قضية للنقاش

[A_A]

بسم الله الرحمن الرحيم



السلام عليكم ورحمة الله وبركاته






مساؤكم / صباحكم / ورد ،،، ومحبه ،,,







الكثير من العوائل ترفض


تزويج بناتها


في مرحلة الدراسة فالدراسة أولا ومن

ثم الزواج ..هل وجهة نظرهم صحيحة ؟؟



أم أن الدراسة لا تمثل عائقا لزواج الفتاه حيث أنها تستطيع التوفيق بينهما ؟؟



هل الشهادة الدراسية أكثر ضمانا لمستقبل الفتاه من الزواج ؟؟



هل الزواج في سن مبكرة السبب لحالات الطلاق حيث يكون الزوجان غير مهيئين لتحمل المسؤليه وحل المشاكل ،كذلك انشغال الفتاه في الدراسة قد يلهيها عن واجباتها اتجاه زوجها وبيتها.. فيحدث الانفصال من أول مشكله أو خلاف..؟؟



فما هي وجهة نظركم ؟




قضيه مطروحه لنقاش الواعي ،،

ودومآ نتذكر ان الراي لايفسد للود قضيه،،

بأنتظار نقاشكم الواقعي لهذة القضية التي توجد بكل مجتمع


وردي ومحبتي

[الدكتور امير]

و الله يا صاحبي بيني و بينك انا بشجع البنت تخلص توجيهي

و لو حابة تدرس جامعة مو غلط انا بشجع هيك شغلة

لكن لو صح الها ابن حلال و محترم و مستعد يخليها تكمل دراسة انا بشجع هيك اشيا

[A_A]

شكرا عالمرور
نورت والله
كلامك صح
وانا معك

[ملكة الإحساس]

أنا مع انو البنت تكمل تعليمها ودراستها .. لأنو ما حدا بيعرف شو مخبيلو القدر ..

يمكن تتزوج انسان .. وتكتشف انو واحد غير ياللي شافتو وعرفتو .. يعني نخدعت فيه ..
ساعتها ما ستفادت شي .. لا دراسة ولا زواج .. وما راح تقدر تعتمد ع حالها .. ولو قدر الله وصار لزوجها مرض او حتى موت او شو ما كان .. او تركها وغاب عنها على امل انو يرجع .. ونقطع عنها وعن ولادها ..
ساعتها شو راح تعمل ادا ما كانت متعلمة ودارسة .. كيف بده تمشي حياتها ..
وللأسف هدا ياللي بنسمع فيه بهالايام ..

الدراسة سلاح للمرأة لتواجه فيه الحياة ولتفهمها ولتقدر تتحملها ..

الله يستر على كل بنات المسلمين ...


يسلمو ع الموضوع ..

[haya-jor]

انا بشووف انو ممكن الأهل يكون معهم حق لأنو كتير من البنات ما بعرفو مصلحة نفسهم ياما بنات ركبو راسهم وبطلو من الدراسه وهلأ بندمو لأنو مافي شي بدو للوحده لا اخ ولا اب ولا زوج ولا حبيب ولا غيروو إلا دراستها وشهادتها

مشكور يا خي على هالطرح

[زهرة الياسمين2]

اولا شكرا للبوست
تانيا الدراسة سلاح بايد البنت
لو شو ما صار
وكمان هدا حق من حقوقها
الزواج هيك هيك حتتزوج بس الدراسة مراحل معدودة

[Arabian girl]

..هل وجهة نظرهم صحيحة ؟؟

نعم ^^

أم أن الدراسة لا تمثل عائقا لزواج الفتاه حيث أنها تستطيع التوفيق بينهما ؟؟

مبلا تمثل عائقا

هل الشهادة الدراسية أكثر ضمانا لمستقبل الفتاه من الزواج ؟؟

نعم ^^
يسلم ع الموضوع الحلو ^^

[صدى الحب]

انا بالنسبة الي بفضل البنت تتزوج بعد ما تخلص توجيهي
يعني لو اتزوجت وهي في الجامعة عادي
هاد رأي
مرسي ع الموضوع اختي ما ننحرم

[محمد وليد]

اخوتي
من الخطا بمكان ان نعتبر ان للتعليم مرحلة معينة او سنا معين
او انه يقف الى حد معين بزواج او عمل او ما الى ذلك
فلا بأس من الزواج قبل الحصول على شهادة معينه على ان يستمر المتزوج بالتعليم وهذا يحتاج الى تنظيم وقت

[هادي]

هل الشهادة الدراسية أكثر ضمانا لمستقبل الفتاه من الزواج ؟؟



هل الزواج في سن مبكرة السبب لحالات الطلاق حيث يكون الزوجان غير مهيئين لتحمل المسؤليه وحل المشاكل ،كذلك انشغال الفتاه في الدراسة قد يلهيها عن واجباتها اتجاه زوجها وبيتها.. فيحدث الانفصال من أول مشكله أو خلاف..؟؟



فما هي وجهة نظركم ؟




قضيه مطروحه لنقاش الواعي ،،

ودومآ نتذكر ان الراي لايفسد للود قضيه،،


بأنتظار نقاشكم الواقعي لهذة القضية التي توجد بكل مجتمع[/SIZE]


A-A (عرفتك إنت فيصل القاسم) بتعمل بروڤه للإتجاه المعاكس

( بمزح)
الشهادة مش بس سلاح للفتاة ( كمان صقل لشخصيتها)، وتسيع لفهمها وإدراكها وخاصة في مجتمعنا المغلق.. وأكيد الزواج المبكر ( سبب في الطلاق) إنت جاوبت!!
بس ليه نقارن بين الشهادة والزوج؟؟؟ التنين مهمين.. ( والأهل معهم حق في مسألة إكمال التعليم) .. بإختصار يا ريت نعيش حياتنا صح وقت للطفوله، وقت للمراهقه، وقت للتعليم، ونترك لأنفسنا فترة للنضوج قبل اختيار شريك الحياة، ( كل شي بوقتو حلو)..
يسلمو عالموضوع المهم