاق في القطاع ؟؟؟


2) ما هو شعوركم عندما تسمعوا بخبر انهيار نفق على ارواح بشرية كل همها توفر متطلبات الحياة ؟؟


3) انا متأكدة انو اليهود بيعرفوا بكل شبر وكل نفق بالقطاع ,, الي مستغرباله ليش ساكتين النا ؟!!


4) وهلا صار مين ما اجى بيحفر نفق وبيضل يتحكم بالاسعار وبالناس ؟!!


ما الحل برأيكم ؟!!


اللهم نصراً قريبا .. اللهم امين



اعداد :

Twin

من قلب الحصار ..

[صدى الحب]

شكرا ع الموضوع
ما ننحرم من جديدك

[ضوء الشمس]

أنا ماراح اجاوب على الأسئلة لأني عايشة في الواقع



وفعلا الأسعار الكل صار يتحكم على كيفوا فيها


أنا راح أطلع على الآراء

[SWEET*GIRL]

اللهـ ينصرنا و يوفقنا

الي رجعه اجاوب عالاسئلهـ

^-^

يسلموو عالصور توين

[haya-jor]

والله موضوع ممتاز انا شخصياً اول مره بعرف انو هيك الأنفاق يعني ما توقعت تكون هيك ما كان بخيالي هيك صوره
فا بشكرك اول شي على هاد الموضوع المميز بجد

تاني شب بالنسبه للأسئله


1) ماهو رأيكم بظاهرة الأنفاق في القطاع ؟؟؟

اشي بحزن ... كل هاد مشان شو ؟ الله يكون معهم


2) ما هو شعوركم عندما تسمعوا بخبر انهيار نفق على ارواح بشرية كل همها توفر متطلبات الحياة ؟؟

طبعاً انا ولا مره سمعت بهيك خبر ابدا ابدا بس لما اتخيل بجد شي بقشعر البدن يعني احنا وووين من كل هادا
الأعلام لاعب دور ممتاز بتغيبنا عن الواقع الي بداخل فلسطين

3) انا متأكدة انو اليهود بيعرفوا بكل شبر وكل نفق بالقطاع ,, الي مستغرباله ليش ساكتين النا ؟!!

امممم ........ سياسه خيتو سياسه وانتوا اهل السياسه اهل عزه ولو يعني كل هاد ومو عارفين لي

4) وهلا صار مين ما اجى بيحفر نفق وبيضل يتحكم بالاسعار وبالناس ؟!!

معلومه جديده والله اكيد هدول من ...... الله عليههم بس


ما الحل برأيكم ؟!!

الحل بدو سنين وسنين وهاد الوضع الو سبب ومعرف مين

[فراشة]

كتير ادايقت عالصور خصوصا الخرفان ,,,,


يالله قديش بيتعبو ياحرام ,,, ليش كل الدنيا بتفوتلها احتياجاتها بدون تعب ,,,


بس بحس انو غلطو لما كتروا بالأنفاق لأن صار آخر همهم هلا المعابر فتحت او لا ,,, بطل الناس تحس انو ناقصها شي ,,, بالتالي مارح يطالبوا كتير بفتح

المعابر التجارية ,,,, بزكر الشتا اللي فات ماكان في أنفاق كتير وسكرت المعابر هيك ,,, الناس انخنقو وغصب عنهم فجروا الحدود ,,,, أما هلا نسيوا المعابر

ونسيوا كل شي !!


وكمان خلو الشباب كتير يلتفتوا لأنهم يشتغلو بحفر الانفاق ويهددوا حياتهم بالخطر ,,,, يعني بدل ما الشب يتعلم ويخلص دراستو صار يترك الجامعة مشان

يحفر ويحصل عالمال .... ويا برجع عالبيت المسا يا الله اعلم شو بصيرلو


الله يهونها توين ,,,, كان نفسي أكون معكوا اليوم بس حظي :(

[Twin]

المشاركة الأصلية كتبت بواسطة صدى الحب

شكرا ع الموضوع
ما ننحرم من جديدك

هلا

[Twin]

المشاركة الأصلية كتبت بواسطة ضوء الشمس

أنا ماراح اجاوب على الأسئلة لأني عايشة في الواقع



وفعلا الأسعار الكل صار يتحكم على كيفوا فيها


أنا راح أطلع على الآراء

بالعكس احنا الي المفروض نوري للعالم الحقائق المخبيه ..


وانو وصل الحال لهدرجه ..


ع راحتك ياعسل .. بتنوري بأي وقت