إعـــلان: رحلة مع منتديات شباب فلسطين <<خاص بالصبايا>>

[صاحبة القلم الحزين]

بسم الله الرحمن الرحيم




كيفكم صبايا؟؟ ان شاء الله كل شي تمام



(( الشباب بتئدروا تروْحوا يعني فرجوني عرض كتافكم من الموضوع ))



المهم يا صبايا



الموضوع مبين من عنوانه



رحلة مع منتديات شباب فلسطين



وأخيييييييييراً



راح يلتم الشمل إن شاء الله و نتعرف على بعض على أرض الواقع



من بعد ما صارلنا عمر بهالمنتدى بنعرف بعض بالمواضيع و الردود



و من هون أجت فكرة الرحلة



بس للأسف



رحلتنا مش راح يقدر يشارك فيها عدد كبير منكم



و السبب هو مكان هالرحلة



المعظم ما بقدر يوصل إله



بس برضو هالشي ما قلل من عزيمتنا



و قررنا نحط هالإعلان هون



لنشوف مين بقدر يشارك معنا



الرحلة على أطهر أرض و أروع مكان



على " المسجد الأقصى المبارك و مدينة القدس القديمة "



بعرف أنه كلكم بتتمنوا تيجو و تشاركو معنا



و نصلي سوا بالمسجد الأقصى



بس معلش ،،، هاليوم جاي بإذان الله



و راح نصلي كلنا بالمسجد الأقصى و ببلدنا هون بفلسطين و بالقدس بالتحديد



هذا وعد من ربنا



عشان هيك اللي ما بتقدر توصل لفلسطين و القدس



بقلها ما تحزني و لا تزعلي



احنا بنستناكي هون بقلب القدس



و إن شاء الله راح انصورلكم الرحلة و انزل الصور هون بالمنتدى



فترقبوا ترقبوا



ان شاء الله



والصبايا اللي بيقدروا و حابين يشاركو معنا



يا ريت يحكولي هون بالموضوع



عشان أنا أوصل الهم بطريقتي الخاصة و أقلهم على زمان و مكان الالتقاء







و بس ^^



~~ ملاحظة لمشرفات القسم : معي إذن من الإدارة أنزل الموضوع بالقسم العام و ركن النواعم، و يا ريت تثبتوا الموضوع اذا ما فيها غلبة يعني بس ليومين و شكرا

[الحان الحرية]

طبعاً ما راح اقدر اجي :(

بس مش مشكلة الله يجمعنا يا رب :)

تتهنو يا احلى صبايا :)

[روان فلسطين]

وااااااااااااااااااااااااااااء
حراااااااااااااام عليكم انا نفسي اجي ع حدود فلسطين وانتو برحلات للمسجد الاقصى نيالكم يا رب تتيسر اموركم وتلتقو وتنبسطو لا تنسو اخوانكم من الدعاء وانا الاغسبوع الجاي رايحه على الحرمين المكي والمدني ان شاء الله

سلاااااااااااااااام تتهنو يا امورات

[روان فلسطين]

تتهنو رديت بالعام يلا يا بنات يلي بتقدر تروح لا تفوت عليها الفرصه

[بنت بيت المقدس]

ولا يهمك حبيتبي وانا والغالية نسمة بلادي جاهزات ومحضرات حالنا

من سنة للرحلة *(وكل يوم مشتغلة ع التلفون الاخت نسوم بتحكي معي

وبتقلي تعالي بدنا نجهز شو بدنا ناخد شو بدنا نلبس وشو بدنا نعمل وابصر شو )*

ورح يكون الفرح مضاعف والله بشوفتكم واللقاء فيكم

وان شاء الله بيجي اليوم اللي منجتمع فيه كلنا بيوم تحرير الاقصى والوطن تحت نور شمس الحرية


بوركت غاليتي نراك بإذن الله .. بس ياريت لو تأكدي انها *(يوم الثلاثاء)* 3/6/2008 بالتأكيد ان شاء الله ..

اختك

[*ريحانة القلب*]

بجااكروو فييي وااااااااع


بدي اجي معكمممممم

ما بديييييييييييييييييييييييييييي




ان شاء الله تتهنوا وتنبسطو

واحنا بانتظار الصور ع احر من الجمر


وبدي منكم شي تاني

من كل وحدة دعوة وهي ساجدة في المسجد الاقصى

والدعوة انو يكون الفردوس الاعلى مصيري ومصيركم .. ياارب ..

وانو الله يرزقنا صلاة بالاقصى





ربي يسعدكم وييسرلكم اياها ,, : )


رهيبة صاحبة القلم .. فكرة مميزة .. ^_*



بالتوفيق ان شاء الله

[ضوء الشمس]

فكرة حلوة


يلنيالكم


أنا ماراح أقدر آجي

[بنت بيت المقدس]

بوعدك من عيوني يا ريحانتي ادعيلك واكتر مما طلبتي ..

وان شاء الله غاليتي بنصلي مع بعض فيه قريباً

[NIGHT QUEEN]

يااااااااااااااااااااي رحلة على المسجد الاقصى

يااااااااااااااااااااا بخت اللي بيشوفوه ويا بخت اللي راحو عليه

للأسف انا مسجونة بغزة

ما راح اقدر اكون معكم

بس والله اتمنيت ازوره واشوفه وان شاء الله عن قريب

المهم بنستنى التقارير عن هالرحلة

موفقين يا رب

^_^

[ameera]

واااااااااااااااااااااااااااااااااا اااااااااء

مابقدر انا يغزة نيالكم والله بتقدروا توصلوا للاقصى وتصلوا في

نيالكم // تمنيت كون معكم ياحسرة

بالتوفيق عشان نتفرج ع الصور كمان *_^