[السيف عدي]

المشاركة الأصلية كتبت بواسطة نسمة بلادي جيت ع الموضوع لأنو بخصني

جاية أضامن معك ومع كل طلبة التوجيعي ع قولتك

أما قصصك رووووعة من الآخر وكل شي حكيتو 100%

أنا توجيهي فرع علمي .. ^.^

وبالنسبة لسنة 1991 كتيييير بحبها هالسنة بموووووت فيها

وخصوصا الي فيها ذكريات أصلو أنا انولدت

بالحرب (حرب الخليج) هههههه وأمي لهلأ بتحكيلي

لما انولدت شو صار كان اكشن في الموضوع يا جماعة...

وهلأ لأني توجيعي رح أغيب عن المنتدى هالسنة كلها

أهلي حاظرين النت عليّ ازا قعدت أول يوم فيه رح يفصلوا النت كلوا

شايفين المعاناة اللي بنعانيها

بجنن أخوتي وكمان أي حدا مرت عليه هادي السنة

وخلصوا من سنة التوجيهي

هيك لحتى يطمئن بالي

بس كلهم بحكولي انها من أحلى السنين وبتمر بسرعة

اليوم والدي جابلي كل الكتب يا ويلي منهم

يلا لما ندرس بجد ومثابرة كل شي بهون

والنكتة حالة الاستنفار اللي بتصير لطلاب التوجيهي في

الصيفية يعني كل صحباتي وبنات صفي أخدوا

دورات ودروس خصوصية الا أنا

كنت بايعها يعني العطلة الحمد لله الحمد لله ولا بشي مفيد

قضيتها كلها نت بـ نت لهيك باكل بهادل من أهلي مرتبة

يعني أكيد كلكم مجربين متلي

بس حابة من هاد الموضوع أودعكم كلكم

وان شاء الله بتفوق بدراستي وربي يوفق كل طلاب التوجيهي

(الفتاة المشرقة & الرمش الحساس & محمد & رولا فداء & أعشق أنفاسه ..... الخ )

نلقاكم السنة الجاي وما تنسو تدعولنا

الله يوفقك في دراستك .. بس شو هالخبر .. ليه بدك تغيبي سنة !! .. كتير والله ..

على فكره في نقطة معظم الطلاب ما بنتبهولها .. وهي انو الدراسة مش بالوقت .. ولا بالكم ..

لازم تعرفي كيف تدرسي وشو تدرسي .. وهالشي مش الكل بقدر يعرفو ..

وبصير يحفظ بالكتاب وبالاخير بجيب علامات اقليله من ورا انو ما فهم منيح شو يدرس .. وكيف يدرس

الموضوع بدو سرعه بديهة مش اكتر .. انا ايام التوجيهي كنت ادرس ساعتين في اليوم ..

اركز ع شغلات معينة .. والتلخيصات ما في احلى منها .. الكتب مليانة ورق .. ورق ع الفاضي ..

والامتحانات بتيجي من اماكن معينه .. صح ع ايامنا ما كان في منتديات سنة 1998 ايام ما كنت توجيهي

بس ازا قعدتي ساعة على المنتدى كل يوم مش كتير وما الو علاقة بدراستك ..

ما في طالب بقدر يستوعب اكتر من ساعتين دراسه في اليوم .. وازا قعد اكتر بكون تضييع وقت ..

بنتمنى ما تغيبي عنا ..موفقة ..