غزل شامي .. طبعا انا مو فاهة اشي

[سنا القمر]

غــزل شـامــي

بحبك حب الشباك للبرداية
بحبك حب الأرنبيط للكوساية
بحبك حب الشلمونة للكولاية !
لك بحبك حب الطشت للكبجاية
يا ريت تكوني شخبرة... وكون أنا المحاية...!
يا ريت تكوني بريات... وكون أنا البراية...
يا ريت ما تحطيلي زء... لما كون أنا جاية...
بحب ضحكتك يللي متل صوت المعزاية
بحبك حب الدؤونية لللهاية
بحبك حب المألمة للشنتاية
يا ريت تكوني عوجا وكون أنا العرباية
يا ريت تكوني طربيزة... وكون أنا كنباية
يا مدلوئة حياتي وشعيبيات عمري ووربات بئشطة روحي ... يا أحلى زبدية محلاية
بحبك حب الريموت للتلفزيون
بحبك حب درفة الباب للمندلون
بحبك حب بنت اختي الفصعونة لسبيس تون
بحبك حب أبو السوم للطابة
بحبك إذا كنتي متنحة أو حبابة
بحبك حتى لو كان صوتك متل موتورالدبابة...
سمعيني شوي لحتى احكيلك الأصة
يا ريت تكوني حنفية مي عم تشرشر ... وأنا بعصها
نشالله ما
يبلا هلطول ... متل عرئ الفصة
لك يا ريت تكون معي هيكة كمشة بزر وأعطيكي نصا
بحبك حب منير الجبان لكلمة صباح الخير
بحبك حب جهاد سعد لبرنامج خبرني يا طير
لك بتسدئي ؟؟
بحبك حب جورج بوش لتوني بلير
!! .... شه........!
بحبك حب الآرمة للعامود
بحبك حب الزلائط للمعؤوود
بحبك حب السعادين للقرود
* ... بحبك إذا كنتي ساكتة أو عم تحاكينا...
* بحبك حب ابن اختي الفصعون لبوظة كارينا
* ... بحبك حب البردآن .. للكرمنتينا
* ! ... حاجة بأة
* ... جننتينا
* !!

[أبو نضارة]

ههههههههههههههههههههههههههههه
حلوة عالأخير يسلموا إديكي
بس إيش يعني كبجاية و الدؤونية و الآرمة و الزلائط للمعؤوود
يللي بيعرف معانيهم يخبرنا وشكرا

[صرخة أنثى]

هههههههههههههههههههههه يسلمو ياعسولة

[العيون السود]

يسلمووووووووووو
كتييييييير حلوين

[أحلى مايا]

هههههههههههههههههههههه يسلمو كتير الك
الدؤونية يعني المريلة تعت الولد الصغير بحطها لما ياكل عشان مايوسخ حالو
الآرمة يعني لافتت المحل الي بيكتبو عليها اسم المحل
الكبجاية المغرفة تعت الاكل (المعلقة الكبيرة الي بصبو فيها الاكل)
الزلائط الدبور او النحلة او بالمعنى الحشرات الي بتحب الحلو
والمعؤود المربى هادا لاخونا ابو نضارة ان شاء الله يقراهم

[أبو المهند]

ههههههههههههههههههههههههههههههههههه ههه

تسلم

[.:.!دموع الرحيل!.:.]

هههههههههههههههههههههههههههههه ههههه

والله متت ضحك

مين هيك كارجهم

حلوين

يسلموووو سنـــــــا

[إسراء الفلسطينية]

ههههههههههههههههههههههه

كتيييييير بضحكوا

يسلمو حبيبتي

[أبو معاذ]

ههههههههههههههههههه


الله يقطعكو ما أهبلكو ههههههه

هههههههههه



مشكورة أختي

[ابنة الشتات]

هههههههههههههههههههههههه
والله الشامييين ملسونين
حكيهم حلو
بس شو هاد الغزل
هههههههههههههه