•{ حلو بطعم القرفة {{ من تحت إيدين إسـرآء ~

[إسراء الفلسطينية]

{ حلو بالقرفة ~



.. المقـــآدير ..

{ العجينة ~

100 جرام زبدة

كبايتين صغار حليب

50 جرام خميرة

كباية صغيرة سكر

نص ملعقة غيرة ملح

800 جرام طحين

..

{ الحشوة ~

100 جرام زبدة

كباية صغيرة سكر

ملعقتين كبار قرفة

.

.

.. الطريقــة ..

أول شي منبدأ بتسخين المي مع الزبدة بطنجرة .. بس مش كتير !

بس لحتى تدوب الزبدة :)

وبعد هيك مندير الحليب والزبدة بجاط .. ومنحط معهم الخميرة

وبتحطوا السكر والملح ..

وبعدين منحط الطحين شوي شوي .. ومنعجن لحتى تصير العجينة منيحة :)

بس نخلص من العجن .. منغطيها ومنحطها ع جنب شي ساعة الا ربع لحتى تخمر ..





عبين ما تخمر العجينة ..

منكون عملنا الحشوة .. وطبعا ما بدها شي ..

منبدأ بالزبدة .. ومنحط فوقها السكر والقرفة .. ومنخلطهم منييح بملعقة ..

لحتى ما يكون في كعابيل

..



( كيف طالع شكلهم هون .. بيخزوا )

::

لما نرجع للعجينة بعد الساعة الا ربع يلي مروا ..

منرّق العجينة .. متل لما يكون بدنا نعمل بيتزا .. بس ع شكل مربع :)

ومندهن الحشوة عليها .. ومنلفها .. لحتى تصير ملفوفة ومطاولة ..

ومنقطعها قطع صغيرة ..

ومنحطهم بصنية .. وبكون الفرن محمّى ع 225 ..

منتركهم بالفرن لمدة 8 دقايق :)

.

.

بالهنا والشفآ

[§عاشقة غزة§]

تسلم ايديك اسراء
هاي الوصفات بحب اكل منها كثير
شكلها كثير حلو راح اجربها واردلك خبر
بس اكيد طعمها لذيذ
خصوصا بالقرفة
يعطيك العافية

[إسراء الفلسطينية]

اهلا فيكي حبيبتي

الله يسعدك

نورتي :)

[sofy]

هلا هدووول إنتي عملتيهم إسراء

وآآآآآآآآآآآآآآآآآآآو

عنجد مشاءالله عنك ماما بتعملها بس ما بشوفها وئت ما تعملها

بس مشاءالله عنك برااافووو عليكي

بس بدي ئطعة

أو هاتي الصحن كلووو في محال

ههه
بتخوت

يلا يعطيكي العافية حبيبتي

[إسراء الفلسطينية]

المشاركة الأصلية كتبت بواسطة sofya هلا هدووول إنتي عملتيهم إسراء

وآآآآآآآآآآآآآآآآآآآو

عنجد مشاءالله عنك ماما بتعملها بس ما بشوفها وئت ما تعملها

بس مشاءالله عنك برااافووو عليكي

بس بدي ئطعة

أو هاتي الصحن كلووو في محال

ههه
بتخوت

يلا يعطيكي العافية حبيبتي

هههههههههههههه

اه انا :P

شايفة شو معدّلة

حبيبتي صوفيا ..

تسلمي ع المرور الحلوو

نورتي

[*أحلى رتآآج*]

ياااااي..~

شكلها كتير زآكية...~

يسلمو ايديكـ يآ عسل..~


^^

[إسراء الفلسطينية]

المشاركة الأصلية كتبت بواسطة *أحلى رتآآج* ياااااي..~

شكلها كتير زآكية...~

يسلمو ايديكـ يآ عسل..~


^^

وايديكي يا قمر

نورتي

[لمسة إحساس]

يمممم

مع اني ما بحب القرفة ، بس من ايديكي أكيد لزيز رح يكوون .. :)

يسلمو ايديكي يآآ ئمــر ..*

ما ننحرم ^_^

[إسراء الفلسطينية]

المشاركة الأصلية كتبت بواسطة لمسة إحساس يمممم

مع اني ما بحب القرفة ، بس من ايديكي أكيد لزيز رح يكوون .. :)

يسلمو ايديكي يآآ ئمــر ..*

ما ننحرم ^_^

هههههههههه

ليش ما بتحبيها ؟

بالعكس كتير طيبة .. خصوصا بالحلو

حبيبتي لمسة إحساس

منورة يا قمر

[أم الوليد]

متل السني بون مو!!

بس بدون صوص!!

يسلم ايديها هالصبية ...رح جربها..وخبرك النتيجة