شباب فلسطين

عاشقة الليل · 04-04-2006, 03:01 PM

كثيرا ما يحس الانسان انه قد وقع ضحية تجربة فاشلة ..
فيعيش في حالة يأس قاتل.. فيعزل نفسه عن العالم .. ويجلس يبكي على نفسه .. وفي تلك اللحظة يظن بأن الناس ينظرون اليه نظرة سخرية .. فيتماشى مع هذا الوضع .. ويستمر بالانعزال .. وينسى اهمية نفسه ..
وتبدأ مشاعر اليأس تتحول الى كره وحقد مكنون في قلبه على من حوله ..
ويبدأ بإلقاء اللوم عليهم .. وتتملك الغيرة قلبه .. ويصبح كرهه للنجاح هو الشعور الوحيد الذي يراوده ..فيحاول بشتى الوسائل ان يحول كل انسان ناجح الى فاشل .. لكي يشفي غليل الكره والحقد الذي ينهش قلبه ..
وينسى ان الحياة فيها الحلو والمر .. ينسى ان الفشل طريق النجاح .. وانه حتى لو تعثر الانسان بحجر في طريقه فهو قادر على النهوض واكمال مسيره ..
فلماذا يراودنا شعور باليأس من مجرد تجربة فاشلة ؟؟
لماذا ننسى ان الايام قادمة .. وان الامل لا يزال موجودا .. وان الشمس سوف تستمر بالشروق .. والعصافير سوف تستمر بالتغريد ؟؟
لماذا ننسى ان الانسان يتعلم من خطئه وان الارادة تصنع المعجزات ؟؟
ولماذا لا نحاول صنع هذه المعجزات ونحاول تناسي فشلنا ؟؟

رولينا · 04-04-2006, 03:09 PM

اول شي مواضيعك كتيير رائعة ومميزة اختي عاشقة الليل

تاني شي صحيح ما في انسان ما بيفشل في الحياة صحيح لما الانسان بيمرق بتجربة فاشلة وخاصة لو خسر مبدأ من مبادئه رح يتعب اولها ورح يحس انو الدنيا صغيرة من حوليه ورح يفكر بطريقة سلبية والى اخره بس هاد كلو ما رح يجيب نتيجة يعني لازم ما نحط ايدنا على خدنا ونيأس
لازم نطير وننطلق بقوة وبحرية لازم نعرف انو رح يجي يوم ونكون احسن الناس وانو ما حدن احسن منا
لازم نتعلم من تجاربنا مش نزعل لا المفروض نتعلم وناخد العبرة من انفسنا ومن غيرنا مش نوقع بالغلط ونعيده لا ما نعيده ابدا
واولا واخيرا لازم نعرف انو ربنا كبير ما بنسى حدن
يعني ربنا اللي بوفقنا وبحمينا وباخد حقنا مش العالم والناس اللي بيحمونا
وشي تاني ايمانا لازم يكون كبير بهالدنيا وزي ما في شر في خير
بس لازم نحذر ونحذر
ومشكوووووورة مرة تانية على الموضوع

عاشقة الليل · 04-04-2006, 03:19 PM

شكرا الك اخت رولينا على مرورك وعلى كلامك الحلو
وانا معك ف هاد الكلام وانا حبيت اوضح كمان انو انا بحكي عن جزء من مجتمعنا
يعني في جزء تاني كمان بيشوف الفشل بداية نجاح وما بفقد الامل
والله يوفق شباب المسلمين كلهم

رولينا · 04-04-2006, 03:25 PM

صحيح اختي

الفشل هوي بداية طريق النجاح
في كتيير من المشاهير في الوقت الحاضر ما نولدوا وبتمن معلقة دهب
تعبو وجاهدوا ليوصلوا للي هني فيه
وعندي مثال بخصني شوي
هوي والدي فوالدي رجل عصامي تعب بحياتو كتيير وهلأ هوي انسان ناجح في حياتو وكتيير انا باخد منو مواقف وعبر هوي بعلمني اياها دايما

عاشقة الليل · 04-04-2006, 03:31 PM

انا بوافقك اخت رولينا على كلامك
وبتمنى من الله يوفقك ويوفق والدك

ديما الحب · 04-04-2006, 04:49 PM

معك حق عاشق الليل في كتير ناس بفشلوا بعتبروها دفعة كبيرة للنجاح ونا بتفشل وبعتبروها فشل طول عمروا
بس بتمنى الناس الي الفشل عندها بتعبهم وبعتبروه فشل حياتهم يتغيروا ويغيروا هل القاعدة من راسهم

يسلمووووووووووووووو موضوع روعة

عاشقة الليل · 04-04-2006, 04:53 PM

شكرا الك اخت ديما على المرور وعلى المشاركة
وانا معك بتمنى منهم يتغيروا

ابن الانتفاضة · 04-04-2006, 10:58 PM

اولا وقبل ما انه نحط اللوم على هاد الشخص لازم نعرف ظروفه اللي مرق فيها ، يعني الانسان اللي بينعزل كرمال مشكلة صادفته او حد خاين تركه وعزل نفسه ، هاد بيكون نتيجة التربية وكيفية تعامل اهله معاه من هوي صغير ، ما تفكروا يا جماعه انه لما كل العالم بتحكي بيرجع للتنشأة انه يعني اوف احنا بدنا نعمل التنشأة شماعه ونعلق عليها اخطاء الانسان !!! لكن برايي انه اكيد صحيح ، التنشاة الها دور كبير في صقل شخصية الانسان لانه يكون انعزالي او اجتماعي او طيب او شرير .. الخ ، وهون بيكمن مربط الفرس.

عاشقة الليل · 04-05-2006, 02:41 PM

انا معك اخ حنين في كلامك
وعنجد كلامك بدل على انك انسان فاهم الحياة صح
ومرورك شرف كبير الي

أبو البراء · 04-05-2006, 04:45 PM

السلام عليكم :

مشكورة أختي علي هذا الموضوع المهم و خاصة أن كل انسان يجب أن تمر عليه تجربة فاشلة و يجب عليه النهوض مجددا لكي يواصل المسيرة و الدرب لكي يصنع المعجزات و أقرب مثال هو مكتشف الجاذبية الارضية العالم الشهير : نيوتن فكان نيوتن أفشل انسان و تلميذ في الفصل كله و لكنه عندما سقطت عليه التفاحة اخذ بالتفكير حتي اهتدي الي اكتشاف الجاذبية الارضية

أخوكم : أبو البراء

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اشياء مبعثرة عن الفشل	sanae	وِجْهـــَةُ نَــظَــرْ	0	04-04-2006 11:39 PM
حكاية جدار الفصل العنصري	ابوخضر	نبض فلسطين	13	03-05-2006 08:03 PM
اعلان العصيان على الفشل قبل البدا بالعمل كفيل بان يجعل النجاح اقرب اليك من الفشل فيه	ابن الاسلام	إيماني نبض حياتي	0	02-20-2006 12:50 PM
جدار الفصل العنصري	فلسطين لنا ولنا	نبض فلسطين	0	01-29-2006 11:39 AM
حين يجتمع الفشل مع الغباء والبلطجة	سيد يوسف	نبض فلسطين	2	12-05-2005 05:41 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء