شباب فلسطين

اجمل احساس · 03-21-2010, 08:10 PM

السلام عليكم ورحمة الله وبركاته ..

" الشايب يدلل والشاب يعلل "

مثل او كلمة وبتنحكي..

ولكنه اكبر من مجرد مثل او مقوله تنقال !!

مها: انتي عنجد بتحكي ولا بتمزحي ؟؟!!

امل:اه وربي بجد.. ليش اخذ لي واحد لسه باول حياتو واستناه يكّون نفسو !! اخد لي هالكبير.. جاهز وفلوسو جاهزة وبيعيشني ملكة وبيدلعني!!

مها: وشبابك بيروح مع هالعجوز ؟؟
امل: الا بيضيع مع هالشباب ها بدك اياني استناه لمايكّون نفسو ويبني حالو.. اوووووف اخذ واحد كبير وفاهم وضامنة انه بيدلعني وماحيشوف غيري .. اريح !!

///////////////////////////////////////////////////

منال: وااااااااو شوفيه بيجنن.. هيبة وجمال وكل شي..

سهى: O_o ميين؟؟!! هالهيبة!!!

منال: وااو شوفيه بتحسي رغم هيبتو انه حنون.. نفسي اتزوج شخص هيك متلو..

اماني: عاد شبابنا الحنية مقطعاهم .. ><

منال: لا مابدي شباب.. بتحسيهم مابيعبرو زوجاتهم.. بدي واحد كبير احسن.. يكون حنون واتدلع عليه ..

( اللي مابتعرفوه .. ابو منال وامها منفصلين .. ومابتشوفو الا نادرا )

هالموقفين بيعبروا عن نماذج بنشوفها في حياتنا .. بنات صغار و بيتزوجوا كبار

فالسن وهما راضيين.. بعكس اللي بنشوفو بالافلام ان الابو يجبر البنت عليه !!

وحتى شفنا بنات بعمر الورود يرافقون كبار السن ويتركون الشباب .. "

مابحكي انو هالنوع من العلاقات مقبول عندي ..

سواء شاب ولا شايب ..

بس المقصود هو سعي البنات ورا كبار السن " !!

نذكر في هالموقفين سببين للجوء البنات لكبار السن..

منها طمع ومنها البحث عن اب بديل في اطار شرعي ..

ولكن ماهي الاسباب الاخرى اللي ورا هادا النوع من الزواجات ؟؟!!

اسئله للبنات :

1- ماهو موقفك من هالنوع من الزواج ؟

2- بأي عمر ممكن تقبلي بالزواج من كبير السن ؟

3- ماهي الاسباب اللي بتخليكي تقبلي فيه ؟

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟

5- هل صحيح ان " الشايب يدلل والشاب يعلل " ؟
اسئلة للشباب :

1- ماهو موقفك من هالزواج ؟

2- بعد عمر طويل ..ماهي الاسباب اللي بتخليك تتزوج بنت صغيرة وانت شايب ؟

3- هل يأثر هذا الزواج على صورة الزوجين فالمجتمع ؟

4- و هل صحيح ان " الشايب يدلل والشاب يعلل " ؟
همسه 1 : عجبني الموضوع ونقلته لعنونكم الحلوة

همسه2 : لاتحرموني من ردودكم الحلوة << واتمنى إنو ماحدا يستعمل لغة التسليك جاوبوا امانة مو يسلمو وخلص

تحياتي إلكم

.:.!دموع الرحيل!.:. · 03-22-2010, 02:00 AM

هههههههههههه

الحوار بين البنـات ضحكنـي ..

إلي رجعه ان شاء الله

اجمل احساس · 03-23-2010, 02:29 PM

المشاركة الأصلية كتبت بواسطة .:.!دموع الرحيل!.:. هههههههههههه

الحوار بين البنـات ضحكنـي ..

إلي رجعه ان شاء الله

ههههه شفتي هالحوار بس عنجد هيك بيصير كإنو البنت بتكون بتفكر بصوت عالي

بستناكي حبيبتي بس لا تتأخري

عبير الورد · 03-22-2010, 02:12 AM

يسلمو اجمل احساس على الطرح الجميل

1- ماهو موقفك من هالنوع من الزواج ؟
طبعا ضده وبشدة لانه بتخسر الفتاة الكثير

2- بأي عمر ممكن تقبلي بالزواج من كبير السن ؟
التلاتين وزياده

3- ماهي الاسباب اللي بتخليكي تقبلي فيه ؟
انو مافي امل من زواجي من شب

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟
ربما احيانا ولكن طالما الاتنين راضيين مايأثر ابدا على صورتها ولا صورة اهلها

5- هل صحيح ان " الشايب يدلل والشاب يعلل " ؟
مابعتقد في شباب بدللو كمان
اسفة لو قلت غبية من تعتقد ان الشايب يدلل
لانه لن يكون لديه من المشاعر او الوقت ليدلل
اغلب الوقت نايم ههههههه

اجمل احساس · 03-23-2010, 02:34 PM

المشاركة الأصلية كتبت بواسطة عبير الورد يسلمو اجمل احساس على الطرح الجميل

1- ماهو موقفك من هالنوع من الزواج ؟
طبعا ضده وبشدة لانه بتخسر الفتاة الكثير

2- بأي عمر ممكن تقبلي بالزواج من كبير السن ؟
التلاتين وزياده

3- ماهي الاسباب اللي بتخليكي تقبلي فيه ؟
انو مافي امل من زواجي من شب

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟
ربما احيانا ولكن طالما الاتنين راضيين مايأثر ابدا على صورتها ولا صورة اهلها

5- هل صحيح ان " الشايب يدلل والشاب يعلل " ؟
مابعتقد في شباب بدللو كمان
اسفة لو قلت غبية من تعتقد ان الشايب يدلل
لانه لن يكون لديه من المشاعر او الوقت ليدلل
اغلب الوقت نايم ههههههه

هههه صدقيني معك حق ووجهة نظرك ما عليها حكي فعلا اتوقع اغلب الوقت حيكون نايم

بس انتي بتحكي انو لو فقدتي الامل بالزواج ممكن تقبلي؟
يعني زي ما بيقولوا ظل راجل ولا ظل حيطة؟ بمزح بمزح

انا رأيي من رأيك انو برفض وبشدة يعني بالنهاية شو الله جابرنا لنقبل بهيك زواج هادا عُمُر مو رحلة وراجعين منها

تسلميلي على ردك حبيبتي ما ننحرم يارب

متيمة الأقصى · 03-22-2010, 08:16 AM

1- ماهو موقفك من هالنوع من الزواج ؟
أرفضه رفضا قاطعا

2- بأي عمر ممكن تقبلي بالزواج من كبير السن ؟
بعد 35 سنه يعني اذا انا صرت معنسة بالعامية

3- ماهي الاسباب اللي بتخليكي تقبلي فيه ؟

السترة والكرامة لانو بزمنا اللي ما بتتجوز بتنهان من لسانات الناس اللي ما بترحم .

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟
بالسلب لاني بشوف اللي بعطي بنت بعز صباها لختيار انو ببيعها بالرخيص.

5- هل صحيح ان " الشايب يدلل والشاب يعلل " ؟
والله هاي نسبية والتنين بيعللو بس الشايب اكتر اكيد

.

.:.!دموع الرحيل!.:. · 03-22-2010, 11:55 PM

1- ماهو موقفك من هالنوع من الزواج ؟

غالبآ ضده ولكن لكل قاعده شواذ ..

لكن سبحـان الله الفكرة مش محببة ...

رح يكون في فجوة كبيرة بيناتهم ..

2- بأي عمر ممكن تقبلي بالزواج من كبير السن ؟

الحقيقة يمكن الوحده ما بتقدر تقدر هالشي

الا اذا انحطت بالموقف نفسه ..

يمكن هلأ اقولك مستحيل ومن هالحكي

واذا صار الموقف وكانت فيه للشخص صفات معينه

اقبل ..

ويمكن اقولك اي بوافق والخ .. وبس يجي شخص كبير

انفر من الفكرة ما اقبل

عشـان هيك برأيي هيك مواضيع ،، الواحد ما بيقدر يحكم عليها

عن بعد بأغلب الحالآت ..

3- ماهي الاسباب اللي بتخليكي تقبلي فيه ؟

يمكن الاحوال تاعيت الشباب هالايام ..

صار الواحد منهم قبل الـ 30 أو 35 سنة ما بيقدر يأمن حق بيت !

.

.

بس بنفس الوقت ..مش معناها اي شخص وقتها اقبل فيه !

ولا حتى هلأ اي شاب لمجرد انه شاب اقبل فيه ..

أحيانا البقاء عذبا كل العمر أحسن من العيشة مع هذا أو ذاك

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟

بمجتمعنآ نعم ..

لكن صدقي ما حدا بيعرف شو في جوات البيت الا صحابه

متل ما حكيت لكل قاعدع شواذ

يااما صغيرة متزوجة كبير ..

وعايشة أحسن واريح عيشة ..

وياما صغيرة متزوجة صغير وعايشة جحيم معه ..

لذلك برأيي بلا ما حدا يطلع على صورتي قدام الناس كيف رح تكون ولا غيره

الواحج يفتش على سعادته وراحته وبس ..

لأنه كلام الناس لا بنفع ولا بضر

5- هل صحيح ان " الشايب يدلل والشاب يعلل "

أظن أنه احيانا إيه ..

وحسب بقى ..

أحيانا شاب بدلل وبعلل .. بنفس الوقت ..

واحيانا شاب بعلل بدون ما يدلل

واحيانا شايب بعلل بدون ما يدلل .. وهكذا

في من كل الانواع

هههههههههههههههه

لذلك الشغله نسبية .. ونصيب كمان ..

ما فيك ِ تقيسي المواصفات نفسها عالجميع ..

لكن ما منقدر نختلف على انه

الفكرة بحد ذاتها .. مش محببة ..

لأنه فرق العمر .. لآ بد انه يلعب دور ..

الا اذا كـانت هي أكبر من عمرها . , وعرفت تتعامل معه وهكذا ..

,

,

مآ ننحرم يا قمر

اجمل احساس · 03-23-2010, 02:44 PM

المشاركة الأصلية كتبت بواسطة .:.!دموع الرحيل!.:.

غالبآ ضده ولكن لكل قاعده شواذ ..

لكن سبحـان الله الفكرة مش محببة ...

رح يكون في فجوة كبيرة بيناتهم ..

الحقيقة يمكن الوحده ما بتقدر تقدر هالشي

الا اذا انحطت بالموقف نفسه ..

يمكن هلأ اقولك مستحيل ومن هالحكي

واذا صار الموقف وكانت فيه للشخص صفات معينه

اقبل ..

ويمكن اقولك اي بوافق والخ .. وبس يجي شخص كبير

انفر من الفكرة ما اقبل

عشـان هيك برأيي هيك مواضيع ،، الواحد ما بيقدر يحكم عليها

عن بعد بأغلب الحالآت ..

يمكن الاحوال تاعيت الشباب هالايام ..

صار الواحد منهم قبل الـ 30 أو 35 سنة ما بيقدر يأمن حق بيت !

.

.

بس بنفس الوقت ..مش معناها اي شخص وقتها اقبل فيه !

ولا حتى هلأ اي شاب لمجرد انه شاب اقبل فيه ..

أحيانا البقاء عذبا كل العمر أحسن من العيشة مع هذا أو ذاك

بمجتمعنآ نعم ..

لكن صدقي ما حدا بيعرف شو في جوات البيت الا صحابه

متل ما حكيت لكل قاعدع شواذ

يااما صغيرة متزوجة كبير ..

وعايشة أحسن واريح عيشة ..

وياما صغيرة متزوجة صغير وعايشة جحيم معه ..

لذلك برأيي بلا ما حدا يطلع على صورتي قدام الناس كيف رح تكون ولا غيره

الواحج يفتش على سعادته وراحته وبس ..

لأنه كلام الناس لا بنفع ولا بضر

أظن أنه احيانا إيه ..

وحسب بقى ..

أحيانا شاب بدلل وبعلل .. بنفس الوقت ..

واحيانا شاب بعلل بدون ما يدلل

واحيانا شايب بعلل بدون ما يدلل .. وهكذا

في من كل الانواع

هههههههههههههههه

لذلك الشغله نسبية .. ونصيب كمان ..

ما فيك ِ تقيسي المواصفات نفسها عالجميع ..

لكن ما منقدر نختلف على انه

الفكرة بحد ذاتها .. مش محببة ..

لأنه فرق العمر .. لآ بد انه يلعب دور ..

الا اذا كـانت هي أكبر من عمرها . , وعرفت تتعامل معه وهكذا ..

,

,

مآ ننحرم يا قمر:shababsmile240:

لك يسلملي الفهمان انا
اكيد فرق العمر رح يلعب دور ودور كبير كمان بس خلص الفكرة بحد ذاتها مش مرغوبة عنا يمكن بتأثير من المجتمع او انو لكل مرحلة الها تفكير معين وتصرفات معينة ما بتتناسب مع كل الاعمار يعني كل جيل إلو حياتو زي ما بيحكو

نورتيني يا بطة ما ننحرم هالطلة

اجمل احساس · 03-23-2010, 02:39 PM

المشاركة الأصلية كتبت بواسطة متيمة الأقصى

1- ماهو موقفك من هالنوع من الزواج ؟
أرفضه رفضا قاطعا

2- بأي عمر ممكن تقبلي بالزواج من كبير السن ؟
بعد 35 سنه يعني اذا انا صرت معنسة بالعامية

3- ماهي الاسباب اللي بتخليكي تقبلي فيه ؟

السترة والكرامة لانو بزمنا اللي ما بتتجوز بتنهان من لسانات الناس اللي ما بترحم .

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟
بالسلب لاني بشوف اللي بعطي بنت بعز صباها لختيار انو ببيعها بالرخيص.

5- هل صحيح ان " الشايب يدلل والشاب يعلل " ؟
والله هاي نسبية والتنين بيعللو بس الشايب اكتر اكيد

.

الله يحميكي حبيبتي تفكيرك سليم ،،، نورتيني ما ننحرم هالطلة

شهيد · 03-23-2010, 12:04 AM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء