[&نسيم الروح&]

شبرزباي

المقادير:

بطاطا كتير "بعدين بحكي ليش"

لحمه مفلومه باوند "نص كيلو"

خضار شكله بزيلا وجزر ودره

2 حبه بصل

ملح

بهارات مشكله

فلفل اسود

حليب

بيضه وحده

زيت

طريقه التحضير:

قشري البطاطا واسلئيها طبعا التقشير عشان تستوي بسرعه

قلبي اللحمه مع بصله مفرومه وسط مو ناعم كتير

وخليها على نار هاديه لحد ما تروح ميتها

اما الخضره بس تروح الميه عن اللحمه بتنحط عليها وبتتالب شوي وبينحط عليها الملح والبهارات والفلفل الاسود "كله حسب الرغبه لانه كل واحد اله زوئه بالموضوع"

اما البطاطا بس تستوي طبعا اهرسيها منيح وحطي عليها كاسه حليب

مع البهارات والزيت وشويه ملح وبس

هلا رح احكيلكم كميه البطاطا ليش... طبعا الكميه علشان تنمد بالصينيه يعني حسب حجم الصينيه وانتي قدري

هلا بعد ما تنهرس مدي البطاطا بالصينيه بعدين بتحطي فوقها طبقه اللحمه مع الخضار بترجعي بتحطي كمان طبقه بطاطا وبتندهن من فوق بالبيض

وبتنحط بالفرن بها حوالي 15 دقيقه وبس هادي كل الئصه

شفتوا ما اسهلها

ازا بدكم بعملكم الكتاب انا بس بدي حد يساعدني بالتنسيق لانه متل ما حكيت ما بينفع معي اشرح كتير بس بفهم

اما الحلو خلي على غيري لانه مو قدرتي هههههههههههههههه