[السيف عدي]

المشاركة الأصلية كتبت بواسطة حنان16 السلام عليكم

اول شي مشكورة خيتو رحيق عالموضوع


اما ثاني شي


الصراحة ولا شيء غيرها

عجبني كثير اسلوبك في الوصف خيي حسام

فكرني بموضوعي *ارتسامات*

مشان هيك راح يكون سؤالي

شو نظرتك لــحـــنــان (مي)

وبالكلمل

اذا امكن

؟

وطبعا اهم شي عندي الصـــراحـــة


^_^







>>> حــــنـــــان

يا هلا اخت حنان منورة .. تسلمي ع المشاركة والمرور الرائع ..

انتي قلتي بصراحة .. وبما انو كرسي اعتراف .. راح احكي بصراحة .. يمكن لاول مرة ..

اي انسان بتعامل معك لازم يحترم ثقافتك ورقيك في الحوار وخلفيتك الدينية الواعية .. والتزامك بالقوانين

شبهتك قبل هيك بريشة المنتدى .. لانك مبدعة في وصف الامور بشفايفه عاليه بتشبه الرسام بالضبط ..

جديه في عملك .. ومواضيعك دائما الها معاني ومعاني ومعاني .. صعب الاقي لئلك مشاركة ما بتحمل

معنى صارخ وقوي .ومؤثر ..

من الملفت فيكي عدم تخطيك شخصية وحدة جواتك .. هون العضو ممكن يكون جدي في موضوع

ومازح في موضوع اخر .. انتي لا .. حنان هي حنان في كل المواضيع وكل الاوقات .. وكل الظروف ..

دائما الك شخصية وحدة عرفناك فيها ما بتغيري من اسلوبك ابدا .. الاسلوب الجدي الادبي الواعي ..

هالشي الو ايجابيات كتير .. والو سلبيات .. ويمكن هالشي حصرك في عالم معين بعيد نوعا ما

عن الاعضاء .. بس اكيد الاعضاء المثقفين والواعين .. راح يفهمو طبيعتك وشخصيتك ..

من هاي النقطة اوقات بدايق من مداخلاتك .. احيانا بكون موضوعي مزح ... مجرد نهفة او نكته عابره ..

و انتي بتكون مداخلتك جاده .. متل .. لا تعليق .. او علامة استفهام .. ومن هون بتكوني بعيده شوي

عن جو الموضوع والاعضاء .. اتمنى اكون ناقشت شخصيتك بموضوعية كبيره .. وبطريقة صحيحة ..


تسلمي خيتو .. ما ننحرم من مرورك .. منورة