شباب فلسطين

محمود · 09-14-2008, 01:22 AM

{

بسم الله الرحمن الرحيم ،،

أحييكم بتحية الإسلام ..

السلام عليكم ورحمـة الله وبركاته ،،

إخوتي الإحباب .. في البداية ..

كتبت كلمة (( المدير في العنوان )) مو تعالي عليكم لا سمح الله ، انتو الخير والبركة كلها ..

لكن الهدف منها انها كلمة إدارية ..

عمــوما ً ، رح أتطرق لبعض النقاط المهمـة المحتاجة شوية توضيح ..

أولا ً : إدارة شباب فلسطين بكل طاقمها موجود لخدمتكم فقط ..

ومش واقفين ضدكم ، المشرفين والإداريين عم بتعبوا مشانكم ..

يمكن بعضكم بتذمر من القرارات الي عم نتخذها ويقول هذه مش عيشة في المنتدى ..

لكن بحب أحكي الكم ..

إنو يمكن المنتدى كان زمان غير ،، كان منتدى فيه شوية مزح وفيه نلعب ونضحك وزيادة عن اللزوم لانا كنا حابين

نفرج عن الأعضاء شوية !!

بس للأسف ، اطورت هالأمور لكثير أمور واتفسرت حسب نفسيات كل عضو على مزاجو ..

لكن المنتدى اليوم غير ، اليوم احنا صار عنا رسالة اسلامية وبنتمسك فيها وما رح نفرط فيها ..

رسالتنا اليوم بعيدة عن أي تيار سياسي .. بتحمل اسم دولتنا وإسم علمنا الطاهر ..

وهالإسم الطاهر ، بجبرنا إنو نكون على أرضية طاهرة ، ونخرج من رحم طاهر لنعبر فيه على وجهات نظرنا ..

فلسطين محتاجة رجال ، محتاج ناس تفلح وتسقي الزرع وتصمم عماير وبيوت ،، بكفينا مزح وبكفينا لعب ..

الجد ببلش ولازم نتفوق بإرادتنا وعزيمتنا ولازم نطور فكرنا .. حتى نقدر نخلق جيل قادر يحل أزمات ..

حضاري بواكب كل حضارة رغم الحصار رغم الجوع والألم ، بعدين عن استنزاف الطاقات في النزوات والفواجع ..

الي بشوفني بكتب ، بقول محمود عم بكذب على حالو هالكلام مستحيل ..

يا أخي حاول ، وكل واحد يبدى فيه نفسو ، بدل من المواضيع والقصص الفاضية في المنتدى ..

أكتب وعبر عن رايك فيد نفسك وفيد غيرك .. حدد اتجاهك ومسار حياتك ..

وبرجع بقول احنا مش ضدكم ،،

ثانيا ً : كثير حكولي انو هالإجراءات الي بنتخذها رح تضر بالمنتدى وتطفش الاعضاء منو ..

لكني بحكي أهون عليا إني أطفش كل الأعضاء و أضلي أسبح لحالي في المنتدى ولا أخت من خواتي

في المنتدى تضرر :) ، الرسالة الي بحاول أوصلكم اياها في هالنقطة بالذات ..

انو اليوم صار عنا كثير منتديات وكلهم متشابهين في المضمون :) دردشات مش مواضيع ..

ما بعتقد أنو اي شب بخاف على أختو بكون مرتاح انها بتشارك هناك ، لأنو الموضوع ممكن يكون دردشة

برسالة خاصة ممكن يوصل ايميل .. وهلم جر ّ ..

لكن الي بشوف هالإجراءات بشباب فلسطين ( بحط ببطنو بطيخة صيفي ) بإنو رح يصون هالأمانه

الي ربنا حمله إياها عن ناس بتحفظ الأمانة ..

وبحب أحكي إني مو خايف على شباب فلسطين / الي ربنا أعطانا اياه في هالمنتدى كثير وأعطانا أكثر من الي بنتمناه

فإن صار ومثل ما بتوصل رسائل ، شوف أعضاء منتداك وين بروحو ( أو عم بنسرقوا لمنتدى ثاني ) أو فيه شخص

من المقربين منك بخونك ،، ما بقدر أحكي شي إلا أنو أعزز ثقتي بنفسي وفي شباب فلسطين ،،

وهاد بدل على شي واحد :) ، انو مناخ شباب فلسطين وبعض الأشخاص ما بتتحمله لأنه مناخ إسلامي ..

والمزح واللعب فيه محدود ،، وإنو فيه بعض الأشخاص الها نظرة خاصة بالمنتديات غير طابع الفائدة ..

وانو المنتدى يكون ( كوبي بيست من شباب فلسطين ) هاد بأكد كلامي ^_^ ،، انو الحكاية ما الها علاقة

بالفايدة بالعكس تواجد هيك ناس كان لأهداف شخصية كمان ،، وانو شباب فلسطين يتقلد هاد بدل على انه تاج الوقار

على كل فرد ، لكن انو ما نال مبتغاه هون بناله في مكان مثيل وشباب فلسطين كل يوم بكبر ..

عموما ً ،،

النظرة للترفيه في وجهة نظر الناس ..

انها دردشة + مزح + انفتاح الجنسين على بعض ...

لكن نظرة شباب فلسطين في الترفيه .

مسابقات + جوائز + معلومات مفيدة + مؤازة الأنفس ..

بكل الأحوال أنا مش رح أعتب على أي شخص ..

شباب فلسطين منتدى إسلامي ملتزم هيك قوانينه وهيك شروطه ،،

والكل هون أنا مسئول عنه ولازم أحافظ على الجميع ، لأني رح أنسأل عن عمل كل شخص فيكم من رب العالمين ..

وهذه مسئولية بتحملها معي كمان كل مشرف ، وكل صاحب مسئولية في هالمكان وكل عضو بشكل شخصي ..

الي بعجبه إني أقره بعيوني وأحافظ عليه أهلا وسهلا فيه ، والي بخاطره شي ثاني الله معاه ..

أما إني أغير أسلوب المنتدى من طابع إسلامي لطابع (( دلع )) مشان خاطر اني إكسب أعضاء ..

ما فكرت فيها من زمان مشان أفكر فيها اليوم وأنا شايف كثير من الأعضاء الي سمعتهم طيبة معي بهيك قرارات

وهما بشكلو الأغلبية ,,

ما بنكر كل انسان بغلط وبما فيهم أنا ، لكن ليش الإنسان يستمر بغلطه !! و أنا متأكد انو الي غلطان

بكون عارف حالو انو عم يساوي الغلط ،، فبلا من المكابرة وبلا ما نضحك على بعض ..

فـ ( الحلال بين والحرام بين ) ..

وبما إنو صارت الإيميلات مجمع للتجمعات بين الشباب والبنات وكل واحد ضايف أخت اله والعكس ..

مشان ما نحمل هالوزر ،،

ممنوع منعا ً باتا ً تبادل الإيميلات وحتى عن طريق الإدارة ..

أول شي لأنو ما بنضمن انو البنت تكون بنت والعكس :)

ثاني شي مشان قصة المسنجر واختلاطه بالشباب ..

احنا بنبري ذمتنا من هيك مسئولية قدام رب العالمين ..

(( وبعتب عليكم يا مشرفين كثير يلي انتو قدوة للأعضاء ، لما تخطو خطاكم بمخالفة ))

والي كان يشتغل من الأعضاء ليوصل منصب مشرف ليستغلو في منافعو الشخصية ،، رح نعرف نتصرف معاه تصرف

يليق بمستوى تفكيره ، والي استخدم منتدى شباب فلسطين ليكون وسيلة يطلع فيها على ظهر الخيل ، يكون بمعلومه انو شباب فلسطين هو الأرض

الي لولاها الخيل ما بمشي ، وبكل الأحوال يلي بساعد إنسان في مخالفة شروط المنتدى وقوانينه وبدعمه يعتبر في صفه ..

--------------------

بكل الأحوال الأعضاء يلي بنتمو لشباب فلسطين انتماء المخلص باتو معروفين ورح نحطهم في مرتبة خاصة تليق

في مكانهم ، أما الي بعتبر شباب فلسطين فقط منتدى ومرور الكرام ومجرد تسلية وتضييع وقت ، حياه الله

المنتدى منتداه , لكن بشروطنا ..

عموما ً وبكل الاحوال ..

بأكد إنو إحنا بخدمة الصغير قبل الكبير ومن أجدد عضو لأقدم عضو ،، وكل انسان بساهم في هالمنتدى

مساهمة شريفة رح نحطو تاج على روسنا ..

والي عندو أي اقتراح بخدم المنتدى ، وأي اقتراح بفيد الأعضاء وأي شئ ترفيهي بحدود الإحترام

احنا بنسمع من الكل ، وفينا نطبق كل فكرة جديدة ..

كلمة اخيرة ..

لكل الاخوة الشباب ،، بنات المنتدى مثل خواتكم فعاملوهم مثل ما بتحبو كل الناس يتعاملو مع خواتكم في بيوتكم ..

وكل شروط المنتدى عبارة عن أمانه في أعناقكم جميعا ً ، والي بتجاوزها يعني خان الأمانه ،،

احترامي للجميع ،، وكل المحبة ..

..

أخوكم / محمود

}

PaLeStiNe FlOwEr معجب بهذا

مجدلاوي فايع · 09-14-2008, 01:29 AM

هلا محمود ... يريت لو تفتح شوي عقسم الشكاوي ... بدي احكي معك في الموضوع اللي هناك

مجدلاوي فايع · 09-14-2008, 01:29 AM

هلا محمود ... يريت لو تفتح شوي عقسم الشكاوي ... بدي احكي معك في الموضوع اللي هناك

القلب الطيب · 09-14-2008, 01:41 AM

بصراحة
بل
بكل صراحة
احيي فيك هذه الشخصية التى نادرا ما نجد مثلها

لذلك

اعاهد الله ثم اعاهدكم أن أصون حرمة المنتدى ما استطعت الى ذلك سبيلا

سواء كنت مشرفا او عضوا عاديا

واذا كنت مقصرا في السابق

فاليوم وابتداءا من الان صفحة جديدة

.:.!دموع الرحيل!.:. · 09-14-2008, 01:42 AM

الله يبارك فيك

هو هذا الكلام الصح ..

والي بعبي الراس

والي بنفتخر فيه

فإن صار ومثل ما بتوصل رسائل ، شوف أعضاء منتداك وين بروحو ( أو عم بنسرقوا لمنتدى ثاني ) أو فيه شخص

من المقربين منك بخونك ،، ما بقدر أحكي شي إلا أنو أعزز ثقتي بنفسي وفي شباب فلسطين ،،

وهاد بدل على شي واحد :) ، انو مناخ شباب فلسطين وبعض الأشخاص ما بتتحمله لأنه مناخ إسلامي ..

والمزح واللعب فيه محدود ،، وإنو فيه بعض الأشخاص الها نظرة خاصة بالمنتديات غير طابع الفائدة ..

وانو المنتدى يكون ( كوبي بيست من شباب فلسطين ) هاد بأكد كلامي ^_^ ،، انو الحكاية ما الها علاقة

بالفايدة بالعكس تواجد هيك ناس كان لأهداف شخصية كمان ،، وانو شباب فلسطين يتقلد هاد بدل على انه تاج الوقار

على كل فرد ، لكن انو ما نال مبتغاه هون بناله في مكان مثيل وشباب فلسطين كل يوم بكبر ..

100%

والحمدلله على نعمة الطريق اللي ارشدنـا ربنـا إلهـا بشباب فلسطين ..

والله يقدرنـا على حمل الأمانه على أكمل وجه ..

الله يبـارك فيك يا محمود

ويعطيك العافيه ويجزيك الخير

محمود معجب بهذا

HaDoOoL · 09-14-2008, 01:52 AM

بس بصراحه ..عجبني كتييييييييييير كلامك خيوو محمود..
ومبسووطه كتييير مابعرف ليش..
ومتل ماقال خييوو القلب الطيب انو الواحد صار ناادر يشوف متل هيك شخصيه بالزمن هااد..
فالله يوفقك ياارب ويحميك لشبابك ان شااء الله..
والله يعطيك الف عاافيه ويجعله في ميزان حسناتك ان شااء الله..

فراشة · 09-14-2008, 01:57 AM

بسم الله الرحمن الرحيم

بتزكر اول موضوع شفتة قبل سنتين وقبل ما اسجل بالمنتدى ,,,

فتت عموضوع هون كان اسمه افيقوا من غفلتكم يا شباب فلسطين ,,,

بعمري ما بتروح عن بالي الكلمات اللي فيه ولا القوانين ولا حتى صوت الموسيقى ,,,

وسجلت فيه ومشيت عأساسو بالمنتدى وحسيت انو هوا هادا المنتدى اللي بقدر ما اخاف عحالي فيه ,,

واشارك فيه وانا متطمنة لدرجة انو اقعد احيانا اسأل والدي شو ارد بهاد الموضوع وشو رأيك هون ,,,

يعني ما بظن انو حكون مرتاحة هيك ولا متطمنة لما تكون المواضيع نصها دردشة وحكي فاضي ,,,

حكيك على عيني وراسي وما بصير ان شاء الله غير اللي بتتمناه ,,,

ولازم كل شخص فينا قبل ما يكون مشرف عقسم يكون مشرف عنفسه والكتابة اللي بتطلع منه ...

اما بالنسبة لاي منتدى تاني غير شباب فلسطين فهو صورة (( ومنتدانا هو الاصل ))
ومستحيل أتخلى عنو ^^

تحياتي الك

ويعطيكوا العافية ادارتنا الطيبة

عبد الصمد الراوي · 09-14-2008, 02:00 AM

سلم تمك يا حج محمود

والله كلامك جواهر انا على العهد الذي قطعته لهذا المنتدى الغالي

اللهم فأشهد اللهم فأشهد

سلمت يداك

الله يبارك فيك ويخلينا ايك ذخر لاسلام

تحياتي ابن العراق

الى ابن فلسطين الابية

والى كل اشترك في هذا المنتدى لخدمته ورضاء ربه

كل الود

بو هبه · 09-14-2008, 02:05 AM

في مكانهم ، أما الي بعتبر شباب فلسطين فقط منتدى ومرور الكرام ومجرد تسلية وتضييع وقت ، حياه الله

المنتدى منتداه , لكن بشروطنا ..

يسلم تمك ع الحكي يا كبير

ويمكن لو حبيت التغير في اسلوب المواضيع واسلوب الترفيه بحدود ... كان اجيتها بالتدريج يا كبير

يعني الاعضاء الي تركوا المنتدى وان شااء الله موفقين ما عجبتهم النقله المفاجئه في سريان الامور بالمنتدى

وانا معك يا كبير ان الموضوع ما في اما و أو ... بس ما بنقول الله يصلح ويهدي

وان شااء الله متعوانين مع هالقرارات مشرفين و اعضاء

ومعك بشو ما قلت .. وانا أولهم وإييدك اليمين اذا حبيت

مية ورده

سلامي

مجدلاوي فايع · 09-14-2008, 02:10 AM

محمود تعال عموضوع الشكاوي ... المنتدى عندي بطئ ... تعال مرة تانية

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء