| الإهداءات |
|
|||||||
 |
|
|
أدوات الموضوع | انواع عرض الموضوع |
|
|
11-28-2009, 10:34 PM
|
#1 | ||
|
I ♥ ISLAM
قوة السمعة: 16
 |
كل اشي ولا الـ סובלנות (السوبلونوت)......!!!!!
مرحبا!
كيفكو شباب/ صبايا؟! حبيت اشارككو بموضوع مهم (عالاقل بالنسبة لالي)، يمكن اللي رح احكيه مش اكتشاف، بس بالنسبة لالي تصريح صريح!!!!!! بتعرفوا قصتنا عرب الـ 48، احنا اللي عايشين لساتنا بارضنا وارض اجدادنا فلسطين، يمكن حدث لبعض العيلات نزوح هون وهناك، بس المهم ضلينا جوات فلسطين، وتحديدوا جوا حدود واراضي الـ 48 (أو ما يعرف بالخط الاخضر)... يللي هي حاليا تحكمها اسرائيل، يعني باختصار عايشين بدولة اسرائيل...... >> طبعا انتو مش بحاجة لهيك مقدمة انتو اعرف الناس فينا، ولو شعبنا يلي فصلت الحدود بيننا، يعني من اهل الدار، بس حبيت هيك اقيم اللبس والغموض لالي ما بعرف!!!!!!!! وبما انو احنا عايشين في دولة اسرائيل (بما انها هي القوى المسيطرة على لبلاد هناك)، ومعروفة اسرائيل انها دولة ديموقراطية وبتمنح مواطنيها حق التعبير عن الذات!!! بس بيني وبينكو، هاد الحق لا يمنح الا لمواطني الدولة اليهود، اما مواطني الدولة العرب الفلسطينية، فحسب المزاج والعنصرية ضدهم قايمة قاعدة!!!!! وكتير بصير حالات انو بضربوا ابناء اليهود بحجر كببير، انهم من وهمي زغار بفتحوا عينيهم عالسياسة، وبحفظوهم الدرس عن ظهر قلب انو دولة اسرائيل من المحيط إلى الخليج وانهم احق من غيرهم بهاي الارض (ارض اسرائيل الموعودة!)، ويعني انهم مزودين بهاي الثقافة اكتر من غيرهم وكانت كتير تصير مقارانات بين الوسط اليهودي والوسط العربي بهاي الأمور! خصوصا انهم كانوا يعملو كل اشي بغدروا عليه في سبيل تجهيل فلسطينيي الـ 48 بكل اشي بتعلق بفلسطين، ماضيهم، النراتيف (الرواية التاريخية والجماعية)، ...... واهم الاجراءات غير انو الحكي السياسي كان ممنوع مع بداية قيام الدولة وكان ممنوع انو واحد يحمل علم فلسطين والا بروح فيها، كمان ما كانوا بكتب التاريخ للمدارس العربية الفلسطينية في اسرائيل يجيبوا سيرة قضية فلسطين، اصلا مصطلح نكبة جديد فوتوه عكتب المناهج وجديد صاروا يطلقوا اسم مقاتلين بدل ارهابية عالاستشهاديين، ومحملينا جميلة على هالتغيير العظيم اللي عملوه! المهم، في ظل هذا الاعتزازا من قبل اليهود بانفسهم بانهم هم اصحاب الثقافة والقدرة على ادارة النقاشات والحوارات، ورمق الفلسطينيي لهم على هذا الاعتزاز... اقيم عنا في الكلية مؤتمر قطري يحمل عنوان: "التعددية الثقافية وحوار الثقافات"، يعني بيجوا عنا بزوونا عالكلية يهود وعرب من الشما، المثلث والجنوب (وانا عفكرة من مشجيعي هاد النوع من المؤتمرات بين عرب ويهود!) في البداية بلشوا اليوم بورش عمل في قاعات التدريس، فاجوا على قاعة المحاضرات اللي كنا فيها مجموعات مختلطة من العرب واليهود وكمان مرشد يهودي هو اللي بدو يدير الورشة!!! طلب منا انو نعمل الكراسي عشكل قعدة ورشة، يعني انو نعمل شكل حلقة بالكراسي، لما عرفنا عحالو، عرفنا انو متخصص بالسوتسيودراما، يعني انو نعبر عن افكارنا باشياء وبافعال ومش بالحكي، واول فعالية طلب منا نقوم فيها انو نتساعد عرب ويهود ونبني من الكراسي الجدار (جدار الفصل العنصري) يلي هو رمز للصراع الفلسطيني- اسرائيلي، ففكرنا شوية كيف رح يكون شكلو وما شفت الا كل اعضاء المجموعة عم يكوموا كراسي فوق بعضها وعملوا هيك كومة كراسي على اساس انو هاد الجدار، بعدين طلب منا انو كل واحد يتخذ موقع لالو من الجدار (عمليا يتخذ موقع وموقف لالو من الصراع الفلسطيني- اسرائيلي يعني قديش هو قريب من مجريات الامور). شو كانت النتائج اغلب اليهود ازا مش كلهم اتخذوا موقف محايد وبعيد من الجدار على اساس انو ما الهم دخل بكل اللي بيصير وانهم همي مع الدو-كيووم (דו- קיום) سامعين بهالمصطلح؟!، يعني همي مع التعايش، ويمكن انو هيك انكتب من عند الله انو هالشعبين التنين القصد الفلسطيني والاسرائيلي يعيشوا بنفس الارض واحنا مع الـ סובלנות (السوبلنوت) يعني مع التسامح والعيش بسلام! بس عنجد بحكيها وبكل صراحة أنو كان في المجموعة العربية اشخاص على قد حالهم اللي فاتوا بنقاش مع اليهود: "ازا انتو ما دخلكم لكان مكين اللي دخلوا؟ ازا انتوا بعاد كل البعد عن الجدار والصراع لكان مين اللي بناه لهالجدار؟ يعني الفلسطينية شمروا عن ايديهم وبنوه؟ بعدين بتحكولنا عن السوبلنوت والدي كيوم (عن التسامح والتعايش) أي هو انتو مهديين بال حدا ومخليينو يعرف يعيش سواء مع دو كيوم أو بلا دو كيوم!" المجموعة اليهودية انحرجت هيك ومعرفوش ايش يجاوبوا فصاروا يجيبوا اجوبة دبلوماسية: "احنا بدنا نعيش بسلام واحنا انكتب علينا الشعبين نعيش مع بعض احنا منحب السوبلنوت والشالوم (التسامح والسلام)، فلازم نوجد بيننا اشياء مشتركة، وصاروا يلطشوا من هون وهناك كلمة والا كلمتين بالعربي" يعني صاروا يتملصوا من المواجهة! بس المفاجأة كانت انو لما اتوجهنا عقاعة المؤتمرات كانت في الجلسة عالمنصة اديبة يهودية مع الاديب الفلسطيني "محمد علي طه" كاتب من كابول (شمال ال48). ولما صارت بينهم قدام كل الحضور موجهة، مقبلتش ترد عليه وحتلو بالحرف الواحد: "انا متأسفة مش رح اغدر ارد عليك لانو انا لما اندعيت مجيتش على اساس انو المؤتمر سياسي"... استغليت انا هالحدث لاحكيه لمحاضر عنا بعلمنا كورس اسمو تربية للسلام، يلي كان يقول انو في لقاءات تربية للسلام بين عرب- يهود، الطرف اليهودي بكون الاقوى، حكالي انو في منو اللي بتحكيه انهم بلجأوا للسلام والتسامح بس بشكل عام همي الطرف الاقوى بلقاءات من هالنوع! مع اني مقتنعتش كتير بوجهة نظرو بس كمان انا معشتش بالواقع مع كل الحقيقة، لانو يمكن هالنوعية اللي اجت عالكلية هي مسالمة ولطيفة نسبة لغيرهم، والا ما كان اجت من الاساس على بلد عربية في كلية عربية على مؤتمر من هالنوع (عرب- يهود متعدد الثقافات)! بس بالاخر بحب احكيلكو (يعني اللي بدو اوصلو): - ممنوع نستخف بحالنا ونشوف الطرف التاني اوعى منو وعندو ثقافة اكتر منا وعندو وسائل اقناع بالزات فيما يخص الصراع الفلسطيني- اسرائيلي اكتر منا احنا الفلسطينية، مشكلتنا بالاول انو كل معومة عن فلسطين كانت ممنوعة عنا بال48 وكمان حرية التعبير عن لرأي كانت معدومة بس اليوم الوضع اهون شوي!!! - دايما الا منلقى بين الطرفين سواء الطرف الفلسطيني أو حتى اليهودي ناس مسالمة وبدها عيش، ما الها دخل بالاوضاع اللي انولدت فيها. بس هاد لا يعني اننا نتخذ موقف محايد!!! ويعطيكو ويعطيني العافية! شو تعليقكو عالموضوع؟؟؟؟؟!!!!! |
||
|
|||
| اقتباس المشاركة |
|
11-28-2009, 10:40 PM
|
#2 | |||||
|
¤ رَآقِيَــةً بإيمَـآنِــيْ ¤ 
قوة السمعة: 519
 |
رد: كل اشي ولا الـ סובלנות (السوبلونوت)......!!!!!
يسلموو
|
|||||
|
|
||||||
| اقتباس المشاركة |
|
11-28-2009, 10:44 PM
|
#3 | ||
|
I ♥ ISLAM
قوة السمعة: 16
|
رد: كل اشي ولا الـ סובלנות (السوبلونوت)......!!!!!
الله يسلمك فرفوشة، بس يسلمو على شوووووووووو؟؟؟؟!!!!!!
بعدين ما انا مصرليش دقيقة حاطة الموضوع، طوالي صرتي ناطة عليه وعاملة رد (قواكي خارقة يا بنت) دايما بتنوري!! |
||
|
|
|||
| اقتباس المشاركة |
|
11-28-2009, 11:11 PM
|
#4 | |
قوة السمعة: 50
|
رد: كل اشي ولا الـ סובלנות (السوبلونوت)......!!!!!
يعني الفلسطينية شمروا عن ايديهم وبنوه؟ بصراحة انا قرأت الموضوع بحذآفيره .. لكن أعتقد مهما سعة الوعي الفكري الذي وصل إلى أهالي الـ 48 لم يبلغ - عند الجميع - إلى درجة الاعتقاد الجازم بأن اسرائيل دولة محتلة لأرضنا ، واجرمت في حق شعبنا .. البعض بل الكثير تعايش معاه وكما قولتي أصبح هناك دعوات إلى السلام وما الى ذلك .. انا بدي افهم ؟ سلام ع شو ؟ ع من اغتصب عرضي وارضي ؟ ولا ع شو اذن ؟ اروح اعقد صفقات و ابيع واشتري وهادي اه وهادي لأ زي بعض الناس ؟ هي ملك ابوهم يبيعوا فيها و يشتروا ؟ طالما ان هناك شبل صغير يطالب بحقه فيها فلا حق لأي شخص أن يتاجر بذرة تراب من ارضنا .. لا من غزة ولا ضفة ولا 48 .. وقبل ذلكـ فهذه أرض وقف اسلامي ، لا يجوز المتآجرة بها اطلاقاً .. |
|
|
|
||
| اقتباس المشاركة |
|
11-28-2009, 11:31 PM
|
#5 | ||
|
I ♥ ISLAM
قوة السمعة: 16
|
رد: كل اشي ولا الـ סובלנות (السوبلونوت)......!!!!!
المشاركة الأصلية كتبت بواسطة شهيد غزة اهلا فيك خيو شهيد منور!!! بصراحة انا مبسوطة انك قرأت الموضوع بحذافيره! بس القضية مش قضية انو في كتير من ال48 لم يبلغ فكرهم الى الاعتقاد الجازم بان اسرائيل دولة محتلة لارضنا، القصة مش قصة اعتقاد انها دولة محتلة او غير محتلة القصة هي زي ما حكيت انت بعدها على طول انها بلشت تتعايش مع الوضع وتحكي عن السلام، مش بس انت بتسأل سلام عشو وكمان انا بسأل انو هاد سلام، اصلا همي على فرض انهم معنيين بالسلام، ان كان زمااااااان اشتغلوا على هاد الاساس، بس وحياتك ووحياتي همي من مرة مش معنيين باشي اسمو سلاااام، والاسباب عديدة، ازا بدك بزكرلك اهمها! والمفاوضات هاي اللي عم تم هي مفاوضات بنظري فارطة ومزعومة، لانها قبل كل اشي اعتراف مننا احنا كفلسطينيين باحقية اسرائيل بالارض، يعني بالزبط زي كأنو بتنقلب الاية، بصيروا همي اللي كانوا عايشين بهدوء بهاي الارض واحنا جينا اخدناها منهم صلبطة وطريناهم منها. بس القصة انو في ناس بتدعو للسلام، هاد لا يعني انها تتنازل عن حقوقها بالمرة، وبتكون متصدية نرة 1 لليهود المقتحمين، بس القصة انو في ناس بدها تعيش وبدها تتعايش مع الوضع وقدر الامكان باقل خسارة ممكنة سواء من الارض او الارواح البشرية او الامن يلي عنجد منفتقدو!!! في ناس بدها تعيش من الطرفين ومن الشعبين، بس السؤل كيف نعيش بدون ما ينظلم ولا طرف، شكلو الاشي شبه مستحيل... وبما انو اللي متخذين جانب القتال من الطرفين يؤمنون باحقية كاملة لهم بالارض، سؤالي لالك هو انو رح نوصل او خلينا نقول رح يوصل اي طرف منهم للي همي بدهم اياه عنجد؟؟؟؟؟!!!!! انا بشوفش هيك ازا الطرفين ضلوا يقاتلوا في سبيل السيطرة على الارض كاملة، وهاد لا يعني اني اؤيد المفاوضات كما لايعني اني اؤيد التنازل عن الارض، بس في الوضع الحالي، هاي هي نظرتي، والله اعلم شو بصير بكرا! لانو احنا منقالت لشان نسيطر على اشي هو النا بالاساس!!! وان شاء الله (ومش انشالله>> شايف ما اشطرني) يكون بكرا احسن من اليوم! تحياتي لالك.. لالا-فلسطين 48. |
||
|
|
|||
| اقتباس المشاركة |
|
11-29-2009, 01:26 AM
|
#6 | |||||
|
¤ رَآقِيَــةً بإيمَـآنِــيْ ¤
قوة السمعة: 519
|
رد: كل اشي ولا الـ סובלנות (السوبلونوت)......!!!!!
لا لا آي سلام ,آي بطيخ..
لالا ..آحنآآ النآآ متغربين عن بلدنآآ فلسطين..50 سنه .شو بدك،، آكتر من هيك والله آدموعي على خدي..بعد مآشردونآآ وضبحونآآ..  .آي سلام ..الله لا يسلمهم دنيآآ وآآخرهــ..يآلا لا..كتير نآآ س ..ومنهم البآآالبآآ نفسو بس يشم ريحت آبلدوو وآآي سلامـــ وآآي سلامــ.. لالا ..هآآي المفوضآآت آنسيهآآآ.. ..لانو الطرفين معندين وخآآصه سبع البرمبه (م)..الله يرجعنآآ على بلدنآآ بس..وآد ضلو هيك..مآآحنرجع على بلدنآآ.. والله آحنآآ وضعنآآ زي ........ المتغربين عن وطنهم ..كل يومـ لازم تسمعيلك كم كلمه ..مآفيه كرآآمه ..والله آعلم بحآلنآآ..ويسلمو كمآآن مرهـ |
|||||
|
|
||||||
| اقتباس المشاركة |
|
11-29-2009, 12:51 PM
|
#7 | ||
|
I ♥ ISLAM
قوة السمعة: 16
|
رد: كل اشي ولا الـ סובלנות (السوبلونوت)......!!!!!
المشاركة الأصلية كتبت بواسطة ♥farfo0osha♥ اهلا وسهلا فيكي كمان مرة فرفوشتي! مهو هاد اللي عن نحكيلك اياه سلام مين، ومفاوضات على شو، وانا حكيت بالرد السابق لالي انو كل هاي المفاوضات مزعومة وما هي الا اعتراف رسمي عملي على احقية اسرائيل بارض فلسطين، يعني باختصار انا بشوف البطيخات المفاوضات سبيل لارضاء اسرائيل واستعطافها انو اوكي يا اسرائيل ما الك الا تكوني راضية، ازا بعجبك نقسم الارض فيفتي فيفتي ولا يهمك وازا بدك كمان اكتر من هاي الحصة، كمان ولا يهمك! كمان اسرائيل نفسها مش معنية تحققو لهاد السلام ولو كانت معنية كنا زمان لمسنا النتائج، وازا بتحكي انو سبع البرمبة معند يا ستي يكون معند ولا يبدي تنازلات (على اساس انو مش متنازل من مرة)!!! بس تربية للسلام اللي منتعلمو عشكل كورسات هو اكتر انو كل واحد من الطرفين (عرب- يهود) يعرف شو التاني بعرف عنو وبتكون فرصة لحتى يعرف الطرف التاني بالرواية التاريخية والجماعية، وكمان في مشروع جديد انو يكون فلسطينية من الضفة ومن ال48 مع يهود في لقاءات من هالنوع. وبأكدلك انو دايما بهيك لقاءات بكتشفوا اليهود انو الرواية التاريخية اللي بعرفوها لشعبهم غلط والرواية الفلسطينية هي الصح! وبالاخر يا ستي ان شاء الله بترجعوا عبلادكو وبتيجي عنا وبتزورينا فردا فردا، وانا اللي علي اعزمك على زعتر جبل (من جبال فلسطين)، امي بتعملو كتير زاكي!!!!! وازا عريحة فلسطين انا من جهتي كل مكان حلو هيك بزوروه اللك علي اني افرجيكي صوره، صح الصور مش زي الشوفة عالطبيعة، بس ولا البلاش!!! والله يا فرفوشة متخيلة معناتكو بكفي انكو مش بوطنكو، والانسان ما بحس بكرامة واعتزاز الا لما يكون بوطنو وديارو (شو ما كانت البلاد اللي عايش فيها بالوقت الحالي!)... لك انا ازا تغير محل غرفتي بتضايق كيف انتو اللي تغير محل عيشتكو!!!!!! وبتمنالك الرجعة القريبة عبلادكو وان شاء الله وقتها ما بتشعرو الا بالكرامة!!!!!!!!! الله يسلمك مرة تانية... تحياتي.. لالا-فلسطين 48. |
||
|
|
|||
| اقتباس المشاركة |
|
11-29-2009, 01:03 PM
|
#8 | ||||
|
.:. يـآسمينـة فلسطين .:. 
قوة السمعة: 545
|
رد: كل اشي ولا الـ סובלנות (السوبلونوت)......!!!!!
شكرا اختي
|
||||
|
|
|||||
| اقتباس المشاركة |
|
11-29-2009, 05:04 PM
|
#9 | ||
|
I ♥ ISLAM
قوة السمعة: 16
|
رد: كل اشي ولا الـ סובלנות (السوبلونوت)......!!!!!
عفوا اختي (بس فهميني على شو شكرا!!!!!!!)
بتنوري دايما! |
||
|
|
|||
| اقتباس المشاركة |
|
11-29-2009, 08:05 PM
|
#10 | ||||
|
.:. يـآسمينـة فلسطين .:.
قوة السمعة: 545
|
رد: كل اشي ولا الـ סובלנות (السوبلونوت)......!!!!!
طيب
على موضوعك حتى لو شو ماكان بحب أشكر صاحب الموضوع بالذاات انت مشورة |
||||
|
|
|||||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض المتطور
