مستقبل أخوكم في خطر ساااااعدوني الله يخليكم

[أبو البرآء]

انا رايي انو اتكمل الدراسة

واقنعو انو انك هتشتغل بعد توجهي

والله يعينك من طرفنا بندعيلك بالتوفيق

اخوك ابو البراء

[عاشق البندقية]

^^

أخي ما تخاف الدراسة مش هاربة ،،

بتقدر تشتغل هلا شوي وتعين الوالد ،،

بعديها إتفضى للدراسة بساعات قليلة ،،

بتاخدها براحتك :)

كل شي بيسير يا حلو ،،

أنا بعرف أنو الأب ما بيطلب من أبنو يساعدو إلا وقت الضيق الشديد ،،

زي ما قلتلك ,,

أشتغل هلا وأجل دراستك شوي ،،

كل الإحترام يا بطل ،,،,

[أنين]

المشاركة الأصلية كتبت بواسطة عاشق البندقية ^^

أخي ما تخاف الدراسة مش هاربة ،،

بتقدر تشتغل هلا شوي وتعين الوالد ،،

بعديها إتفضى للدراسة بساعات قليلة ،،

بتاخدها براحتك :)

كل شي بيسير يا حلو ،،

أنا بعرف أنو الأب ما بيطلب من أبنو يساعدو إلا وقت الضيق الشديد ،،

زي ما قلتلك ,,

أشتغل هلا وأجل دراستك شوي ،،

كل الإحترام يا بطل ،,،,

وأنا رأي كمان نفس الشي

هلأ ساعد أبوك ., وأشتغل

بعدين ربك بفرجها وبتكمل دراسه ..

وأن شاء الله الله بفرجها

وبتنحل مشكلتك

[عسولة الأقصى]

السلام عليكم ,,

أول شي كل عام و انت بخير بمناسبة حلول رمضان ,,

رمضان كريم علينا و عليك ان شاء الله ,,



بالنسبة لموضوعك ,,

رأيي كالتالي ,,


الدراسة بشكل عام هي مرحلتين ,,

الأولى بتبلش بالأول الابتدائي و بتنتهي بالتوجيهي ,,

و التانية هي الجامعة ,,

و ازا عديت تلات ترباع المشوار و تترك بعدين ,,

كأنك ما عملت اشي ,,

فأنا بصر انو انت لازم تاخد توجيهي ,,

و تفاهم مع أبوك بطريقة أو بأخرى بحيث انك تدرس توجيهي ,,

و هاد ما بيبمنع انك تساعد أبوك ,, يعني كمان ظرفك صعب انك وحيد ع 9 بنات ,,

شوفلك شغل ما تتتزم فيه ,,

يعني كل يوم بعد ما تروح من المدرسة انزل ع السوق و يلي بتلاقييه اشتغلو ,,

كل يوم بيومو ,,, و هيك بتكون ساعدت أبوك ,, و بنفس الوقت درست ,,


و بعد التوجيهي ,, ساعد أبوك كم سنة و بعدين فوت جامعة أو كلية ,,


أنا بنصحك انك ما تترك هلا ,, خلي التوجيهي ضمان معك ,, بحيث انك وقت ما بيناسبك تسجل في الجامعة ,,

و انت فهم أبوك هالشي ,, انو انت رح تدرس توجيهي ,, و بنفس الوقت رح تنزل كل يوم ع السوق و تشوف ربنا بشو بيرزقك ,,

و احكيلو انها سنة وحدة بس رح يكون الحال هيك ,, و انو بعدها رح تلتزم بشغل و تساعدو ,,

أنا هيك رايي ,, بتمنى يكون نفعك ,,

و الله يحسن وضعكو ,,

تحيتي الك ,,

[ღ حورية فلسطين ღ]

الله ييسرلك امورك خيتو

قصدي خيو

دخيل المقالب انا >>

[السيف عدي]

المشاركة الأصلية كتبت بواسطة حورية فلسطين الله ييسرلك امورك خيتو

قصدي خيو

دخيل المقالب انا >>

100 % يا عيني عليكي يا حوريه ..

ههههههههههههه كلهم منمدجين معاه .. بس انا ملاحقو وين ما يروح بهاي ^_*

هاد نسخة جديده من ملطوش بمخو بس بالستايل الرمضاني ههههههههههههههههههه

[أنين]

المشاركة الأصلية كتبت بواسطة السيف عدي 100 % يا عيني عليكي يا حوريه ..

ههههههههههههه كلهم منمدجين معاه .. بس انا ملاحقو وين ما يروح بهاي ^_*

هاد نسخة جديده من ملطوش بمخو بس بالستايل الرمضاني ههههههههههههههههههه

هههههههههههههههههههههههه

أنا التانيه بحكي هيك .,

بس يلا الأخ بدو مساعده

مش لازم نساعده

[روعة الاحساس]

والله انا بشوف انو انك انت الانسان الوحيد اللي ممكن يقرر صح لانك ادرى بوضع اهلك وباين عليك ما شاء الله بتعرف مصلحة نفسك منيح ومش من الشباب الهاملة عشان هيك انا شايفة انك من الناس اللي ممكن تشتغل وتدرس بنفس الوقت وكتير من الناس بتعمل هيك هالايام عشان الظروف المادية الصعبة والخيارين اللي انت بتواجهم انا بشوف انهم بنفس الاهمية لان خيار تكملة دراستك شي مهم جدا ومصيري وخاصة انو مو ضايلك كتير اما بنسبة للجامعة فما تفكر فيها هلا لان كتير ناس بتأجل وبترجع تكمل طالما الهمة موجودة اهم شي توخد شهادة الثانوية وبالنسبة للخيار التاني وهو الشغل فاكيد ابوك ما رح يطلب منك هيك شي الا لانو شايف انو الوضع بيحتاج هالشي


والله يوفقك ويسهل عليـــــــــــــــــــــــــك وان شاء الله بتفرج

[شهيدة الاقصى]

أخوي رمضان كريم لا تزعل و تتضايق

اول شي توكل على الله و ارضى بالحال اللي انت فيه

انا بعرف كتير ناس نفسك

بالبداية حسوها صعبة بس بعدين رضيوا

يعني اسمع كلام ابوك و اشتغل معااه هوه أكيد بحاجتك

و بعد كم سنة بتكون الاحوال أحسن ان شاء الله

و رح تكمل دراستك و تكون راااااضي و فرحان

و لا تنسى انه الله ما بينسى عباااده توكل عليه

و استخير اذا في مجال بين تكمل دراستك او تشتغل و شوف شو بيطلع معك

[رمضان كريم]

بارك الله فيكم جميعا على مساعدتكم

يبدو اني سأواجه مصيري واتفرغ للعمل

كله يهون فدى رضا والدي