[ღ حورية فلسطين ღ]

صباح الخير

هالمشاركة خاصة لأحكيلكم عن حياتي من أول ما انولدت لهلأ

بإختصااااااااااااااااار لأني تعبت وانتو تعبتو وانتو بتستنوني أخلص صح






هاد يا حلوين في يوم من الأيام إجيت أنا عالحياة

طبعا لهلأ ماما بتحكيلي لما انولدتي جمعتي كل دكاترة المستشفى علينا

يا عيني علي أنا مهمة من صغري


المهم لما كنت صغيرة كنت قردة مقردنة

يعني طفولتي كانت كلها شقاوة

عن جد كنت قردة بشكل مو طبيعي

عن جد يعني قردة بمعنى الكلمة كنت مأجرة مخي عالآخر مأجرته بلا مبالغة يعني


كنت أعمل عملات فظيعة بس مو بالبيت

بالبيت كنت عاقلة

بس أول ما أروح عالمدرسة طبعا مع صعباتي كنت أتفنن بالهبل





عن جد كنت فظيعة بالمدرسة يعني المعلمات أول ما يشوفوني هيك بكون بريئة وعين الله حولي وحولي^^

خمس دقايق وانسو موضوعي على طول بكرهوني المعلمات

هلأ مرحلة الإبتدائي كلها رح أختصرها بشغلة وحدة ما بنساها


وأنا بالصف السادس أكلت كف من وحدة من المعلمات

والسبب كان لأني فلسطينية


وافتخرت بالكف اللي أخدتو بس عشان أخدتو لأني فلسطينية

هلأ هية اتبهدلت عشان الكف اللي عطتني اياه بس أنا كنت كتير مبسوطة

كانت بتكرهني كره لدرجة تشوف القرود الزرق وما تشوفني

وهاد كله لأني فلسطينية





مرحلة المتوسط كمان كانت كلها شقاوة بشقاوة

واللي بتذكره منها ؟إني حقدت على وحدة من المعلمات لأنها خلت ماما تبكي بسببي

وأنا كللللللللللله إلا ماما

ما حدا يدوسلها على طرف

وضليت أربع سنين بالمتوسط ( بالمناسبة بعدين بحكيلكم ليش 4 سنين )

مع انو المفروض يكونو 3

انتقمت من هاي المعلمة شر انتقام

خليتها تكره المدرسة باللي فيها عشان مو هية اللي تخلي دمعة إمي تنزل


وعن جد عرفت كيف آخر حقي منها ولهلأ مش قادرة أنسى اللي عملته فيي

بس الله كبير

بعد ما أنا خلصت مرحلة المتوسط وطلعت من المدرسة

وصلتني أخبار انو في بنات من نفس المدرسة صوروها لهالمعلمة ونزلو صورها بالنت

اللهم لا شماتة طبعا بس كانت بدها اياها والله

والحمد لله على كل حال ^^




نيجي لمرحلة الثانوية

بهاي المرحلة رجعلي عقلي وصرت هادية الحمد لله

بس هاي المرحلة كانت من أحلى المراحل عن جد كتير حلوة

وبالذات سنة التوجيهي غيييييييير شكل

أنا كنت أدبي وطبعا اتخرجت بمعدل بسود الوجه

بس عادي يعني ما كانت فارقة معي لأني اصلا ما درست

ليش ما درست لأنو ما كان هاممني أجيب مجموع عالي لأني كنت حاطه ببالي إني أدرس شي بعد التوجيهي ما بدو مجموع ^^

جبت معدل 78%

لا تفكروني فاشلة أهم شي


في بلاوي وأخبار كتير صارت بمرحلة الثانوية اذا صار وقت بحكي عنها

ما صار وقت خلص راحت عليكم

خليني أختصر لأني طولت كتير عليكم ^^