قصة شعرية طريفة بعنوان (يخلق من الشبه اربعين) تأليف أحمد شبلاق
يخلق من الشبه أربعين
مبارح وأنا بالشارع امسكت واحد و حكيتله أنتا عمي
أنتا أخو زوج أمي
قال يخلق من الشبه أربعين
فكرني مجنون
حكالي وين أبوك
وأهلك ليه رموك
روح دور على اللي خلفوك
حكالي أنا مش أخو أبوك
حكيتله والله في شبه بينا كتير
انجن وعقله منه راح يطير
قال كيف بدي أكون عمك و أنا ابيض وأنتا اسمر
شعرك أسود وشعري أشقر
حكيتله الشعر الأشقر موضة وهلآ مرغوب
فأكيد شعرك مصبوغ
عصب وصوته بكل الشارع صار مسموع
اجتمعوا الناس يشوفوا شو الموضوع
حكالهم خلي هالإنسان يحلي عني
مجنون وراح يجنني
رفع ضفظي وراح يجلطني
قامت صبية و قالت فهمونا شو القصة
حكالها هذا الإنسان ما بيستحي على دمه
بدو غصب مني عني يطلعني عمه
حكالها شوفي اكبر دليل كل واحد شعره لون
حكت الصبية يمكن مصبوغ خلينا نتأكد عند الصالون
قال الزلمة اللهم طولك يا روح
وين الصالون خلينا نروح
دخلنا للحلاق وحكيناله قول الحقيقة
قال الحلاق: شعره مصبوغ من خمسين دقيقة
قال الزلمة للحلاق صبغه بعينك
عصب وقام بدو يضربه
حكيتله طول بالك احنا الكاميرا الخفية
عاملين معك مقلب أنا و الحلاق والصبية
حكى عن مزح طيب وين اخوي بدي أشوفه
اشتقتله وبدي أبوسه
تأليف أحمد صلاح شبلاق
|