.{ لآلئ الـ ج ـنـان .. الجزء السادس من القرآن || بداية مشاريع العطلة الصيفية}.

[.:.!دموع الرحيل!.:.]

كيف حالكن يا أحلى بنــــات ؟!

مبـارك لكل الي خلصوا امتحانـات .. وان شاء الله ربنـا بقر أعينـنـا جميعـا ً بالنجاح ..

هلأ بدأت العطلة الصيفيه ولازم يبدا الشغل على أصوله .. !

بداية رح نبلش ببرنامج تلاوة الجزء الـسـادس من القرآن الكريم ..

بعدين بنحكي .. عن أوائل مشـاريع .. العطلة الصيفيه ..

البرنـامج

13 6 :: 103 || 104

14 6 :: 105 || 106

15 6 :: 107 || 108

16 6 :: 109 || 110

17 6 :: 111 || 112

18 6 :: 113 || 114

19 6 :: 115 || 116

20 6 :: 117 || 118

21 6 :: 119 || 120

22 6 :: 121 || 122

على بركة الله

/ : / : /





بالنسبـة للمشـاريع الصيفيه .. بداية بدي أطلب من ريـحـانة القلب الغالية ..

انه تعمللنـا مشروع تلخيص دروس اسمـاء الله الحسـنى ,, بمواضيع لحـالهـا ..

بقسم الشريعه والحيـــاة .. اتنزلي كل 4 أيام أو أسبوع حسب ما بتلاقي منـاسب

درس .. وبنقرأه .. وممكن كل وحده فيـنـا .. تقول هي شو بتحس مدى تأثير

هالصفة أو هالإسم من أسمـاء الله الحسنى بحيآتهـا .. وكيف بتتجلى إلهـا .

النقطـة التانيـــــة ::

بدنـا ان شاء الله تكون صيفيتنـا فتـرة نغتنمهـا للقرب ولعشق سيدنـا رسول الله

عليه الصلاة والسلام ..

بداية من هالأسبوع .. يعني من بكرا وطالع بدنـا نبدأ بورد الصلاة على الرسول

عليه الصلاة والسـلام .. 15 مرة بعد كل صلاة ..

وهيك بنكون الحاصلة .. ( 75) صلاة في اليوم ..

هاي بداية لمشروع .. وتحضير للقلوب .. للبدء بمشروع .. صيفيه حب الرسول ..

من الأسبوع الجـاي .. كل وحده رح تتكفل .. بكل مرة تهيئ إلنـا سنة من السنن

المهجورة .. تحكيلنـا عنـهـا .. ونحن عليـنـا نطبقـهـا .. والأسبوع الي بعده بعد

ما نكون ثبتنـا على هاي السنـة .. وحده تانيه بتكون هيئت إلنـا سنة تـانية تحكيلنـا

عنهـا لنضيفهـا ونصير نعمل فيـهـا ..

لأنه من علامة صق حب الرسول .. حسن الإقتداء به .. !

وسبحـان الله الإقتداء بالرسول وبالسنن إلهـا طعم تـــاني ..

نسأل الله انه يكرمنـا فيهـا ..

للأسبوع الجـــاي .. بدي أطلب من الفتـــاة المشرقة & الرمش الحـسـاس

يحضروا إلنـا على زوقهم سنـة نلتزم فيـهـا .. ويحكولنـا عنهـا بشكل مقتضب ..

( بتمنى انه الرمش الحساس & الفتاة المشرقة ) يضيفوا بعض عشان يقدروا ينسقوا

سوا ..

الأسبوع الي بعدو .. رح يكون فيه .. بنتين تانيـات يحضروا إلنـا السنة الي بعدهـــا ..

ونهاية كل أسبوع أو جولة .. رح نقول شو تغيير فينـنـا .. أو شو إحسـاسنـا ونحن عنطبق

سنة من سنن النبي عليه الصلاة والسلام ..

ثالثــا ::

"المطــــالعه " أكيــد كتير مننـا عندهـــــا كتـاب أو قصة مفيدة مش قارئيـتـهـا ..

والي ما عندهـا .. أكيد في ببالها كتاب سامعه انه مفيدة وحابة تقرأه ..

كل وحده فيـنــــا .. بتدخل وبتكتب إسمـ الكتــاب الي ناوية تقرؤه بهالعطلة ..

مع تحديد الوقت الي رح تخصصه للمطالعه كل يــــوم ..

والي بتحب تشـاركنـا بمعلومـات عن الكتاب الي قرئته .. بكون حلو كتير .. ^^

هلأ صار عنـا هاي الأمـور .. والي عندهـا فكـرة رجــاء ً ما تبخل عليـنـا بنضيفهـا لمشاريـعنـا الصيفيه

الأفكـار رح إرجع لخصهـا

1 _ طبـعـاً الإستمرار في مشروع تلاوة القرآن الكريم . .

2 _ من يوم غد البدء .. بالـورد اليومي .. 15 مرة صلاة على النبي عليه الصلاة والسلام

بعد كل صلاة .. والحصيلة = 75 مرة في اليوم ..

3 - الرمش الحساس & الفتـاة المشرقة رح يحضروا إلنـا أول سنة من سنن الرسول

عشان نمشي عليـهـا بدءاً من الجولة القادمة بإذن الله ..

4 - ريحـانة القلب رح تصير .. تتنزل إلنـا كل فـترة درس من دروس أسمـاء الله الحسنى ملخصـة

في قسم الشريعه والحيـاة .. ونروح كلنـا نتنـاقش فيـهـا هونيك . !

5 - كل وحده تختـار كتـاب ناوية تقرؤه بالعطلة .. وتقولنـا اسمـه .. وكم الوقت الي رح تخصصه

للمطالعه بكل يوم .. !

والي عندهـا أي أفكـار تانيـة .. تحطهـا إلنـا عشان نحكي فييـهـا بالجولة القدمة ..

وكمـان إلي عندهـا مشاريع خاصة فيـهـا رح تعملهـا بالصيف ،، تحكيلنـا عن أخبـــارهـا

عشـان نعرف كل شي عن بـعض ..

الله يفتح عليـــــنـــــا وعليــــكن .. وآسفة عالإطـــالة ..

لكـن قبل ما أنهـي .. حابة أسأل سؤال لكل فتيـات لآلئ الجنـــــان ..

شو الي تغيير فيـكي .. من وقت ما بديـنـا بمشروع تلاوة القرآن لهـلأ ..

أو شو شعورك .. بعـد ما صرتـي من المثابرين الملازمين على التلاوة ^^ ؟

:: مـــــلاحــظـة ::

بالنسـبة لتوقيع لآلئ الجنـان .. الي نحن حاليـاً حاطينه ..

انا حــــاسه انه عميــــاخد كتير من مسـاحة التوقيـع تـاعـنـا .. أو عالأقل التوقيع شوي معجئ عمبيصير

الي بتحب بس تكتب بتوقيـعـهــا متل هيك بألوان متنــاسقة مع توقيـعـهـا الي حـاطاه ..

:: مجمـوعة لآلئ الجنـــان لفتيـات المنتدى ::

وبس .. والي بتحب تضل حاطه التصميم .. كمـان براحتهـا .. المهم يكون في بتوقيـعنـا كلام موحد ّ بيننـا

يدل على ارتبـاطنـا بالمشروع ..

الله يخليلنـا ياكن يا أحلى بنـات ويجمعنـا دايمـا على رضـاه

والي ما كانوا ملحقين معنـا أو مش مشتركيـن .. مش مشكلة .. ينصموا هلأ ويلحقونـا ..

خليـنـا نغتنم الصيفيه سوا

[إسراء الفلسطينية]

يسعدلي ياها ام الأفكـــآر الحلوة

ربي يجزيكي كل خير على هل مجهود و يبارك فيكي يا رب !

..

لكـن قبل ما أنهـي .. حابة أسأل سؤال لكل فتيـات لآلئ الجنـــــان ..

شو الي تغيير فيـكي .. من وقت ما بديـنـا بمشروع تلاوة القرآن لهـلأ ..

أو شو شعورك .. بعـد ما صرتـي من المثابرين الملازمين على التلاوة ^^ ؟

مممممــ

كل شي صار تغير فيني .. صار للأحسن الحمد لله ..

الصرآحة قبل ما كنت أقرأ قرآن كل كل يوم

كنت أقرأ كل كم يوم .. لإني بحفظ فيه .. فكنت آخد استراحة بين اليوم و التاني

بس هاد البرنامج .. صرت أحسو انو واجب عليي اني أعملو كل يوم

و ان ما عملتو يوم لأي سبب .. بعوضو بيوم تاني .. بس انو يروح مني لا !

و هلا الحمد لله .. صرت أقرأ "الواجب" .. و أحفظ يلي بدي أحفظو بنفس الوقت

الصراحة بحس انو هاد أحلى شي عملناه بالمنتدى

فكرة لآلئ الجنــان !

بيكفي انو جمعت أغلب بنات المنتدى على شي واحد

و مش أي شي ..

اجتمعنا على ذكر الله سبحانه و تعالى .. و اجتمعنا لرضاه علينا و للتقرب اليه !

..

بالنسبة لمشاريعي الصيفية ..

بدي أسافر على لبنان ان شاء الله ..

و ما رح أقدر اتابع معكن الفقرات الجاي للأسف :(

يعني هاي آخر فقرة رح أتابعها معكن

و برجع ان شاء الله كمان شهرين بكمل معكن :)

بس بدي أحاول أد ما فيني ان شاء الله .. اني اتابع معكن و أدخل المنتدى ..

..

و آخر شي بدي أشكر نـانـا .. على هل مجهود و على تعبك الملحوظ !

ان شاء الله كلو بتلاقيه بميزان حسنــــاتك

[.:.!دموع الرحيل!.:.]

بالنسبــة إلـي ... بعد ما خلص إمتحـانـات بآخر الشهر ..

الكتـاب الي ناوية وحابة اقرؤه .. اسمـه

" عالميـة الإسلام .. ومادية العولمة "

وكمـان رح حاول اقرأ من كتـاب " فلسطين التاريخ المصور " للدكتور طارق

سويدان ..

لأنـه صرلو زمـان عنـدي .. وبعدو مش مخلصـتـه ..

يعنـي مطالعتـي .. بين هالكتـابين ان شاء الله ..

ورح خصص بإذن الله ساعه كل يوم للمطــالـعه ..

//

حابة أسأل سؤال لكل فتيـات لآلئ الجنـــــان ..

شو الي تغيير فيـكي .. من وقت ما بديـنـا بمشروع تلاوة القرآن لهـلأ ..

أو شو شعورك .. بعـد ما صرتـي من المثابرين الملازمين على التلاوة ^^ ؟

ممممم بالنسبة لشعوري من وقـت ما بديـنـا بمشروع تلاوة القرآن

بصراحه سعـادة وراحـه لا توصف ولا تعوض

سبحـان الله الواحد بحس انه على صلة دائمـة مع رب العالمين ..

وان رب العالمين .. اختـاره .. لمجالستـه .. وبيشعر بقرب من رب العالمين

وان لازم الواحد يحاول أكتر من قبل يبعد عن الذنوب ..

وبس هيك ..

إذا صار معي شي تـاني عشان الصيفيه ممكن أعمله .. برجع بخبركن ان شاء الله

في براسي سفرة .. حلوة كتير ادعولي تزبط

//

يالا كل وحده تشاركنـا

[بسكوتة]

أفكار روعة روعة

ما شاء الله تبـارك الرحمـن

عن جد الله يبـارك فيكم جميعـا

وإن شاء الله رح ألحقكم بالتلاوة

يا رب

[نسمة بلادي]

ما شاء الله عنك يا نانا

أفكااار ولا أرووووووووووع

تقبل الله منا ومنكم صالح الاعمال

لننطلق ع بركة الله

حابة أسأل سؤال لكل فتيـات لآلئ الجنـــــان ..

شو الي تغيير فيـكي .. من وقت ما بديـنـا بمشروع تلاوة القرآن لهـلأ ..

أو شو شعورك .. بعـد ما صرتـي من المثابرين الملازمين على التلاوة ^^ ؟

فعلا التلاوة غيّرت اشياء كتييرة في حياتي عبت وقت الفراغ اللي

كنت أقضيه ولما ما الحقكم بالتلاوة بصير ضميري يأنبني لحتى أتواصل

معكم كل يوم بمر عليّ ما أقرأ المطلوب أستحي أدخل

المنتدى لاني من متابعين الموضوع وعاهدت نفسي ع الاستمرار.....

بالنسبة لفكرة الكتب والمطالعة بجد هادي الفكرة كانت في بالي

القلوب عند بعضها وانا ان شاء الله رح أختار كتاب من

مكتبة والدي عندو مكتبة قد الاقصى ههههه*.^

بالمناسبة مباارح خلصت قرائة كتاااب كتيير حلوو بعدين

برجع أحكيلكم عنه وفي قصص رووعة رح أحكيلكم قصة من الكتاب

والله يجزاااااكّ الخير حبيبتي ع المشروع المباركـ

ربي يسعدك

[بسمة فرح]

ع بركة الله ,,

الله يوفقنا لما يحب ويرضى ..

حابة أسأل سؤال لكل فتيـات لآلئ الجنـــــان ..

شو الي تغيير فيـكي .. من وقت ما بديـنـا بمشروع تلاوة القرآن لهـلأ ..

أو شو شعورك .. بعـد ما صرتـي من المثابرين الملازمين على التلاوة ^^ ؟

الحمدلله .. هلا بحس انو جزء من حياتي اليوميه ..

وبراحه وطمأنينه الحمدلله .. وهلا تشجعت اني اراجع الأجزاء اللي كنت حافظاهم ..

لانو كنت حافظه تلات اجزاء بس هلا تقريبا شبه ناسياهم :/

ربنا يقدرنا ع فعل الخير ويزيدنا حب فيه وينور قلوبنا بنور الايمان ..

وبالنسبه للمشاريع افكار حلوه والله ..

الله يوفقنا كلنا للخير ..

:)

[.:.!دموع الرحيل!.:.]

تسلمولي يا رب .. ما في منكن ..

الله يفتح عليكن ..

طيب مش ناويين تقرؤوا ؟؟

[إسراء الفلسطينية]

المشاركة الأصلية كتبت بواسطة .:.!دموع الرحيل!.:. تسلمولي يا رب .. ما في منكن ..

الله يفتح عليكن ..

طيب مش ناويين تقرؤوا ؟؟

بدك الصراحة ننوش

انا ما عندي هيك كتب :(

يعني صعب لحتى ألاقي كتب حلوة و مفيدة و من النوع اللي انا بحبو هون ..

بس في عندي كتاب باللغة الدنماركية .. إسمو "الرحيق المختوم"

بيحكي عن النبي محمد عليه الصلاة و السلام

ان شاء الله ناوية أقرأ فيه !

[الرمشـ الحساسـ]

يسلمو حبيبتي نسوووووومة عالقصة بس لسا ما قرأتها والله....



نابلسية نايس كتييييييير الكلمات..يسلمو حبيبتي..



حبيبتي الفتاة المشرقة يسلمو,,,, وصح في أسئلة بناآآآت حضرو حالكممممممم

رح احط الاسئلة بكرا ان شا الله..............

والي بتجاوب اسرع وجواب كامل هي الفايزة........

بدنا نحدد موعد الكل يكون متواجد فيه ونحط الاسئلة اووووووك..؟

تسلمولــــي

[ابنة الشتات]

السلام عليكم ..

كأني جاية متاخرة كتير

مـــــــــــــــــــــــــــــــا شاء الله عنكم...

الله يحفظكم وحميكم ويثبتكم ....

ويديم علينا وعليكم النعمة...


تقديري لمجهودكم الرائع