.::[ دعوة لكل فتاة --> قصّـــة حِجابـــي ،، شاركينا بقصّة حجابـــك ]::.

[إسراء الفلسطينية]

الحمد لله الذي ارسل لنا رسولا كريما وانزل عليه شرعا حكيما وهدانا اليه صراطا مستقيما

عزيزتي ..

ابدأ بمقدمة الشيخ عائض القرني لكتابه " اسعد امرأة في العالم "

فيا حفيدة عائشة وخديجة ومريم ..

أهلا بكِ ... مـصليةً صائمةً قانتة خاشـعة

أهلا بكِ ... متحجبةً محتشمةً وقورةً رزينةً

أهلا بكِ ... مربيةً للأبطال ومصنعًا للـرجال





أما بعد..

ان نعمة الحجاب انعمها الله عز وجل علينا بل وفرضها على كافة المسلمات بقوله تعالى :

( ‏وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ )
التوبة آية 31


{‏يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى ان يعرفن فلا يؤذين‏}. الأحزاب. 59


فإن المؤمنة التقية يجب ان يبدو ايمانها وتقواها في لباسها كما يبدو في اقوالها واعمالها كما ويجب ان يسطع الايمان في كل تصرفاتها واحوالها

لتُعرف انها من اهل القران بتنفيذها لأوامر القران .. فيحترمها المؤمنون ولا يؤذيها الفاسقون .





كما ويذكرنا الحبيب صلى الله عليه وسلم ..

فعن ام مسلمة ان اسماء بنت ابي بكر رضي الله عنها دخلت على الرسول عليه الصلاة والسلام وعليها ثياب رقاق فأعرض عنها وقال : " يا اسماء ان المرأة اذا بلغت المحيض لم يصلح ان يرى منها الى هذا وهذا " واشار الى وجهه وكفته.


//


اختي في الله ..

قد اكون اطلت عليكِ ولكن .. كم متحجبة اليوم لبست الحجاب دون معرفة هذه الايات التي تحثها على لبس الحجاب ..

فجميلٌ ان نكون اكثر وعيا وحكمةً في اجابة كل مستهتر , فاسق , عاصي , يكره الحجاب والاسلام .. لنؤكد بكلام الله عز وجل ان الحجاب زاد المرأة كرامةً وشرفا ورقيًا.


فيا اخواتي في الله ...

ولله الحمد يسرني ان اقول ان معظمن الفتيات بيننا زيّن رؤوسهن بالحجاب واهداهن الله ..

السؤال لكِ...





حدثينا عن قصتك مع الحجاب ؟

متى ارتديتي الحجاب ؟

من الذي ساعد بهدايتك ؟

لكل منا قصة وعبرة ..


//


في انتظاركن

[إسراء الفلسطينية]

طبعاً رح أبدأ بحالي ..

لما لبست الحجاب كان عمري 12 سنة .. كنت بالصف السادس ..

و كنت كتير حابة اني البسو ..

من لما كان عمري حوالي الـ 10 سنين

كنت كل يوم و التاني أقول لأهلي بدي أتحجب ,, بدي أتحجب

و امي تقولي انطريلك شوي .. لساتك صغيرة ..

كنت أنعجب كتير بالبنات يلي لابسين حجاب .. و صرت ألبس ايشارات بالبيت .. و اتفنن فيهن ^^

مرة بالصيف سافرنا على سوريا ,, و من هناك صرت أشتري شالات .. ما خليت شال ما اشتريتو

و امي تقولي لشو كل هاد .. اقولها بدي اتحجب ^^

و الحمد لله لما رجعنا من السفر .. و لما اجى رمضان .. اتحجبت بأول يوم من رمضان ..

أهلي صاروا يفّهموني عن الحجاب .. و يحكولي انو الله فرضو على كل مسلمة .. و من هل كلام ..

الحمد لله مبسوطة فيه كتير .. مع انو كتير من المدرسة اتفاجأوا اني اتحجبت ..

بس بعدين اتعودوا عليي بالحجاب ^^

كان يوم حلو كتير .. لهلأ ما بنساه

و لهلأ الحمد لله لابسة الحجاب و ملتزمة فيه :)

[الفتاة المشرقة]

مشكوره اختي على الموضوع الطيب

الحجاب فعلا نعمه انعمه الله علينا ويجب ان نقدر هذه النعمه ونلتزم فيها

اما قصده حجابي

اتحجبت في الصف السابع اول اشي كنت البس الحجاب في الصف السادس يعني يوم هيك ويوم هيك

ولكن في الصف السابع التزمت فيه والحمد لله

وكان لبسي للحجاب لانو العائله كثير محافظه على الدين وبتحثنا على الالتزام

وكذلك تشجيع من المعلمات في المدرسه كانت في معلمه اخر كل حصه تحكيلنا عن الحجاب وتوزع علينا منشورات

ومجلات اسلاميه والحمد لله انا الان متحجبه وملتزمه

[ابنة الشتات]

أنا اتحجبت اول يوم دراسي بصف الاول اعدادي(السابع)

يعني من قلبلها فكرت الحجاب كنت حاطيتها براسي
بس مو 100%
وحتى كنت شارية شال ع لون مريول الاعدادي
بني(م1)

وبس قبل المدرسة بحكي لماما شو رايك؟
بتحكي

ابدئي عام دراسي جديد بطاعة الله ^_^

والحمد لله اتحجبنا و التزمنا
هلا ملتزمة بالعباي كمان من شي سنة تقريبا


تسلمي اسراء ع الموضوع فكرة ولا اروع

[إسراء الفلسطينية]

الفتاة المشرقة

الله يبارك فيكي .. و يثبتنا جميعاً

شكرا على مشاركتك الحلوة ..

نــورتي حبيبتي

[نابلسية كححح]

فعلا الحمد لله على نعمة الحجاب ..

اول شي انا لبستوو بالصف الخامس بس ما كان رسمي .. يعني بتذكر لما كنا نلعب رياضة ويجي موجه (( رجال )) ويحضر الحصه اكون شالحه الشاله .. طفله .. بريئة .. يا حررام

و لبستو عالمزبووووووووووط بالصف الساادس ..

الحمد لله مبسوطه فيه ..وكانو اهلي دايما يحببوني فيه ..

يسلمووووو خيتوو ع الموضوووع الحلو واللي بشجع كل بنت انها تلبسوو

[إسراء الفلسطينية]

ابنة الشتات

الف الحمد لله ..

والله الحجاب تاج لكل فتاة

مشكورة على مشاركتك الحلوة ..

نــورتي يا غالية :)

[إسراء الفلسطينية]

نابلسية كححح

أكيد لازم كل وحدة تكون مبسوطة بحجابها !

بيكفي رضى رب العالمين ..

أسعدني مرورك الحلو حبيبتي نابلسية

نــورتي ^ــ*

[الاماني الفلسطنية]

يا عيني على الافكار الحلوة ^.^


الله يعطيكي العافية اسووو .. عن جد حلوة فكرتو موضوعك


وانا هلا رح احكي عن حالي .. هاد اول شي يا ستي


لما صرت بالصف السادس .. بلشت ماما تجيبلي اواعي مستورة شوي


يعني كانو اواعية ما بينفعلهم حجاب بالمرة


وبالاجازة صارت تجيبلي شيلات هيك بس منظر .. انو موديلهم مخرمين او شفافين .. هاد بالاول ..


كنت مرات البسهم ومرات لا .. ع حسب المزاج ..


وبعدين كانو خواتي توين وفراشة دايما يشجعونو ويحكولي كلها كم من اسبوع ورح تبطلي بالمرة تستغني عنو .. ورح تحبيه .. اسمعي منا ..

ومن هل حكي ... وكانت فراشتي دايما ابل ما نطلع تعد تعدلي الشيلة


وانا عاد بما انو الزغيرة بين خواتي .. ما كانو ماما وبابا دائين عليه كتير .. يعني سايبيني ع راحتي ..


والحمد لله اتحجبت مزبوووط بأول صف سابع


ممممم والحمد لله مبسوطة هيك .. وما بعرف كيف البنات اللي مو متحجبين مرتاحين هيك !!!


الله يصلح حالهم وحالنا


يسلمووو احلى سروئة


الله ما يحرمنا منك حبيبتي

[إسراء الفلسطينية]

الأماني الفلسطينية

حبيبتي والله .. عيونك الحلوين ..

على فكرة .. قصتك بتشبه قصتي نوعا ماه ^^

..

مشكورة كتير على مشاركتك الحلوة ..

ما انحرم منك يا قمر :)