[&نسيم الروح&]

المشاركة الأصلية كتبت بواسطة السيف عدي منورة اخت نسيم .. ازا ممكن شاركينا الحوار عن ايجابيات وسلبيات المسلسل ..

يا هلا فيكي خيتو ..

كنت بستنى العزيمه

طبعا هاد المسلسل واله ايجابيه وحده للعالم العربي ببساطه لانه بطرح مشاكل

بالعالم التركي مو عنا الي همه فاصلين الدين عن الدوله وعن الحياه كلها

طبعا هاد المسلسل كزبه حتى بالعالم التركي لانه هو تابع لاوروبا واوروبا زي عنا هون ما في وئت للمشاعر

لانه الحياه العمليه طاغيه على المشاعر كلها

هلا اكيد انه الزوج يكون رومنسي حلو بس مو لهي الدرجه هادي رومنسيه خانقه قاتله

ما حد بتحملها

وبعدين احنا ازا بنت كانت حامل بدون زواج هادي اهلها بئتلوها على الاقل

همه بالاول زعلوا وبعدين تقبلوا الوضع لا والبنت عمرها كان 6 لما عرفوا اهلها المهم

عندهم الاجهاض زي حبات الرز كل ما وحد حملت بتروح بتعمل العمليه وبتنزل البيبي

هاد عنا حرام يعني عنا الاصل ازا كان بيازي الام غير هيك حرام

المهم التالت

الحياه الارستقراطيه حتى بتركيا ما بتمنح الحئ للي في الطبقه هادي يعملوا هيك ويتحكموا بمصير الناس وعنا كمان الدكتور بيكون عنده ضمير مو لشي لانه اقسم بانه يحافض على شرف مهنته على عكس الطبيبي الي جابوا

وبعدين الطلاق مو بهادي السهوله الاصل بالدين مو كل ما زعلت المره من جوزها او هو زعل منها بروحوا بيطلئوا وبعد كم يوم برجعوا بعقدوا من جديد هاد تلاعب بالدين

بحكوا عن حالهم مسلمين وابسط معالم الاسلام ما بتضهر عليهم والمسلسل هاد انا ما بنكر انه بشوفه بس ما رح اتاتر في زي ئليلات العئل وبعدين الاطفال صاروا يحضروا وبالعربي محى طفولتهم والبراءه من عيونهم

مو لهي الدرجه يعني الاصل انه الواعي يمنع ولاده من انهم يشوفوا لانه اطفال بين 5-10 سنين واقل واكبر طبعا

بهبولين بنور وبجمالها مع انها مو هالجمال

البنات بدهم يسيروا زيها والشباب صار همهم مهند عشان يعجبوا البنات يعني تفاهه العالم العربي زادت من وراه

يعني اختي بالاردن كانت توجيهي السنه حكتلي انه البنات بسيبوا دراستهم عشان المسلسل واصلا نسبه الرسوب السنه كانت عاليه احتمال يكون من المسلسل هاد مو بعيده

اما الايجابيات انه همه عيله مترابطه وبتوحي بالترابط الاسري بتركيا يعني بلكي العرب صار بينهم ترابط ولو شوي

انا هلا تعبت وبدي اعطي المجال لغيري "ازا كان في شي انا مكررته من ردودكم فانا اسفه لانه ما لحئت اقرا كل الردود"