لمـــاذا العـــرب متخلفون حضاريا وصناعيا ؟؟ والى متى ؟؟

[السيف عدي]

المشاركة الأصلية كتبت بواسطة d7oomy السلام عليكم ورحمة الله وبركاته

احب اولا اشكرك على هذا الموضوع الرائع والجميل

سبب تخلف العرب عن الصناعة والحضارة

1:زعماء العرب كل واحد خايف على الكرسي

2: الناس عم بتموت وكل واحد قاعد يحتفل في مكان

3: بعد الناس عن دينهم

4:المسجد الاقصى الشريف اول القبلتين وثالث الحرمين اليهود مش مخلين الناس تصلى يوم الجمعة وزعماء العرب نفسي نفسي



ودمتم بووووووووووووودم:


5:

مزبوط .. والله حكيك تمام .. كل هالاسباب وغيرها ساهمو بهالشي ..

تسلمي ع المشاركة .. ما ننحرم من مرورك ..

[السيف عدي]

المشاركة الأصلية كتبت بواسطة مؤيد العرب والمسلمين ...

لإنهم رفضوا أن يكون الإسلام على سدة الحكم ...

فمنذ هدم دولة الخلافة الإسلامية العثمانية عام 1924م غابت شمس الأمة وتشتت وذهب من يهتم لأمر المسلمين ككل ويدفعهم ليكونو على رأس الحضارات ...

فينا عقول وفينا كل المقومات الا المقومات الإيمانية ، لكن لا يوجد حاكم مسلم يرعى وينمي هذه العقول والإمكانيات ...

موضوع رائع سيف عدي ...

يسلمو ....

اهلين مؤيد منور .. والله من هداك الوقت والعرب لورا .. متل ما قلت ..

يسلمو خيو ع المشاركة ..

[السيف عدي]

المشاركة الأصلية كتبت بواسطة وردة الأقصىــآ

العرب متخلفين حضاريا ً وصناعيا ً وعقليا ً وفكريا ً

:)

صحيح خيتو .. ما ننحرم من طلتك ..

[السيف عدي]

المشاركة الأصلية كتبت بواسطة بنت الشام .. طيب طيب .. هلأ كلياتنا هون متفقين انو العرب متخلفين وسببو انو رفضنا انو يكون الاسلام دستورنا ...

حتى الدول الاسلامية بالاسم بس ... لكن بالواقع هي دول عميلة ...

بس ما بتعتقدو اننا اعضاء هالمنتدى عرب ... ونحن جزء من هالتخلف ..

خلي كل واحد فينا يتطلع على حالو ويشوف شو السبب الي بخليه يكون جزء من هالتخلف ...

انا ما بئصد اهانة او اي شي ... وانا كمان لا زم اتطلع على حالي ....

يعني في كتير اعضاء بيئضو بالمنتدى وقت طويل وعلي شي تافه ...

ومن هون نفسي وجه تحية كبيرة لادارة منتدانا وجهودون ..

يعني الي بشوف بلاوي المنتديات التانية ... بجد بيحمد ربو ..

تسلم كتير اخي الكريم على الموضوع ..

واسفة على الاطالة والازعاج

هادي نقطة كتير مهمة .. ويسلمو كتير انك طرحتيها ..

كل شخص مفروض يبدا من نفسو ويعالج نقاط ضعفوا ..

راح تلاقي انو المجتمع انصلح بكاملو .. لانو المجتمع مجموعة من الاشخاص ..

يسلمو كتير ع مشاركتك .. نورينا دايما ..

[السيف عدي]

المشاركة الأصلية كتبت بواسطة ليـــــــــــــال

شكرا ياسيف على الموضوع الحيوي المهم

والله يخليك لا تدايق من كتره كلامي وفلسفتتي ما شي؟؟؟


اول سؤال ليش نحنا متخلفين؟؟

اول شي بحب اقول انو التخلف ولله الحمد شامل كل النواحي الصناعيه والانتاجيه والتعليميه والانسانيه الى اخره


اخي الكريم

مافي حضاره عظيمه في العالم كله بتسقط الا لاختلاف اهتمامات افرادها

يعني مثلا حضاره المسلمين في الاندلس كانت اعظم حضاره اسلاميه شهدها التاريخ الاسلامي لكنها للاسف سقطت بتغير اهتمام الافراد من ركوب الخيل والشعر والرمايه للحب والاغاني والسهرات

يعني الفرد هو اللبنه الاولى والاهم في المجتمع وان كان صالح بيصلح المجتمع كله وان فسد كمان بيفسد المجتمع كله

صحيح نحنا شعوب مقهوره ومكبوته لكن للاسف ما عم نحاول ننهض بانفسنا

يعني بلادنا تدمرت من الاسراف الزايد والرشوات والظلم ونحنا عارفين هالشي لكننا مستمرين فيه

وماعنا استعداد نغير وبننتظر حدا يجي يفوقنا من غفلتنا ويرجعنا لدربنا الصحيح

المفروض ما نحط الحق كله على الحكومات صحيح في قوانين وضعيه والمفروض تتلغي

لكن برضو لازم الاصلاح يبدأ من الفرد وبعدين الاسره وبعدين المجتمع

ولازم كل شخص فينا يعرف دوره في الحياه كويس وما يستسلم وييأس ويتحطم

بالعكس وزي مابيقولوا (( النور لا يخرج الا من رحم الظلام))

وبما انه نحنا عارفين مشكلتنا وعيبنا فنحنا والله اقدر جيل على البدء بالتغير

نحنا يلي قادرين نرجع بلادنا منتجه ومصنعه مش بس مستهلكه ومستورده

وترجع امه حبيبنا محمد في الصداره متل ما كانت

بس بيلزمنا ايمان قوي وعزيمه واراده وان شاء الله ربنا راح يكون معنا


وانا اسفه من قلبي على الاطاله والفلسفه الزايده بس انا هيك بشوف

شكرا ياخيي

يا هلا ليال .. نورتي الموضوع ..

كلامك كتير منطقي .. وواعي .. واتمنى هالشي يصير عن قريب ..

الله يحميكي ..

[هادي]

كلامكوا .. حلو .. بس حبيت أضيف نقطه صغييييييره:
وهي شو يعني تخلف حضاري؟؟ يعني بقصد الحضارة رديفة التمدن!!!!؟؟ أو الحضارة التكنلوجيه ( التقدم العلمي) ..!!!!!!!
بس الحضارة الحقيقية بالمفهوم الصحيح هي الحضارة الفكرية .. الثقافية ( الأخلاقية) .. يعني بمعنى تاني مش ممكن توصف أمريكا كبلد متحضر وهي دون مستوى خط الأخلاق السليمه .. مش خط الفقر .. الحضارة الحقيقية هي الحضارة الفكرية .. والتحضر هو إلتزام الإنسان بالفطرة والصليقة الحسنة .. ( الإسلام هو الحضارة) .. والإبتعاد عن الإسلام هو بعينه التخلف الحضاري ..