دونات رائع ومجرب!!!

[شعاع القمر]

السلام عليكم

هاد أول موضوع الي بكل المنتدى وإن شاء الله يا رب يعجبكم
نظراًَ لحبي الشدييييييييييييييييييييييييييييييد للحلويات دائماًَ بحاول أجرب اللي بقدر عليه ومن خلال تجاربي جربت
طريقة لعمل الدونات وطلع روعة وحبيت أشارككم الطريقة

أولاًَ: المقادير

2 كوب حليب مغلي
نص كوب زبدة (ثلاث ملاعق كبيرة)
تلتين كوب سكر
رشة ملح
4 بيضات
7 كاسات طحين
ملعقة كبيرة خميرة


ثانياًَ: الطريقة

أول شي بنغلي الحليب وبنذوب فيه الزبدة وبنضيف عليه السكر ورشة الملح وبنحركه لحد ما يذوب ونتركه شوي يبرد.....بعد ما يبرد الخليط بنضيف البيض والخميرة (طبعاًَ بعد ما نذوبها بالماء الفاتر) وثلاث كاسات طحين وبنحرك لحد ما يتماسك وبعدين بنكمل الأربع كاسات طحين وبنعجن (العجينة رح تكون لزجة شوي وبتلزق) وبنخليه يخمر ساعة تقريباًَ.
لما نبدأ العمل بنفرد أول شي طحين حتى ما يلزق العجين..بنرقه وبنقطع بكاسة أو شي فتحته مدورة ومناسبة لحجم الدونت
لا نخلص التقطيع وتنتهي كمية العجين بنبدأ القلي بزيت غزير وحامي نوعاًَ ما (وسط)
اذا حابة تزيني إما بتغطي الدونات بالسكر الناعم أو ممكن نغطيه بسوس (صلصة) الشوكولاته
وصحة وعافية

***الصورة موجودة بالصفحة التانية***

[شعاع القمر]

ليش هيك يعني؟؟ خمس مشاهدات ولا رد؟؟؟؟ الله يسامحكم

[هلــون]

يمكن ما بحبو الدونات .. ما تزعلي


انا بحبو وبحكيلك يسلمو هالايدين يا رب ^^

[مغرمة فلسطين]

شكلو طيب
يسلموو هالايدين يا قمر

[memo903]

ولا تزعلي يا شعاع القمر انا برد بدالهم ..يسلمو الأيدين.. وميرسي كتير عالهمشاركة ومابتقصري

[شعاع القمر]

يسلمو ايديكم والله كتييييييييييييييييير فرحتوني بهالردود وشجعتوني أشارك أكتر وأكتر

[بنت الرملة]

ليه مافي صور؟؟

ليه ؟

ليه ؟

ليه؟

بمزح إصحك تخافي :)

روعـــــــــــــة مشكـــــــــــــورة خيتي ...

[شعاع القمر]

إن شاء الله بس أعمله كمان مرة غير أصوره وأحط الصورة وغير أزينه لعيونكم يا أحلى بنات

[نونو الحلوة]

hmhmhmhmhmhmhmhmhmhmhmhmhmhmhmhm
i think its very nice tasting
thank u sho3a3 alqamar

[شعاع القمر]

شكراًَ على ردك نونو الحلوة