الحـلقة الثـالثـة .. مشـروع احيـاء أمة ... "فتـيـات .. شـبـاب"

[خيـرَ أُمـة]

اليـوم حيكـون عنـا موضوعيـن

واحد خاص بالشباب .. والاخر بالفتيات

الصبايا يسمعن اول اشي فتيات بعدين شباب :))

أما الشـباب -ان وجدو - يسمعو اول اشي محاضرة شباب بعدين يسمعو فتيات

أول اشي فتيات ..

للتحميل بازر اليمين وحفظ باسم
>>> فتـيـات <<<

أو من الموقع بشكـل مبـاشر
>>> فتيـات <<<


أما المحاضرة الخاصة بالشـباب

للتحميل بالزر الايمن وحفظ باسم
>>> شـباب <<<

أو بشـكل مبـاشر من هنـا
>>> شـباب <<<

مدة المحاضرتين خمسة ايـام

اللـه يوفقكم

[إسراء الفلسطينية]

شكرا اخيي
جاري التحميل!

[خيـرَ أُمـة]

حيا اللـه اسراء .. ولك انت جيل اختي 14 سنة :)))

بعدين استغلي الاجازة ماشي .. مش تئضيها بليستيشن

انا حقيقة مبسوط منك وحاسس انك صورة مثالية النا بالغرب ..

وان شاء اللـه في احدى الحلقات حيكون النا محاضرة عن الغرب .. وعلى الاغلب المحاضرة الجاي ..

سلامي الـك ...

[إسراء الفلسطينية]

المشاركة الأصلية كتبت بواسطة ahmadix حيا اللـه اسراء .. ولك انت جيل اختي 14 سنة :)))

بعدين استغلي الاجازة ماشي .. مش تئضيها بليستيشن

انا حقيقة مبسوط منك وحاسس انك صورة مثالية النا بالغرب ..

وان شاء اللـه في احدى الحلقات حيكون النا محاضرة عن الغرب .. وعلى الاغلب المحاضرة الجاي ..

سلامي الـك ...

ههههههه هلا انا بدي اقديها بليستيشن هههه ظلمتني!
اه والله يا ريت تكون المحاضره الجاي لانو جد هل موضوع مهم كتيير

على كل حال انا سمعت اول محاضره و هلا بدي اسمع التانيه
جزاك الله كل خير

[خيـرَ أُمـة]

في محاضرة للاستاذ عمرو خالد بألمانيا و الثانية بفرنسا ..

واتكلم فيها عن العرب الي بالغرب وحدد نوعين ..

واحد اندمج مع الغرب اندماج سيء .. فانسلخ عن اخلاقنا وقيمنا ودينا ..
والثاني تقوقع حولين نفسو وكان سلبي في المجتمع وكان سبب نظرة الغرب النا على انا انتهازيين جايين نوخد فلوس وبس ..

وفي نوع اخير والمفروض العرب الي في الغرب يكون مثلو وهدول قلة .. الي همي اندمجو اندماج ايجابي .. فكانو صورة حلوة للمسلم الي ما اتخلى عن الدين والقيم وكان دعوي بتعاملو مع الناس ..

محاضرة جدا رائعة ..

وان شاء الله حتكون الحلقة الجاي :))

سلامي للجميع ..

[Twin]

كالعاده جننوني .. تعت الشباب نزلت وتعت الصبايا لالالا ... هلالالا بتحمل اعده .. شكرا الك احمدايكس ..

[خيـرَ أُمـة]

اهلين تويــــن ....

أهم اشي تنزل خخخ

المحاضرة الجاي حتكون من موقع ثاني ان شاء اللـه ..
وحيكون التحميل سهل ..
الموقع هاد عليه زحمة :))

المهم يا اخواني -ان كان هناك- .. ويا أخواتي انا اليوم حنشغل عنكم كثير كثير فديرو بالكو على المشروع وانشروووا :))

نلتقي الليلية ان شاء الله :)

سلامي للجميع ..

[خيـرَ أُمـة]

كان المفروض اني اليوم يكون عندي محاضرة طول النهار . بس للاسف يدوب اخدت ثلث ساعات وكانت جدا سيئة والي بعطيها مش عارف الخمسة من الطمسة ..

ما علينا ..

رجعت وان شاءا اللـه اليوم حنحاول نضرب امثلة خـارج الأمثلة الي تكلم عنها الدكتور مريد .. سوائا من الفتيات و من الشباب ..

حنحاول خلال الاياما الاربعة الضايلة نطرح امثلة أثرت على مجتمعها نضرح ناس غيرو في المجتمع وبسبب الي عملو صارو خالدين في ذاكرتنا ..

والباب مفتوح للجميع .. الي عندو مثال .. وانا ان شاء الله في جعبتي الكثير :))

سلامي للجميـع ..

[فراشة]

هيني بسمعها ... عخير ان شاء الله

[إسراء الفلسطينية]

انا سمعت المحاضرتين و الصراحه كتير حلوين

محاضرة الفتيات كانت كتير حلوي خصوصا لانو بتحكي عن شجاعة المرأه و عن قيمة المرأة بالاسلام

عجبتني كتير قصة المره يلي استشهد جوزه بس ما رضيت انو تكون زوجة شهيد لا و ام شهيد كمان,,,جد قصه مؤثره جدا
المرأه مكرمه كتير بالاسلام,,بس هون بالدنمارك مجرد انو يشوفوا وحده متحجبه بقولوا ليش هيك الاسلام بيمنع حرية الفتيات
انا الصراحه كتير بواجه هل اسأله هاي ,,لاني كمان بروح بمدرسه دنمركيه,,,مره وحده دنمركيه من الصف بتقولي طيب انتي ليش ما بتلبسي نص كم و شورت ما شايفه انو الدنيا شوب
انا فقعت من الضحك تخيلت المنظر شورت و نص كوم و حجاب على راسي هههه بس طبعا جاوبته و قلتله انو الله امرنا بالحجاب و انو مكتوب بالقران و الى آخره,,,لحتى آخر شي اقتنعت

اما الشباب يا ويلي على مصايبن بالبلد هاي,,قليل ما تلاقي شباب بالمسجد او عم بيعملوا شي بينفع بس طبعا ما بقول انو ما في شباب ما شاء الله عليهن,,متدينين و بينشروا الدعوه في بلاد الغرب
كتير مرات بمشي بالشارع ما بلاقي الا واحد مسلم و عبطلي وحده دنمركيه بايدو و السجاره بالايد التانيه
ما بقول الا لا حول ولا قوة الا بالله,,

شكرا الك اخي اخي احمد و بارك الله فيك