قصيده لأخ عزيز نظمها دفاعا عن الحبيب عليه افضل الصلاة والسلام ..

[صدى الشمال]

** اعذروني حبايب قلبي على القصور والغياب الطويل..................

المشاركة الأصلية كتبت بواسطة تركي اليوسف الألــــفــــيـــــه

ألـف ألـم تـوه ألـمَ وتكلـمـت ** وأدري تألمتـوا مثـل مـا تألمـت
علـى النبـي صليـت لله وسلمـت ** بألفيـه أنظمهـا علـى قافـيـة آه

البا بعينـي دمـع أداريـه ويلـوح ** والقلب مثل الشمع ذايب ومجـروح
هذي وهذي فيهـن الشاعـر يبـوح ** باللي ورا دمعـه وهمـه وشكـواه

الـتـا تبلـدنـا لـحـد التجـمـد ** ليـن المسيـح بسخريـه وبتعـمـد
تستهـزي بخيـر البرايـا محـمـد ** أشـرف سلالـه بيـن آدم وحـواه

الثا ثنـاء الـرب يكفـي رسولـه ** أنه علـى خلـقٍ عظيـم ورجولـه
ومقامـه المحمـود ماحـد يطولـه ** محفوظ حي وميت بحفـظ مـولاه

الجيم جهـل ويدفعـون الضريبـه ** يقدر عظيم الشـان ينصـر حبيبـه
يارب نصـرك والدعـا تستجيبـه ** راسم نبيك شلـه بكامـل أعضـاه

الحا حبيـب الله مبـرأ ومعصـوم ** ولافينا من في خاتم الرسل موهـوم
يمكن وهمنا بعـد ماغلبـت الـروم ** يمكن وباليرمـوك موقـف نسينـاه

الخا خلد خالد وله سيـف مسلـول ** والمعتصم والسيف أصدق من القول
والمجد في حطين ماهـو بمجهـول ** خلد صـلاح الديـن سيفـه وحنـاه

الـدا دوا جـرح الإهانـه وطبـه ** إذا نحـب الله ورسـولـه نحـبـه
نفـدا النبـي ونسـب علـجٍ يسبـه ** نفـداه واللـي بـاء بالإثـم يفـداه

الرا رزايا الشـرك ماهـي قليلـه ** قبـل النبـي خلـو لربـك حليلـه
ماضل عيسى هم نحو عـن سبيلـه ** قالوا ولـد ربـه وقالـوا صلبنـاه

الـزا زعيـم المشركيـن بزمانـه ** العلـج بـوش اللـي كبـارٍ أذانـه
دين محافـظ لعـن ابـو هالديانـه ** ياويلـه مـن الله وياويـل ويــلاه

السين سيـر فـي جيوشـه علينـا ** والله كتـب لـه سـنـة الأوليـنـا
لعبـت بهـم ريتـا بعـد كاترينـا ** ولا العذاب الحـق للحيـن ماجـاه

الشين شر يلوح بـأرض الدنامـرك ** يابو جبن من بيد الإسـلام دهـورك
قدنا بدينا نفـرك خشومكـم فـرك ** وحليبـكـم ياجعلـنـا ماشربـنـاه

الصا صحى النايـم ولاعـاده ينـام ** حتـى يعرفكـم محمـد والإسـلام
وحلم الثلاث أبقار تفسيرهـا التـام ** بلوا بقركم يالبقـر وأشربـوا مـاه

الضا ضمير الحي له قلب ولسـان ** ونبينـا دونـه ملايـيـن حـسـان
هم إبتـدوا وحنـا بدينـا مـن الآن ** كـلاً يـرد بقـدر ماربـه اعطـاه

الطا طمع فينا الذي مالـه أطمـاع ** اللي بجبنة بـوك يشـري وبيتـاع
لو يدفع الجزيه وخشمه على القـاع ** تلقى نظر عينه علـى قـد ماطـاه

الظـا ظليمـه للنصـارى نسبـهـا ** والعالـم الله لـو يهـودي سببـهـا
عادة بنـي صهيـون تعـوج ذنبهـا ** حتى وهي ترفل على القدس وأقصاه

العين عادوا حول الأقصى يحيطون ** بجدار لجل يقاتلونـا مـن حصـون
لبيوتهم في غـزة أمسـوا يهـدون ** وذا وصفهم في سورة الحشر نقراه

الغين غارة بعد غارة مـن الغـرب ** حنا نسالمهم وهـم ضدنـا حـرب
نتبع خطاهم وإنعمينا عـن الـدرب ** فاتوا على الضب وسط جحره وفتناه

الفا فهمنـا ماخفـي مـن خفاهـم ** هـذا كتـاب الله وهـذا خطـاهـم
هم جيش الأعور كثرهم في نساهـم ** ولافيه غيـر الله نخافـه ونخشـاه

القـاف قمـة جهلنـا والتخـلـف ** إذا غديـنـا لليـهـود نـتـألـف
هم بنكهـم دولـي وحنـا نتسلـف ** وقروض وأسهم والحصيله مرابـاه

الكاف كـف الشـر فيهـا المـروه ** ويصير ضعف إذا طمع بـه عـدوه
ومومن ضعيف ومومنٍ فيـه قـوة ** بـس إتحـاد إثنيـن قـوة مآخـاه

الام لايخـرج علينـا بنـي عــم ** أكبـر خطيـه بينـنـا ينتـثـر دم
الوجـه الأسـود بالسـواد يتلـثـم ** يبي الصلاح وخاب سعيه ومسعـاه

الميم ميعاد الـزلازل مـن الشـرق ** متواليات تقـول بـرقٍ ورا بـرق
وإذا حمانا الله من القتـل والحـرق ** البيت له ربٍ مـن النـاس يحمـاه

النون نـار العلمنـه شبهـا نـاس ** تبعوا حبال إبليس وإبليس وسـواس
أذناب والأذناب تحقد على الـراس ** وملعون من هو بـاع دينـه لدنيـاه

الهـا هدانـا الله بخيـر النبيـيـن ** ولو إختلفنا من قبل حـرب صفيـن
رسم النبي وحد هل الديـن بالديـن ** مـن بعـد ماكـلٍ يغنـي بلـيـلاه

الواو وعـد الآخـرة خيـر ميعـاد ** عند الله وتقواه مـن خيـرة الـزاد
وطاعة ولي الأمر توحيـد وعمـاد ** وصيـة الهـادي وهـذا مـصـلاه

اليـاء يـاربٍ تصـون الـوداعـه ** تنصر هل السنـه ورأي الجماعـه
ونسألك فيمـا قيـل نيـل الشفاعـه ** وختـام دعوانـا (إن الحـمـد لله)



الشاعر / عبدالله محمود البلوي.