لماذاتعتبر اخطاء الشباب طيش ... واخطاء الفتاة جريمه ...؟

[فلسطينيه والراس مرفوع]

عجبني فطرحته هنا لنستفيد من اّراّء بعض

لماذا اخطاء الشباب طيش ... واخطاء الفتاة جريمه ...



في ارتكاب الأخطاء !!.

نجد ان المجتمع يفّرق بين الشاب والفتاة .
فإذا ما تم ضبط شاب وفتاة في وضع مخل أو وضع غير ذلك في مكان خاص او عام .
نرى الشباب يحصل على البراءة في فترة وجيزة , ويتغاضى المجتمع عن أخطئه ويتناساه .


ونرى الشاب يواصل حياته وكأن شيئا لم يكن .
على الجانب الأخر ,يتعامل المجتمع مع البنت المخطئة على أنهامجرمة , أو منحرفة , فهي أخطأت في حق نفسها ,أسرتها ومجتمعها , ونجد الكل في حالة ترقب للنيل منها .
والحكم عليها بالإعدام , وتصبح منبوذة طيلة حياتها , حتى فرصتها في الزواج تقل وقد تنعدم بعد أن تسقط من حسابات أي شاب يرغب يسعى الزواج .


وانا لااعني بكلامي هذا ان يتغااضى الانسان عن اخطاء
البشر سواء كان شاب او فتاه ولكن يجب ان يعطى الانسان فرصه اخرى بحياته ولكني اعني بالرحمه والرفق بالفتاه


فان كان الله وهو خالق كل شي وفوق كل شي جل وعلا يرضى ويغفر للكافر الذي عمل وعمل مايحلو له من ذنوب بعد توبته .....

فنحن البشر لانستطيع ان نصفح ونجدد البسمه في حياة ناس ماتو وهم احياااء!!!

فهل من العدل تحتمل الفتاة وحدها هذا الوزر وتدفع ثمن خطئها طول العمر ........؟؟؟

وهل نطلق العنان للشاب لكي يجرب .
لكي يخطئ بحجة "الطيش " والنزوات ....؟ و ما هي مسئولية المجتمع .

وتقبلوا فائق إحترامي

[نداء الوطن]

مشكورة حبيبتي عالموضوع
بس هذا الحكي هو اللي بزيد الفجوة بين البنت والشاب
وبزيد الجرايم والاعمال البذيئة بين الناس
بش لو جينا للواقع
في حد برضى يزوج بنته لواحد طايش؟؟؟؟
والا حدا وهون المصيبة الكبرى
انه وقت ما بعمل العمايل ما حدا بحكي معه
بس وقت الزواج بتغلب كثير
يعني راح يغلب اهله اكثر من البنت
تقبلي مروري حبي

[أمير رفح]

المشاركة الأصلية كتبت بواسطة نداء الوطن
انه وقت ما بعمل العمايل ما حدا بحكي معه
بس وقت الزواج بتغلب كثير
يعني راح يغلب اهله اكثر من البنت

اختي نداء .... اذا هو بيتغلب .. البنت ما بتجوز ابدا ... بتعنس بالعربي ..


.. البنت هي شرف .. اذا راح شرفها خلص ....

بس عند الشاب بيختلف الأمر ... اذا بتقولي يا اخت نداء بيتغلب .. صحيح بيتغلب بس ما في راجل بيعنس.
..
وتقبلو مروري

[روان فلسطين]

لانو ببساطه البنت سمعتها متل الزجاج لو انشعرت بس لا يمكن تتصلح
اما الشب على قول المتل عيبه بجيبه
والشب لما يعمل اي شي ما حد سائل اما البنت لما يجي حد يخطبها اول شي بدور عليه سمعتها
تقبلي مروري

[روان فلسطين]

انا معك يا امير البنت كل شي شرفها وسمعتها ولانها ما بتمثل بس حالها بتمثل اهلها وحمولتها كلهم وخاصه بنات العيله

[مؤيد]

صراحة انا ما شايف انو الشباب مسموح الهم والبنات لا .....

أنا عايش بالمجتمع وشايف ، المجتمع ما بيرحم حدا لا شب ولا بنت على حد سواء .....

بعدين صراحة سمعة الشب في هالأيام مهمة كتير والناس عنا بدققوا عليها كتير ، خاصة لما شب يجي يتقدم لفتاة ، بروحو اهل الفتاة بنبشطو عنو كل تاريخه وما بخلو حدا ما بيسألوه عنو .......

انا انو اخطاء الشباب طيش والبنت جريمة ، هالكلام مش دقيق ....

موضوع مهم ....

تسلم اياديكِ فلسطينية والراس مرفوع ..

[روان فلسطين]

لا والله يا مؤيد الشب شو مغلط الناس بيحكو كان طايش وتاب اما البنت لو شي واحد بيلاحقها طوووووووول عمرها هاد اذا ظل الها عمر تتهنى فيه

[الدكتور امير]

هم م م
موضوع جدا مهم
و يمس الحياة بشكل تام
يعني انتي عزفتي على الوتر الحساس
ممكن لانو مجتمعنا ما بتقبل خطأ البنت و بعتبروا جريمة لا تغتفر

و بحكوا انو الشباب يلا طايش
بكرة بهدأ
بس البنت ما برحموها
هاد تخلف و جنون
من وجهة نظري لازم الاتنين يتحاسبوا
و بعدين الاهل الي بربوا صح
ما بطلع من عندهم الا الاولاد الصالحين

د.امير