سؤال للنقاش...لماذا تفكر الفتاة في جمال الشاب قبل اي شيء؟....

[abde4ever]

باسم الله الرحمان الرحيم اول كلامي سلام... لماذا تفكير الفتاة منضب في جمال الشاب؟... من الطبيعي أن يحرص الشاب أن تكون الفتاة التي يتقدم لخطبتها على قدر كبير من الجمال ولكن ...... الغريب خصوصاً في السنوات الأخيرة حرص الفتاة أن يكون خطيبها يملك من الوسامة الشيء الكثير... بغض النظر عن رجولته وشهامته لدرجة أن بعض الفتيات يخترن شاباً وسيماً لايملك من مقومات...الرجولة شيء ويفضلنه ...... وبالنهايه السؤال هو... لماذا اصبح تفكير بناتنا عقيم ،،، وليس كلهم ؟؟؟؟؟ عبدوو...

[هنا]

واللة خية اول ايشي زي ما انت حكيت مش الكل
والبنت الي بتفكر في الشاب الحلوة وما عندو رجولة
هي بنت تافهة
في رائي انا شاب مش حلوة متدين بيسو مليون شاب حلوة ما عندو رجولة

[نور الهدى]

يا ابني والله عقول بنات هاليومين" الله يستثنينا منهم" عقول جوفاء

غزتها الافكار الغربية ... و ما خلت فيها ذرة عقل ... الله المستعان

لكن البنات المتدينات ما بفكروا بهالطريقة ... و الحمد لله في منهن كتير

شكرا على الموضوع

[نهال]

انا ما اعتقد انه اغلبية البنات هيك
يعني هدول اللي انت بتحكي عنهم نادرين
وبعدين الوسامة مش حاجة وحشة لكن الوحش انه يكون من غير رجولة
وطبعا لازم نختار الاول الدين وبعدين الشكل وشكرا اخي على الموضوع

[قسامي غزة]

في مثل شعبي قديم كنت بسمعه
الراجل ما يعيبه غير جيبته
شو رايكم بهاد المثل
هل هوا صحيح

[ابنة الشتات]

المشاركة الأصلية كتبت بواسطة قسامي غزة في مثل شعبي قديم كنت بسمعه
الراجل ما يعيبه غير جيبته
شو رايكم بهاد المثل
هل هوا صحيح

اخي الكريم قسامي غزة .........

هاد المثل أكيد متن أمثالنا الشعبيه وأنا بفتخر فيه
مع يقيني التام انه خاطئ

ما يعيبه إلا جيبه

يعني أن يكون الشاب غني

فماذا لو كان غني وبخيل
ما الفائدة من غناه إذا!!

أخي الأخلاق أولاً

[قسامي غزة]

المشاركة الأصلية كتبت بواسطة ابنة الشتات اخي الكريم قسامي غزة .........

هاد المثل أكيد متن أمثالنا الشعبيه وأنا بفتخر فيه
مع يقيني التام انه خاطئ

ما يعيبه إلا جيبه

يعني أن يكون الشاب غني

فماذا لو كان غني وبخيل
ما الفائدة من غناه إذا!!

أخي الأخلاق أولاً

اختي الكريمة
صادقة انتي بكلامك
بس الله اعلم معني المثل انوا الشب ما يتعيب مثلا علي الشكل
يعني اذا معاه فلوس خلاص منيح يكون
بس لو كان بخيل هاي مشكلة تانية
تحياتي

[ابنة الشتات]

المشاركة الأصلية كتبت بواسطة قسامي غزة اختي الكريمة
صادقة انتي بكلامك
بس الله اعلم معني المثل انوا الشب ما يتعيب مثلا علي الشكل
يعني اذا معاه فلوس خلاص منيح يكون
بس لو كان بخيل هاي مشكلة تانية
تحياتي

أخي

هلأ هم بيحكو المثل غالباً لما البنت ما يعجبهاش الشكل....

بس احنا ما النا شو الناس بتفهم المثل النا المثل شو بيحكي

((الشب ما يعيبه إلا جيبه))

إلا أداة إستثناء...

يعني كل شي ما بعيبه إلا كونه فقير!!
هاد غلط

برجع بحيك الأخلاق اولا....

[اسيرة النجوم]

المشاركة الأصلية كتبت بواسطة قسامي غزة في مثل شعبي قديم كنت بسمعه
الراجل ما يعيبه غير جيبته
شو رايكم بهاد المثل
هل هوا صحيح

هاي متل شعبي متداول
وكانو الراجل كا عندو غير الجيب اللي بيتعيب
لا لازم نفكر رفي الاخلاق عامله ازاي
لازم نفكر في الشخصيه عامله ازاي
يعني الرسول صلى الله عليه وسلم كان بيقول
ادا جاءكم من ترضون دينه وخلقه...
ولكن الان اصبحفي مفهوم الناس ان جاءكم من ترضون ديناره ودولاره
الدين اهم شي والعلم كمان ما ننساه
انا لا انكر انو مش لازم يكون في تكافؤ اقتصادي مشان ما يحصل مشاكل بعدين سببها عدم الصبر
لكن بردو الدين والاخلاق اهم شي
الفلوس راح تملهم بسرعه
بس بيضل الدين ا
مشكور اخ يالقسامي على السؤال وبتمنى اكون ديتلك عليه

[لولو اليبناوية]

المشاركة الأصلية كتبت بواسطة قسامي غزة في مثل شعبي قديم كنت بسمعه
الراجل ما يعيبه غير جيبته
شو رايكم بهاد المثل
هل هوا صحيح

لأ طبعا مش صحيح يمه
هاد صحيح بوجهة نظر البنات السطحيات يا قسامي...
بعدين الفلوس بتروح وتيجي..
لكن العقل والخلق المتربي عليه...عمرها ما بتروح ولا بيتجي...:icon31: