[نهال]

السلام عليكم
طبعا كلكم بتعرفوا نظام الرسائل الخاصة
وهاد النظام حلو كتير وممكن نستخدمه في اشياء مفيدة يعني مثلا واحدة حابة تتعرف على واحدة وتعطيها ايميلها من غير ما يشوف الاعضاء التانيين ولا وعضو حاب ينصح واحد من الاعضاء مش قدام الاعضاء ....الخ
بس مع الاسف في كتير منا بيستخدموا هاد النظام لاشياء مش حلوة ابدا يعني مثلا عضو يستغل ها النظام عشان يعاكس عضوة ويطلب ايميلها ولا للمضايقة واشياء ما لها لازمة.......الخ
المفروض يا جماعة اننا نستخدم ها النظام بس في المفيد عشان لو ما حد بيشوفكوا فالله بيشوفكوا
فلا تنظروا الى صغر المعصية ولكن انظروا الى من تعصوا
ولا تجعل الله اهون الناظرين اليك
وانا بوجه ها الكلام لالي اولا وثانيا لمحمود لانو القدوة في ها المنتدى ولانو المدير وبعدين للكل
اللهم اني بلغت اللهم فاشهد
فيوم القيامة سيشهد هذا الموضوع عليك ان كنت رايته ولم تعمل به
صحيح اني مش من المشرفين ولا من الادارة بس انا عضوة هون بتخاف على اخوانها واخواتها
تحياتي